အိမ်ရှင်မ ဖတ်စာ

    အသီးအရွက်တွေကို ၁ % ရှာလကာရည်နဲ့စိမ်ပြီး ဆေးတာက မျက်နှာပြင်မှာကပ်နေတဲ့ အီးကိုလိုင်း (E.coli) လို ဘက်တီးရီးယားတွေကပ်ငြိနေခဲ့ရင် သန့်စင်ဖို့ပါ။ 

    မုန့်ဖုတ်ဆိုဒါနဲ့စိမ်ခြင်းကတော့ အသီးအရွက်တွေ အစိမ်းစားဖို့ဆိုရင် ဆိုဒါ လက်ဖက်ရည်ဇွန်းတစ်ဇွန်းကို ရေ ၂ လီတာမှာ အသီးအရွက် ၁ ကီလိုဂရမ် အထိ စိမ်လို့ရပါမယ်။ ၁၀ - ၁၅ မိနစ် စိမ်ရပါမယ်။

    ချက်ပြုတ်စားမယ်ဆိုရင်တော့ ၁၀ မိနစ်ခန့်ဆို အဆင်ပြေပါတယ်။ ပြီးရင် ရေ (Tap water) နဲ့ ၃ ကြိမ်ဆေးပါ။ ၃ ကြိမ်မှာ ရေခဲရေတစ်ကြိမ်သုံးနိုင်ရင် ပိုအဆင်ပြေပါမယ်။ ဒါက ပိုးသတ်ဆေးဓာတ်ကြွင်းပါခဲ့ရင် လျော့ချနိုင်ဖို့ပါ။

    ဆားရည်စိမ်မယ်ဆိုရင်တော့ ၂ % ဆားနဲ့ ရေတစ်လီတာ အချိုးပါ။ အချိန်ကတော့ ၁၀ - ၂၀ မိနစ်ဆိုရင် လုံလောက်ပါတယ်။ စိမ်ပြီးရင်တော့ ရေ ၂ ထပ်လောက်ဆေးဖို့ လိုပါမယ်။

    စိမ်တဲ့အချိန်ကြာရင် ဘာဖြစ်မလဲဆိုတော့ (ဥပမာ ၁ နာရီထက်ပိုစိမ်ရင်) အာဟာရတန်ဖိုးလျော့နိုင်သလို အသီးအရွက်ရဲ့ texture အရလည်း စားသုံးတဲ့အခါ နူးညံ့မှုလျော့စေပါတယ်။ အထူးသဖြင့်ကတော့ ချက်ပြုတ်ပြင်ဆင်ရမယ့်ကာလ ပိုရှည်တော့ ခရီးမတွင်ဘူးပေါ့။ 

    မုန့်ဖုတ်ဆိုဒါသည် စနစ်တကျ (အချိုးအစား အချိန်) မှန်ကန်စွာစိမ်ရင် ပိုးသတ်ဆေး၊ မှိုသတ်ဆေးအများစုရဲ့ဓာတ်ကြွင်းကို ၈၀% အထက်အထိ လျော့ချနိုင်ပါကြောင်း။

DaDa

2002 B.Agr.Sc 

(သီးနှံကာကွယ်ရေးဆိုင်ရာ အထွေထွေဗဟုသုတများ)

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်"  "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်