စိုက်ပျိုးရေးအတွက်များစွာ အသုံးဝင်တဲ့ ငှက်ပျောရွက်

ငှက်ပျောခြံ တည်ထောင်သူများသည် ငှက်ပျောပင်မ အောက်ရွက်များကို ရှင်းလင်း ပေးရသည်မာ ထုံးစံပင်ဖြစ်သည်။ ငှက်ပျောတစ်ပင်၌ သန်စွမ်း စိမ်းစိုသော ငှက်ပျောရွက် ၄-၅ ရွက်ခန့်ရှိလျှင်ပင် လုံလောက်ပေသည်။ ထိုသို့ ရှင်းလင်းပစ်သော ငှက်ပျော ရွက်ခြောက် များကို စွန့်ပစ်၊ မီးရှို့ကြသည်မှာ နှမျောစရာ ကောင်းသည်။ ဒါ့ကြောင့် ငှက်ပျောပင်ထွက် စွန့်ပစ်ပစ္စည်း တစ်မျိုးဖြစ်သော ငှက်ပျောရွက်ခြောက်များကို စိုက်ပျိုးရေးလုပ်ငန်းတွင် အကျိုးရှိအောင် သုံးစွဲတတ်ရန် လိုအပ်ပေသည်။ ငှက်ပျော စွန့်ပစ်ပစ္စည်း တစ်မျိုးဖြစ်သော ငှက်ပျော ရွက်ခြောက် များကို အောက်ပါနည်းလမ်း (၅) သွယ်ဖြင့် အသုံးပြုနိုင်ပါသည်။

(၁) မြေဆွေးပြုလုပ်သုံးစွဲနိုင်ခြင်း

ငှက်ပျောရွက်ခြောက်များကို ဓားနဲ့ အနေတော်စင်းပြီး သူ့ချည်းသက်သက် အဆွေးခံ နိုင်သော်လည်း ဆွေးမြေ့မူ့ မြန်စေရန် ဆောင်ရွက်ပေးရမည်။ ငှက်ပျောရွက်ခြောက် ၂ဆ၊ နွားချေး ၁ဆ ခန့်ရောပေးသင့်သည်။ တတ်နိုင်ပါက ဖွဲနုပါ ထည့်ပေးနိုင်သည်။ ပြီးနောက် EM ပျော်ရည်ကို လောင်းပေးရမည်။ မရှိပါက တင်လဲရည် တစ်ဆ၊ ဖွဲနု နှစ်ဆကို ရောပြီး ၇ရက်ခန့် သိပ်ထားပါ။ အဖြူရောင်မှိုမျှင်လေးများ ထလာချိန် ရေနဲ့ ၁၀ဆ ရောပြီး လောင်းပေးရမည်။ ၇ရက်တစ်ခါလောင်းပေးပါက တစ်လအတွင်း စတင်ဆွေးမြေ့လာပြီး ၂လအကြာ၌ ကောင်းစွာဆွေးမြေ့လာသည်ကို တွေ့ရမည်။

(၂) မြေဆွေးပုံကို နေအပူ မထိတွေ့စေရန် အုပ်ပေးထားနိုင်ခြင်း

မြေဆွေးပုံများ အဆွေးမြန်စေရန် အထောက်အကူပြုသော အကျိုးပြု အဏုဇီဝပိုးများ ပိုမိုရင့်သန် ပေါက်ဖွားနိုင်ရန်အတွက် နေအပူချိန် တိုက်ရိုက်မကျရောက်စေရန် လိုအပ်ပါသည်။ ထိုသို့ နေအပူချိန်တိုက်ရိုက် မကျရောက်စေရန် သစ်ရိပ်ဝါးရိပ်အောက်၌ အမိုးအကာဖြင့်ပြုလုပ်ပေးရသည်။ တာလပတ်၊ ပလတ်စတစ်အမဲများဖြင့် အုပ်ပေးကြသည်များလည်း ရှိသည်။ အကျိုးကျေးဇူးများမှာ အထက်တွင်ပြောခဲ့သလို အကျိုးပြုပိုးများ ပိုမိုပေါက်ဖွားစေရန် အခြေအနေပိုပေးပြီး မိုးရာသီ၌ မြေဆွေးပုံ ပေါ်မိုးရေကျ၊ ရေစီးဖြင့် အာနိသင်များ ဆုံးရှုံးမူကို ကာကွယ်ပေးပါသည်။ တာလပတ်၊ ပလတ်စတစ်အမဲအစား ငှက်ပျောရွက်များကို အစားထိုး အသုံးပြုနိုင်ပါသည်။

(၃) မြေသြဇာရည် ပြုလုပ်သုံးစွဲနိုင်ခြင်း

ငှက်ပျောရွက်ခြောက်များကို ရိုးရိုးမြေသြဇာရည်အဖြစ် အသုံးပြုလိုပါက ရွက်ခြောက်များကို ရေနဲ့ ဆတူရောပြီး ပုံးထဲ၌ ၃ ညခန့် သိပ်ပေးပါ။ အာနိသင် ပိုကောင်းစေရန် ဖွဲနု၊ နွားချေး၊ တင်လဲရည်၊ ကြက်ဥခွံ၊ သစ်ရွက်စိမ်း၊ ရေရောပြီးသား EM စသည်တို့ကို ထပ်ဖြည့်ရောကာ မြေသြဇာ ရည်အဖြစ် သုံးစွဲနိုင်သည်။

(၄) မြေငွေ့ဖုံးပေးနိုင်ခြင်း

သီးနှံပင်များအတွက် မြေငွေ့ဖုံးပေးခြင်းသည် နွေရာသီ၌ မဖြစ်မနေ လုပ်ဆောင် ပေးသင့်သော ကိစ္စ တစ်ခုဖြစ်သည်။ မြေငွေ့ဖုံးပေးခြင်းကား ကောင်းကျိုးများစွာ ရှိသည်။ ငှက်ပျောရွက်ခြောက်များကို တိုက်ရိုက်ဖြစ်စေ၊ အဆွေးခံပြီးမှ ဖြစ်စေ မြေငွေ့ဖုံးပေးနိုင်သည်။

(၅) ကောက်ရိုးမှို စိုက်ပျိုးနိုင်ခြင်း

ငှက်ပျောရွက်ခြောက်များအား နည်းလမ်းတစ်မျိုး အနေဖြင့် ကောက်ရိုးမှိုကို စိုက်ပျိုးနိုင်သည်။ တစ်နိုင်တစ်ပိုင်ဖြစ်စေ၊ စီးပွားဖြစ် ဖြစ်စေ ကောက်ရိုး၊ ဗေဒါ၊ မြက်ခြောက် တို့အစား ငှက်ပျောရွက်ကို အစားထိုးပြီး စိုက်ပျိုးနိုင်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

စိုက်ပျိုးရေးအတွက်များစွာ အသုံးဝင်တဲ့ ငှက်ပျောရွက်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

စိုက်ပျိုးရေးအတွက်များစွာ အသုံးဝင်တဲ့ ငှက်ပျောရွက်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}