ဒေါင်လိုက်စိုက်ပျိုးခြင်းရဲ့ အားသာချက်နဲ့ အားနည်းချက်များ

ဘယ်အရာမဆို ကောင်းကျိုးနဲ့ ဆိုးကျိုး ဒွန်တွဲနေတာဖြစ်တဲ့အတွက်ကြောင့်မို့ပဲ ကောင်းတာရှိသလို ကိုယ်တွေ ဖြေရှင်းနိုင်တဲ့ ဆိုးကျိုး မဖြေရှင်းနိုင်တဲ့ ဆိုးကျိုးတွေလည်း ရှိကြတာပါပဲ၊ ဆိုတော့ ခေတ်သစ်စိုက်ပျိုးရေးနည်းလမ်းတွေကို အသုံးလည်းချပြီးလုပ်ချင်တယ် ကြိုတင်လည်းလေ့လာပြီးတော့ ရင်ဆိုင်ဖို့ ပြင်ဆင်ချင်တယ်ဆိုရင်တော့ ဒေါင်လိုက်စိုက်ပျိုးနည်းစနစ်က ဘာတွေ အားသာပြီး ဘာတွေဆိုးတာရှိမလဲဆိုတာကို လေ့လာလိုက်ကြပါစို့လားခင်ဗျာ

အားသာချက်များ

၁) တစ်နှစ်ပတ်လုံး စိုက်ပျိုးထုတ်လုပ်လို့ရတယ်။

အကောင်းဆုံး အားသာချက်ကတော့ ဒါပါပဲလို့ ထောက်ပြရပါမယ်။ ရာသီဥတုအခြေအနေတို့ ဘာတို့ ကြည့်စရာမလိုပဲနဲ့ တစ်နှစ်ပတ်လုံး သေချာစိုက်ပျိုးထုတ်လုပ်နိုင်တာ ဖြစ်ပါတယ်။ ကွင်းပြင်မှာမဟုတ်ဘဲနဲ့ Indoor လို အထဲမှာ ထည့်ထားတာမျိုးဆိုရင် ပတ်ဝန်းကျင်အခြေအနေကို ထည့်စဉ်းစားစရာမလိုတော့ပါဘူး။ ပြီးတော့ အပင်ကြိုက်တဲ့ ပတ်ဝန်းကျင်ကို ကိုယ်တိုင်ဖန်တီးပေးနိုင်တာကလည်း အားသာချက်တစ်ခုပါပဲ

၂) ရေအသုံးပြုမှု လျှော့ချပေးနိုင်တယ်။

ကွင်းထဲမှာ ရေသွင်းတာနဲ့ စာရင် ဒေါင်လိုက်စိုက်ပျိုးတဲ့ စနစ်မှာ သုံးတဲ့ ရေက အများကြီး သက်သာစေပါတယ်။ တစ်ချို့ ရေနဲ့ စိုက်တဲ့ စနစ်သုံးတဲ့ ဒေါင်လိုက်စိုက်ပျိုးတဲ့ စနစ်တွေမှာဆိုရင် မြေကမလို ရေက သူ့ဘာသာ လှည့်ပတ်သွားနေတဲ့ နည်းလမ်းကို သုံးတတ်ပါတယ်။ ဒါတောင် မှပဲ သူ့ရဲ့ ရေအသုံးချမှုက ရေသွင်းရတဲ့ စနစ်လောက်တော့ မများပါဘူး။ ၉၅% လောက်ကတော့ ရေက ပိုပြီးတော့ သက်သာပါတယ်။

၃) ပိုးသတ်ဆေး၊ ပေါင်းသတ်ဆေးလိုအပ်မှု နည်းပါးတယ်။

အန္တရာယ်များတဲ့ ပိုးသတ်ဆေးနဲ့ပေါင်းသတ်ဆေးလိုမျိုးတွေ မလိုအပ်တဲ့ လျှော့ချနိုင်တဲ့ ပတ်ဝန်းကျင်ကို ဖြစ်စေတာကလည်း အားသာချက်ပါပဲ။

၄) နေရာကျဉ်းကျဉ်း

မြို့ပြနေရာတွေမှာ ကိုယ်တိုင်လည်း အလွယ်တကူစိုက်ပျိုးနိုင်အောင်လို့ နေရာကျဉ်းကျဉ်းလေးနဲ့ စိုက်ပျိုးနိုင်တာကလည်း အားသာချက်ဖြစ်သလို စီးပွားဖြစ်ထုတ်လုပ်ဖို့အတွက်ဆိုရင်လည်း နေရာအများကြီးမလိုနေတာက တကယ့်အားသာချက်ဖြစ်ပါတယ်။

ဒေါင်လိုက်စိုက်ပျိုးတာရဲ့ အားနည်းချက်များ

၁) စတင်လုပ်ဖို့ ကုန်ကျစရိတ်များတယ်။

ဒါကတော့ အကြီးဆုံးအားနည်းချက်ပဲဖြစ်ပါတယ်။ အပြင်မှာစိုက်ပျိုးတာဆိုရင်တောင် လိုအပ်တဲ့ ပစ္စည်းကိရိယာတွေအတွက် ဝယ်ရတဲ့ ကုန်ကျစရိတ်က များပါတယ်။ Indoor လို အထဲမှာစိုက်မယ်ဆိုရင် လိုအပ်တဲ့ အလင်းရောင်တို့ အစိုဓာတ်ပေးတဲ့ ကိရိယာတွေ နဲ့ ပန်ကာတွေလိုမျိုးတွေ လိုအပ်တာမျိုးရှိလို့ ဝယ်ယူရတဲ့ စရိတ်တွေ ထောင်းနိုင်ပါတယ်။ ရေအားနဲ့စိုက်ပျိုးရင် ရေကိုလှည့်ပတ်နေဖို့အတွက်ဆိုရင် လိုအပ်တဲ့ စီမံမှုတွေ လုပ်နိုင်ဖို့လည်း ကုန်ကျစရိတ်တွေထပ်တိုးကုန်ကျလာနိုင်ပါသေးတယ်။

၂) အထူးပြုလုပ်ထားတဲ့ပစ္စည်းကိရိယာတွေနဲ့ ထိန်းသိမ်းစောင့်ရှောက်မှုတွေ လိုအပ်ပါတယ်။

သမားရိုးကျနည်းလမ်းလို မဖြစ်သေးတဲ့အတွက်ကြောင့်မို့လည်းပါမယ်ထင်ပါတယ်။ ရှားပါးနေသေးတဲ့ ကိရိယာတွေမို့ သက်သက်မှာယူရတာမျိုးရှိနိုင်ပါတယ်။ ထိန်းသိမ်းမှုအတွက်နဲ့ပြင်ဆင်မှုအတွက် အလုပ်တော့ ပိုလာမှာပါ။

၃) စွမ်းအင်သုံးစွဲမှု

ရေနဲ့လှည့်ပတ်စိုက်ရင် ရေအတွက် မော်တာတော့ သုံးပေးနေရမှာပါပဲ၊ အထဲမှာ စိုက်တဲ့Indoorတွေမှာဆိုရင် မီးတွေပေးထားရတာရှိတယ်၊ ပန်ကာလိုမျိုး မှုတ်ပေးရတာရှိတယ်။ ဆိုတော့ စွမ်းအင်အသုံးပြုမှုများတဲ့ စိုက်ပျိုးစနစ်လို့လည်း ဆိုနိုင်ပါတယ်။

၄) စိုက်ပျိုးရတဲ့ သီးနှံက အကန့်အသတ်ရှိတယ်။

စိုက်ချင်တိုင်းလည်း စိုက်လို့မရသေးပဲ စိုက်ပျိုးလို့ရတဲ့ သီးနှံက အကန့်အသတ်ဖြစ်နေတုန်းပါ။ ဆိုတော့ ကိုယ်စိုက်ပျိုးချင်တဲ့ သီးနှံက ဘာလဲ ဘာတွေဖြစ်မလဲ ဆိုတာနဲ့ ချိန်ကိုက်ရမှာပါ။

ဆိုတော့ စိတ်ဝင်စားတယ်. လိုက်လုပ်ချင်တယ်ဆိုရင် ကြံဆကြည့်ပါ။ ကိုယ်ကျော်လွှားနိုင်တဲ့ အခက်အခဲပြဿနာတွေရှိသလား အဆင်ပြေသလားဆိုတာကနေ နည်းလမ်းတွေ ထိုးဖောက်နိုင်ပြီး အောင်မြင်တဲ့ စိုက်ပျိုးရေးလုပ်ငန်းရှင်ကြီးများဖြစ်ကြပါစေကြောင်း ဆုမွန်ကောင်းတောင်းလိုက်ပါတယ်ခင်ဗျာ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဒေါင်လိုက်စိုက်ပျိုးခြင်းရဲ့ အားသာချက်နဲ့ အားနည်းချက်များ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဒေါင်လိုက်စိုက်ပျိုးခြင်းရဲ့ အားသာချက်နဲ့ အားနည်းချက်များ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

Sustainable Agriculture (ရေရှည်တည်တံ့သော စိုက်ပျိုးရေး)

စိုက်ပျိုးရေးတွင် ကျင့်သုံးသင့်သည့် အလေ့အထကောင်းများ-၃

စိုက်ပျိုးရေးတွင် ကျင့်သုံးသင့်သည့် အလေ့အထကောင်းများ-၂

{{ post.title }}