သစ်ဆွေးမြေဩဇာရဲ့အသုံးဝင်ပုံများ

သစ်ဆွေးမြေဩဇာက စွန့်ပစ်ထားတဲ့အလေအလွင့် ပစ္စည်းတွေကို မြေဩဇာအဖြစ် ပြောင်းလဲပေးနိုင်တဲ့ နည်းတစ်နည်းလည်းဖြစ်ပါတယ်။ သစ်ဆွေးမြေဩဇာကို မြေဆီလွှာအတွင်း ထည့်မွှေပေးခြင်းဖြင့် မြေဆီလွှာကို ကြရှည် ထိန်းသိမ်းပေးနိုင်တဲ့အပြင် အပင်တွေအတွက် အရေးကြီးတဲ့ အာဟာရဓာတ်တွေကို တိုက်ရိုက်ရရှိစေနိုင်တဲ့အတွက် ဓာတ်မြေဩဇာ ဝယ်ယူရန် လိုအပ်ချက်ကို လျှော့ချပေးပါတယ်။ မြေကြီးထဲရှိ သက်ရှိပိုးမွှားတွေရဲ့ အရေအတွက် တိုးပွားစေခြင်းဖြင့် အပင်တွေအတွက် အာဟာရဓာတ်ကို စဥ်ဆက်မပြတ်ရရှိစေပါတယ်။ မြေဆီလွှာထဲရှိ အာဟာရဓာတ်များကို အပင်သို့အနည်းငယ် ရရှိစေနိုင်တာသာမကဘဲ မြေဆီလွှာ တိုက်စားမှုကို ခံနိုင်ရည်ရှိခြင်း၊ လေဝင်လေထွက်ကောင်းခြင်း၊ ရေစီးရေလာကောင်းခြင်း တို့ကို ပါတိုးပွားစေပါတယ်။ မြေဆီလွှာမှာ ရှိတဲ့သက်ရှိပိုးမွှားတွက ကော်ရည်ကဲ့သို့ ဓာတ်ပေါင်းတွေကို စစ်ထုတ်ပေးခြင်းဖြင့် မြေဆီလွှာတွေကိုပူးတွဲတည်ရှိစေနိုင်ပါတယ်။ မြေကြီးအစိုဓာတ်စွဲမြဲနိုင်မှုကို တိုးတက်ဖို့လည်းလုပ်ဆောင်ပေးနိုင်ပါတယ်။ (မြေဆွေး ၅၀ ကီလိုဂရမ်မှ ရေ ၉၅ ကီလိုဂရမ်ကို ထိန်းပေးနိုင်ပါတယ်)။ သစ်ဆွေးမြေဩဇာသုံးပေးတာကြောင့်မြေဆီလွှာအချဥ်အငန်ဓာတ်ညှိပေးရာမှာ အကူအညီဖြစ်စေပါတယ်။ ရောဂါနှိမ်နင်းမှုကိုတိုးတက်စေပါတယ်။ အမှိုက်ကျင်းသို့ရောက်ရှိလာမယ့် အမှိုက်သရိုက်ပမာဏကိုလျော့နည်းစေပါတယ်။ တောင်သူများနဲ့ ပျိုးခင်းသို့ရောင်းချနိုင်ပါတယ်။ ဒါ့အပြင် စိုက်ပျိုးထုတ်ကုန်ရဲ့အရည်အသွေးကိုပါ သိသိသာသာတိုးတက်ကောင်းမွန်လာစေနိုင်ပါတယ်။

သစ်ဆွေးမြေဩဇာအသုံးပြုနည်း

ပျိုးဗန်းပြုလုပ်ရာတွင်အသုံးပြုခြင်း - ဥပမာ မြေသား ၃ ဆ၊ သစ်ဆွေးမြေဩဇာ ၁ဆ နဲ့ အုန်းခွံ ၁ဆ မှ ၂ ဆကို ပထမဦးဆုံးအမှိုက်သရိုက်ကင်းစေရန် ဆန်ခါချပြီးတဲ့နောက် နှံ့စပ်အောင်ရောမွေပြီး ပျိုးဗန်းမှာ ထည့်သွင်းအသုံးပြုနိုင်ပါတယ်။

မြေခံမြေဩဇာအဖြစ်အသုံးပြုခြင်း- အပင်မစိုက်မီ မြေထဲသို့စုပေါင်းထည့်ပေးခြင်း သို့မဟုတ် သီးပင်မစိုက်ခင် စိုက်ကျင်းထဲသို့ မြေသားနဲ့ ရောမွှေ၍လည်းအသုံးပြုနိုင်ပါတယ်။

အပေါ်ယံ၌မြေဆွေးထပ်မံဖြူးပေးခြင်း- သီးနှံပင်များမစိုက်မီ စိုက်ကျင်း (သို့) သီးပင်ရဲ့မြေသား အပေါ်ယံမှာ မြေဆီလွှာကို ပါးပါးဖြူးပေးခြင်းဖြင့်လည်းအသုံးပြုကြပါတယ်။

မြေဖုံးပစ္စည်းအဖြစ်အသုံးပြုခြင်း- အပင်များပတ်ပတ်လည်၌ဖြူးပေးပါ။ ထိုသို့ပြုလုပ်ရာ၌ ပင်စည်ပုပ်ခြင်း ကိုဖြစ်ပေါ်စေနိင်သဖြင့် အပင်နဲ့ ထိစပ်မနေစေရန် ခွါ၍ဖြူပေးရပါမယ်။

Ref; စိုက်ပျိုးရေးပညာပေးရေးနဲ့ ကျေးလက်ဒေသ ဖွံ့ဖြိုးရေးသင်တန်းကျောင်းမှထုတ်ဝေတဲ့ သီးနှံ စိုက်ပျိုးနည်းစနစ်များစာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

သစ်ဆွေးမြေဩဇာရဲ့အသုံးဝင်ပုံများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သစ်ဆွေးမြေဩဇာရဲ့အသုံးဝင်ပုံများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

နွားချေးကို စနစ်တကျ သိုလှောင်နည်း

ဒေသခံအဏုဇီဝပိုးမွေးမြူနည်း

ဒေသခံအဏုဇီဝပိုး စနစ်တကျမွေးမြူနည်း (IMO cultivation)

{{ post.title }}