သစ်ပင်တွေနဲ့ အနားယူမယ်

Forest Bathing/ Forest Therapy မြန်မာလို ဆီလျော်အောင် ပြန်ရင်တော့ သစ်တောကုထုံး (သို့မဟုတ်) ကျန်းမာစေရန် သစ်တောတွင်း ခဏတာ အနားယူခြင်းပေါ့လေ။ သီးသန့်သုံးတဲ့ အသုံးအနူန်းလဲ ရှိရင်လည်း ရှိပါလိမ့်မယ်။ ထားပါတော့လေ။ ခုကျွန်မပြောပြချင်တာက ကျွန်မတို့တွေ ဘာကြောင့် Forest bathing လုပ်သင့်လဲ၊ သစ်ပင်တွေက ကျွန်မတို့ ကျန်းမာရေးအတွက် ဘာတွေများ အကျိုးကျေးဇူးတွေပေးနေသလဲ?

Forest bathing ဆိုတာ ကျန်းမာရေး ကောင်းစေရန် သစ်တောတွင်း  ခဏတာ လမ်းလျောက်အနားယူ အပန်းဖြေခြင်း ဖြစ်ပါတယ်။ ဂျပန်ယဉ်ကျေးမှုမှ အစပြုဆင်းသက်ခဲ့တာဖြစ်ပြီး ခုချိန်မှာ သူ့ရဲ့ကောင်းကျိုးတွေကို သိရှိလာပြီး တစ်ကမ္ဘာလုံး အတိုင်းအတာ လက်ခံကျင့်သုံးနေပြီ ဖြစ်ပါတယ်။

Forest bathing လုပ်ခြင်းဖြင့် နှလုံးခုန်နူန်း မြန်နေခြင်းကို သက်သာစေခြင်း၊ သွေးတိုးရောဂါ သက်သာစေခြင်းအပြင် စိတ်ဖိစီးမှုဒဏ် ခံနိုင်ရည်ရှိမယ့် ဟိုမုန်းတွေကို ထုတ်လုပ်းပေးပြီး ခန္ဓာကိုယ်ရဲ့ ခုခံအားစနစ်ကို တိုးမြှင့်ပေးပါတယ်။ သစ်တောကုထုံးကြောင့် ကိုယ်ကျန်းမာ စိတ်ချမ်းသာစေမှာ မလွဲပါဘူး။

ဘာကြောင့် Forest bathing က ကျန်းမာရေးအတွက် ကောင်းစေသလဲ?

သစ်ပင်တွေမှာ ၎င်းတို့ကို ပိုးမွှားနဲ့ အင်းဆက်ရောဂါတွေ မကျရောက်ရန် ကာကွယ်ပေးတဲ့ phytocide ဆိုတဲ့ ဓာတ်တစ်မျိုးထုတ်ပေးပါတယ်။ အဲ့ဓာတ်ဟာ ကျွန်မတို့လူသားတွေအတွက်လည်း ကျွန်မတို့ရဲ့ ခုခံအားစနစ်တစ်ခုလုံး လုပ်ဆောင်ရည်တိုးလာအောင် စွမ်းဆောင်ပေးနိုင်ပါတယ်။ ဒါကြောင့် သစ်တောတွင်း ခဏတာ အပန်းဖြေ အနားယူူ လမ်းလျောက်ပေးခြင်းဖြင့် ကျွန်မတို့ရဲ့ ခုခံအားစနစ်ကောင်းလာစေမှာ ဖြစ်သည့် အပြင် နှလုံးရောဂါ၊ သွေးတိုးရောဂါများကို ကာကွယ်ပေးပြီး စိတ်ဖိစီးမှုဒဏ်ကို ပိုမိုခံနိုင်ရည် ရှိလာမှာ ဖြစ်ပါတယ်။

အထိရောက်ဆုံး Forest bathing ဖြစ်ဖို့ ဘာတွေလုပ်ကြမလဲ။ ဘယ်လိုလုပ်ကြမလဲ?

အဲ့အတွက် လွယ်ကူပါတယ် မိတ်ဆွေ။ သက်တောင့်သက်သာ ရှိမည့် ချည်ထည်လို အဝတ်အထည် ပါးပါးကို ဝတ်ဆင်ပါ။ သစ်တောရဲ့ နေရောင်ခြည်နွေးနွေးအောက်မှာ အပန်းဖြေရင်း လမ်းလျောက်ပါ။ သို့မဟုတ်ပါက မိသားစု သူငယ်ချင်းများနဲ့ ဂိမ်းတစ်ခုခု ထိုင်ကစားတာဖြစ်ဖြစ် တရားမှတ်တာဖြစ်ဖြစ် လုပ်ပါ။ 

အချိန်ကတော့ မပူလွန်း မအေးလွန်း နွေဉီး၊ ဆောင်းဉီးလို ရာသီမျိုးဟာ အသင့်တော်ဆုံးဖြစ်ပြီး မနက်၁၀ မှ နေ့လည် ၂ နာရီအတွင်း လုပ်ဆောင်တာက အကောင်းဆုံးရလာဒ် ရနိုင်တယ်လို့ သုတေသနတွေက ဆိုထားပါတယ်။

နောက်ဆုံးတစ်ခု အကြံပေးချင်တာက ဖိုက်သွန်ဆိုဒ်ဓါတ်ဟာ ရွက်ပြားကြီးတဲ့ အရွက်တွေ မှာထက် ထင်းရှူးမျိုးစိတ် အပင်တွေမှာ ပိုမိုထွက်ရှိတာမို့ ရှမ်းပြည်၊ ကလောလို နေရာမျိုးက သစ်တောတစ်ခုခုကို တောင်တက်ခရီးထွက်ရင်း သစ်တောကုထုံးကို ရယူမယ်ဆိုရင်တော့ အကောင်းဆုံးဖြစ်မယ်လို့ အကြံပေးရင်း လူကျန်းမာ စိတ်ချမ်းသာကြပါစေလို့ ဆုမွန်ကောင်းတောင်းလိုက်ပါတယ်။

Yuki Wai 

စားနပ်ရိက္ခာဖူလုံမှု ပူးပေါင်းဆောင်ရွက်ရေးအဖွဲ့ (မြစ်ဝကျွန်းပေါ် ဒေသန္တရ ကွန်ယက်သတင်းလွှာ) Vol – 7 ကူးယူ ဖော်ပြပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်