ဖျာပုံမြို့နယ်ရှိ မိုးစပါးစိုက်တောင်သူများ ဇွန်၁၀-၁၃ ရက်အတွင်း သတိပြုရမည့် ရောဂါ (၃) မျိုး

ဖျာပုံနဲ့ ဘိုကလေးကြားက လယ်မြေတွေမှာ မိုးရာသီအတွင်း မိုးများတယ်၊ စိုထိုင်းဆကလည်း ၉၀% နဲ့ ၁၀၀% ကြားမှာအမြဲရှိနေပြီး မြေဆီလွှာကလည်း စွတ်စိုနေတာများပါတယ်။ 

ဇွန်လ ၁၀ ရက်မှ ၂၄ ရက်အထိ ရက်သတ္တပတ် ၂ ပတ်တာကာလအတွင်းမှာ အရှေ့ ၁ ပတ်က မိုးအားလျော့နေပြီး နောက်ရက် ၁ ပတ်မှာ မိုးတွေ ပြန်များလာနိုင်ပါဦးမယ်။ မိုးဦးကာလကုန်သည်အထိ(ဇွန်လ ၃၀ ရက် အထိ) အခုလို စွတ်စိုထိုင်းမှိုင်းတဲ့ ရာသီဥတုအခြေအနေကို ဆက်ပြီးရင်ဆိုင်နေကြရဦးမှာမို့ အပင်တွေအပေါ်လေထုစိုထိုင်းဆများချိန်အတွင်း သက်ရောက်နိုင်မဲ့ ရောဂါတွေလဲ ဆက်များနေနိုင်ပါဦးမယ်ဗျာ။

ဇူလိုင်လအတွင်းမှာ နှစ်စဉ်ပုံမှန်ရွာသွန်းမြဲအောက်ရောက်နိုင်ကြောင်း၊ ရက်ဝေးခန့်မှန်းချက်တွေမှာ မိုးလယ်ကာလပြီးဆုံးချိန်(31st August)အထိ မိုးရွာတာက နှစ်စဉ်ရွာသွန်းမြဲအောက်လျော့နေနိုင်သေးကြောင်း၊ နေသာချိန်/နေသာရက် နည်းပြီး မိုးအုံ့နေနိုင်မဲ့ ရက်တွေ များနေသေးကြောင်း တွေ့ရပါတယ်။ (ရေးသားသူ - မိုးလေဝသပညာရှင် ဦးဝင်းနိုင်)

ဒါကြောင့် လာမယ့် လေးရက်အတွက် စိုထိုင်းစ ၉၀ ရာခိုင်နှုန်းအထက်ရှိနေပြီး အပူချိန် ၂၅ -၂၈ ဒီဂရီစင်တီဂရိတ်ရှိနေမယ့် ဖျာပုံမြို့နယ်ရှိ မိုးစပါးစိုက်တောင်သူများအနေဖြင့် 

စပါးဂုတ်ကျိုးရောဂါ၊ စပါးဘက်တီးရီးယား ရွက်စင်းရောဂါနဲ့ စပါးမြစ်ဖုနီမတုတ်ရောဂါတို့ကို သတိထားကြဖို့အတွက် အစိမ်းရောင်လမ်းက သတိပေးလိုက်ရပါတယ်ရှင် 

#စပါးဂုတ်ကျိုးရောဂါ ကာကွယ်ကုသနည်း

၁။ စပါးဂုတ်ကျိုးရောဂါ လက္ခဏာပါတဲ့ စပါးပင်တွေကို နှုတ်(သို့) ရိတ်ပစ်ရပါမယ်။ ရိတ်ပြီး စပါးခင်းနဲ့နီးတဲ့နေရာ၊ ကန်သင်းပေါ်တွေမှာပဲ ထားခဲ့လို့ မရပါဘူး။ စပါးခင်းနဲ့ ဝေးရာကို အိတ်တစ်ခုခုနဲ့ထည့်ယူသွားပြီး မီးရှို့ဖျက်ဆီးပစ်ရပါမယ်။

၂။ စပါးခင်းထဲမှ ရေကို လျှော့ပေးရပါမယ်။ ရေလျှော့ပေးလိုက်ရင် စပါးခင်းထဲမှ စိုထိုင်းဆတွေကို လျှော့ချနိုင်တဲ့အတွက် စပါးဂုတ်ကျိုးရောဂါ ပွားများမှုကိုလည်း ဟန့်တားနိုင်ပါတယ်။

၃။ စပါးဂုတ်ကျိုးရောဂါကျနေတာကို သိတာနောက်ကျလို့ပဲဖြစ်ဖြစ် အခြေအနေဆိုးနေပြီဆိုရင်တော့ ဆေးဖျန်းဖို့လိုအပ်ပါတယ်။ ဆေးဖျန်းတဲ့အခါမှာလည်း ပင်လုံးပြန့်မှိုသတ်ဆေး ကို ရွေးချယ် အသုံးပြုရပါမယ်။ ဆေးဖျန်းတဲ့အခါမှာ ပိုးသတ်ဆေးတွေ နဲ့ မှိုသတ်ဆေးတွေ ရောစပ်ပြီး အသုံးမပြုသင့်ပါဘူး။ နောက်ပြီး စပါးဂုတ်ကျိုးရောဂါအတွက် ဆေးဖျန်းတဲ့အခါ သိထားသင့်တာက ရောဂါလက္ခဏာ နည်းတဲ့ဖက်ကစပြီး ဖျန်းသင့်ပါတယ်။ ရောဂါလက္ခဏာ များတဲ့ဖက်ကို နောက်ဆုံးမှ ဖျန်းသင့်ပါတယ်။

အထက်မှာ ဆွေးနွေးခဲ့တဲ့အချက်တွေကတော့ ရောဂါကျနေပြီဆိုရင် အရေးတကြီး ချက်ချင်း လုပ်ဆောင်ရမယ့် နည်းတွေဖြစ်ပြီး ရေရှည်အတွက် လုပ်ဆောင်ရမယ့် အချက်တွေကတော့

၁။ စပါးဂုတ်ကျိုးရောဂါ ကျခဲ့တဲ့အခင်းကို စပါးရိတ်သိမ်းပြီးချိန်ရင် ရိုးပြတ်တွေကို မီးရှို့ရပါမယ်။

၂။ စပါးဂုတ်ကျိုးရောဂါဟာ မျိုးစေ့ကနေလည်း ကူးစက်ပျံ့နှံ့နိုင်တာကြောင့် ရောဂါကျ စပါးခင်းမှ စပါးတွေကို မျိုးအဖြစ် အသုံးမပြုသင့်ပါဘူး။

၃။ စပါးစိုက်ပျိုးခြင်းမှာ ပုလဲမြေသြဇာတစ်မျိုးတည်း အဓိကထားမသုံးဘဲ တီဆူပါ၊ ပိုတက်မြေသြဇာများ တွဲဖက်ပြီး အချိုးညီ မျှတစွာ အသုံးပြုရပါမယ်။ (ရေးသားသူ - အောင်ကိုဝင်း)

*စိုက်ပျိုးရေး၊ မွေးမြူရေး၊ ရေလုပ်ငန်းနဲ့ ပတ်သက်တာ အစိိမ်းရောင်လမ်းဆော့ဝဲမှာမေးပါ*

#စပါးဘက်တီးရီးယားရွက်စင်းရောဂါ

လက်ခံပေါင်းပင်တွေကို ဖယ်ရှားပြီး စပါးခင်းကို သန့်ရှင်းနေပါစေ။ စပါးရိုးပြတ်တွေ၊ ကောက်ရိုးတွေ၊ ရောဂါ တစ်ဆင့်လက်ခံပင်တွေကို ထယ်ထိုးမြေမြှုပ်ပါ။

  ၁။ အထူးသဖြင့် နိုက်ထရိုဂျင်မြေသြဇာကို အချိုးညီသုံးစွဲပါ။

  ၂။ စပါးခင်းနဲ့ ပျိုးခင်းမှာ ရေထုတ်ကောင်းမွန်ပါစေ။ 

  ၃။  ဆိုးဝါးစွာရေလွှမ်းခံရပါက စပါးခင်းထဲက ရေကို ထုတ်ပစ်ပါ။

  ၄။ မြေကြီးနဲ့ စပါးပင်ကြွင်းပင်ကျန်က ဒီဘက်တီးရီးယားကို သေစေဖို့ ပလပ်ကာလအတွင်း စပါးခင်းကို အခြောက်ခံထားပါ။ (ရေးသားသူ - ဒေါက်တာကိုကို) 

*စိုက်ပျိုးရေး၊ မွေးမြူရေး၊ ရေလုပ်ငန်းနဲ့ ပတ်သက်တာ အစိိမ်းရောင်လမ်းဆော့ဝဲမှာမေးပါ*

 #စပါးမြစ်ဖုနီမတုတ်

 ၁။ အဆက်မပြတ်ရေလွှမ်းပါ။

  ၂။ ရေလွှမ်းထားတဲ့ မြေကြီးပေါ်မှာ စပါးပျိုးပင်တွေကို ပြုစုပါ။ 

 ၃။ မြေကြီးထဲကို အဆိပ်ငွေ့မှိုင်းတိုက်ပစ္စည်း အသုံးပြုပါ သို့မဟုတ် နီမတုတ်သတ်ဆေးကို မြေကြီးထဲကို ရွှဲရွှဲစိုအောင် ပက်ဖျန်းပါ။  (ရေးသားသူ - ဒေါက်တာကိုကို) 

ရောဂါအသေးစိတ်ကိုတော့ အစိမ်းရောင်လမ်းရဲ့ ပိုးမွှားနဲ့ ရောဂါကဏ္ဍအောက်မှာ ဝင်ရောက်ဖတ်ရှုနိုင်ပါကြောင်း သတင်းကောင်းပေးပါရစေရှင့် 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်