မွေးမြူရေး ဆိုင်ရာ နည်းပညာ ရယူရန် အသိပေး ဖိတ်ခေါ်ခြင်း

၁။ တိရိစ္ဆာန် မွေးမြူ ထုတ်လုပ်ရေးသည် ကျေးလက်နေ ပြည်သူများ၏ လူမှု စီးပွား ဘဝကို မြှင့်တင်ပေးနိုင်သည့် ကဏ္ဍတစ်ခုဖြစ်သည်နှင့် အညီ တိရစ္ဆာန် ကဏ္ဍ ဖွံ့ဖြိုး တိုးတက်စေရန်နှင့် ကျန်းမာ သန့်ရှင်းပြီး အာဟာရ ပြည့်ဝသည့် မွေးမြူရေး ထုတ်ကုန် ပစ္စည်းများ ပိုမို ထုတ်လုပ်နိုင်စေရန် ရည်ရွယ်လျက် မွေးမြူရေး ပညာ သင်တန်းများကို ၂၀၁၇ ခုနစ် ဖေဖော်ဝါရီလမှ စ၍ စဉ်ဆက်မပြတ် ဖွင့်လှစ် သွားမည် ဖြစ်ပါသဖြင့် မွေးမြူရေး ဆိုင်ရာ လုပ်ငန်းများ စီးပွားဖြစ် စနစ်တကျ လုပ်ကိုင်လိုသူများအား သင်တန်းများ တက်ရောက်နိုင်ပါကြောင်း ဖိတ်ခေါ်အပ်ပါသည်။

၂။ အဆိုပါ သင်တန်းများတွင် အောက်ပါ နည်းပညာများကို စာတွေ့ လက်တွေ့ သင်ကြားပို့ချပေးမည် ဖြစ်ပါသည်။

(က) စီးပွားဖြစ် တိုင်းရင်းကြက်၊ ဝက်၊ ဘဲ၊ ဆိတ်၊ ပျားနှင့် နို့စားနွား မွေးမြူရေး ဆိုင်ရာ နည်းစနစ်များ

(ခ) အာဟာရ ဗေဒနှင့် အစာကျွေးမှု ဆိုင်ရာ နည်းပညာများ

(ဂ) ဖြစ်ပွားတတ်သည့် ရောဂါများနှင့် အရေးပေါ် ကုသခြင်းများ

(ဃ) ရောဂါ ကြိုတင် ကာကွယ်ခြင်းနှင့် ထိန်းချုပ်ခြင်းဆိုင်ရာ နည်းစနစ်များ

(င) ဇီဝ လုံခြုံမှု ဆိုင်ရာ နည်းပညာများ

(စ) သားစပ်မှုဆိုင်ရာ နည်းပညာများ (သဘာဝ၊ မေထုန်မဲ့)

၃။ သင်တန်း တက်ရောက်လိုသူများ အနေဖြင့် အသေးစိတ် သိရှိလိုပါက နီးစပ်ရာ မွေးမြူရေးနှင့် ကုသရေး ဦးစီးဌာနမှူးရုံးများနှင့် တိရစ္ဆာန်ကျန်းမာရေးနှင့် ဖွံ့ဖြိုးရေး ဌာနခွဲ၊ နေပြည်တော်။

ဖုန်း ၀၆၇-၄၀၈၀၂၀ သို့ ဆက်သွယ် ဆောင်ရွက်နိုင်ကြောင်း အသိပေးအပ်ပါသည်။

စိုက်ပျိုးရေး မွေးမြူရေးနှင့် ဆည်မြောင်း ဝန်ကြီးဌာန

Source: MOALI 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်