ချင်းပြည်နယ်တောင်ပိုင်းရှိ ဝဥစီးပွားဖြစ်စိုက်ပျိုးသူများ အော်ဂဲနစ်နည်းပညာသုံးဆေးဝါးများ စမ်းသပ်အသုံးပြုလာ

    ချင်းပြည်နယ်တောင်ပိုင်းရှိ ဝဥစီးပွားဖြစ်စိုက်ပျိုးထုတ်လုပ်သူများ အော်ဂဲနစ်နည်းပညာ အသုံးပြုထုတ်လုပ်ထားသည့် အပင်အားဆေးများ စမ်းသပ်အသုံးပြုလာကြောင်း သိရသည်။

အလေ့ကျပေါက်တုန်းကတော့ အပင်တစ်ပင်နဲ့တစ်ပင် ကျဲကျဲပဲဆိုတော့ ရောဂါကျရောက်မှုလည်း မရှိဘူး။ စီးပွားဖြစ်စိုက်ပျိုးတဲ့အခါမှာတော့ အပင်တစ်ပင်နဲ့တစ်ပင်က စိပ်တော့ ရောဂါကျရောက်ဖို့ လွယ်ကူတယ်။ ဒါ့ကြောင့် ရွက်ဖြန်းမြေဩဇာတွေ အပင်အားဆေးတွေ ဒီနှစ်မှ စတင်စမ်းသပ်သုံးကြည့်တာပါ။

ဟု ချင်းပြည်နယ်တောင်ပိုင်း၊ မင်းတပ်မြို့နယ်၊ ဝဥစိုက်ပျိုးထုတ်လုပ် တင်ပို့ရောင်းချသူများအစုအဖွဲ့၏အမှုဆောင် အဖွဲ့ဝင် ဦးကီးဟုန်းက ပြောသည်။

    ရှေးယခင်ခေတ်အဆက်ဆက်က  ချင်းပြည်နယ်၊ မင်းတပ်၊ မတူပီ၊ ကန်ပက်လက်ဒေသများ၌ ဝဥပင်ကို အလေ့ကျ သဘာဝအတိုင်းပေါက်ရောက်မှုများကိုသာ အသုံးပြုခဲ့ကြသော်လည်း ယခုအခါတွင် ဈေးကွက်လိုလားမှုအရ စီးပွားဖြစ်စိုက်ပျိုးလာကြခြင်း ဖြစ်သည်။ 

အော်ဂဲနစ်ဆေးဝါးတွေထဲကမှ အပင်အစာစားချင်စိတ်တွေ ဖြစ်လာစေအောင်ရယ်၊ မကောင်းတဲ့ရောဂါတွေ မကျရောက်အောင်ရယ်၊ အပင်အတွက်အကျိုးပြုတဲ့ ဘတ်တီးရီးယားတွေကို ပွားစေအောင်ရယ်၊ အထွက်တိုးစေဖို့ရယ် အတွက်ပါ။ ဘာအပင်မဆို များများစိုက်ပြီဆိုတာနဲ့  မြေကြီးမှာလည်း မြေဩဇာတွေခမ်းခြောက်လာတယ်။ အပင်မှာလည်း ခုခံအားနည်းလာတယ်။ ရောဂါဖြစ်ပွားနှုန်း များလာနိုင်တယ်။ ဒါတွေကို ကြိုတင်တွက်ဆပြီး သုံးပေးတာပါ။

ဟု ဦးကီးဟုန်းက ဆက်လက်ပြောသည်။

    ဝဥပင်ကို မေလကုန် ဇွန်လပိုင်း မိုးဦးကျကာလတွင် စတင်စိုက်ပျိုးလေ့ရှိပြီး၊ အောက်တိုဘာလအကုန်တွင် ဥများကိုတူးဖော်ရောင်းချကြသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်