တစ်ပါတ်အတွင်း ကမ္ဘာ့ရော်ဘာဈေးကွက် သုံးသပ်ချက်

တိုကျိုကုန်စည်ဖလှယ်ရေးဌာန Tokyo Commodity Exchange အတိုကောက်အားဖြင့် TOCOM ရဲ့ စံအဖြစ်ထားတဲ့ အတုတ်အသိမ်းအများဆုံးကန်ထရိုက်လဖြစ်တဲ့ အခုမှစ ၆ လမြောက်လ အောက်တိုဘာလဈေးဟာ တနင်္လာနေ့မှာ အကျတွေကိုပြောင်းပြန်လှန်ကာ အတက်နဲ့ ဈေးပိတ်သွားတယ်။ ရှန်ဟိုင်းရဲ့ ကုန်စည်ဒိုင် Shanghai Foreign Exchange - SHFE ရဲ့အနုတ်အသိမ်း အများဆုံးကန်ထရိုက်လ စက်တင်ဘာပစ္စည်းအရောက်ပို့ ရော်ဘာဈေး နာလံပြန်အထူနဲ့၊ ၂၀၁၄ နိုဝင်ဘာ ကတည်းကတွက်ရင် အမြင့်ဆုံးအဖြစ်နဲ့ ရေနံဈေးအမာမှာ တက်သွားတာပါ။

တနင်္လာနေ့မှာ ၂၀၁၄ နှောင်းပိုင်းကတည်းကစတွက်ရင် အမြင့်ဆုံးအဆင့်အဖြစ် အဓိက ရေနံစိမ်းဈေးက ၁% တက်သွားတယ်။ ဗင်နီဇွဲလားမှာ စီးပွားရေးကပ်ဆိုက်နေခြင်းနဲ့ အမေရိကန်အနေနဲ့ အီရန်အပေါ် ပိတ်ဆို့မှုပြစ်ဒဏ်ပြန်ခတ်လေမလား ဆိုသည်ကိုအာရုံရောက်နေခြင်းက ရေနံဈေးကိုတွန်းတင်လိုက်တာပါ။

ဒီနေရာမှာ အလျဉ်းသင့်လို့ ရေနံဈေးက ရော်ဘာဈေးကို အဆုံးအဖြတ်ပေးတဲ့ အခြေခံအချက်တစ်ခုဖြစ်ကြောင်း အနည်းအကျဉ်းပြောပြချင်တယ်။ ကျနော်တို့ထုတ်လုပ်လိုက်သမျှ သဘာဝရော်ဘာတွေရဲ့ အများစုကို တိုင်ယာလုပ်ငန်းမှာသုံးတယ်။ တိုင်ယာကိုလည်း သဘာဝရော်ဘာတစ်မျိုးတည်း သုံးလို့မဖြစ်ဘူး။ ရေနံကထုတ်လုပ်တဲ့ ရော်ဘာတုကို ရောသုံးရတယ်။ တိုင်ယာအမျိုးအစားပေါ်မူတည်လို့ သဘာဝနဲ့ အတုတို့ရဲ့ အချိုးကအမျိုးမျိုးပဲ။ ဒါပေမယ့် ပျမ်းမျှဆိုရင် ထက်ဝက်စီလောက်ရှိတယ်။ ဒီအခြေခံကိုစဉ်းစားလိုက်ရင် ရေနံဈေးကျမယ်ဆိုပါစို့၊ ရေနံကထုတ်တဲ့ ရော်ဘာတုလည်းဈေးကျမယ်။ အတုကိုများများသုံးနိုင်မယ်။ ဒီတော့သူနဲ့တွဲသုံးတဲ့ သဘာဝရော်ဘာကို အသုံးနည်းမယ်။ ဈေးကျမယ်။ ဒါကြောင့် ရေနံဈေးနဲ့ သဘာဝရော်ဘာဈေးဟာ တိုက်ရိုက်အချိုးကျတယ်လို့ ပြောလို့ရတယ်။ ရေနံဈေးတက်ရင် သဘာဝရော်ဘာဈေးတက်မယ်။ ကျရင် ရော်ဘာဈေးလိုက်ကျမယ်။

အောက်တိုဘာလကန်ထရိုက် TOCOM ရော်ဘာဈေးဟာ ၁.၅ ယန်းတက်ကာ ၁၉၃.၅ ယန်း($၁.၇၇)/ကီလိုဂရမ်ဈေးနဲ့ပိတ်တယ်။ စောစောပိုင်းက ၁၈၈.၉ ယန်းဆိုတဲ့ အနိမ့်ဆုံးကိုရောက်သွားသေးတယ်။

ဖူဂျိတိုမိကုမ္ပဏီမှ ကုန်စည်ပွဲစား ဈေးကွက်ဆန်းစစ်သူ တဟ်ယောက်ဖြစ်တဲ့ တိုရှိတက တဇဝက " ရှန်ဟိုင်းဈေးအတက်နဲ့ ရေနံဈေးအမာလို ပြင်ပအကြောင်းရင်းခံ အချက်တွေက TOCOM ဈေးကို ပြန်ခုန်တက်စေတာ" လို့ ပြောပါတယ်။

"သို့ပေမယ့်၊ တွက်ချက်မှုအရ ၁၉၅ ယန်းဈေးအထက်ကလေးမှာပဲ ခံနေမယ်။ တိုကျိုရော်ဘာအနေနဲ့ ဒီအဆင့်ကို ဖောက်ပြီးတက်ဘို့ခက်လိမ့်မယ်။ ဆက်တက်မယ့်ရေနံဈေးသာ တဟ်ခုတည်းသော အထောက်အပံ့ဖြစ်မှာကိုး" တဲ့သူကဆက်ပြောပါတယ်။

TOCOM အသိအမှတ်ပြု ကုန်လှောင်ရုံများရှိ အရန်ရော်ဘာဟာ ၁၃၇၉၂ တန်အထိမြင့်တက်နေတယ်။ ဒါက ဧပြီ ၂၀ စာရင်းအရ။ ဧပြီ ၁၀ ရက်နေ့စာရင်းမှာ ၁၃၄ တန်ရှိရာမှ မြင့်တက်လာတာပါ။ လွန်ခဲ့တဲ့ တနှစ်ကထက် ၁၁ ဆနီးပါးဖြစ်လာတာလို့ TOCOM ရဲ့ ဒေတာတွေကပြနေပါတယ်။ ဒီလို ရော်ဘာစတော့များနေခြင်းက ရော်ဘာဈေးတက်မှာကို ဟန့်နေတဲ့ အဓိကအချက်ဖြစ်တယ်။

တိုကျိုရဲ့ စံရော်ဘာဟာ အင်္ဂါနေ့ဈေးအပိတ်မှာ ပြန်ကျသွားပါတယ်။ စောစောပိုင်းမှာ တစ်လခွဲကာလအတွင်း အမြင့်ဆုံးဈေးကို ရောက်ခဲ့ပြီးမှ ပြန်ဆွဲချသွားတာပါ။ အခြေခံအချက်တွေအားနည်းနေပြီး၊ ရေနံဈေးကလည်းကျခဲ့တဲ့အကြောင်းကြောင့်ပါပဲ။ ရေနံဈေးကလည်း အမေရိကန်က အီရန်အပေါ်ပြစ်ဒဏ်ခတ်မှု ပြန်လုပ်ဦးမှာလားဆိုတာကို ရင်းနှီးမြှုပ်နှံသူတို့က စောင့်ကြည့်နေကြလို့ ကျရခြင်းပါ။

တရုတ်ရဲ့ သဘာဝရော်ဘာနဲ့ ရော်ဘာတုတင်ပို့မှုဟာ ဧပြီလမှာ စုစုပေါင်းတန်ချိန် ၄၂၈၀၀၀ ရှိပါတယ်။ ယခင်နှစ်ဒီအချိန်ထက် ၂၆.၂ % လျော့ပါတယ်ဆိုတာ တရုတ်ရဲ့ အကြိုစီးပွားရေးရာဒေတာတွေက အင်္ဂါနေ့မှာ ပြသနေပါတယ်။ ဒါက အဓိကရော်ဘာအသုံးဆုံးတိုင်းပြည် တရုတ်ရဲ့ စီးပွားရေး အခြေအနေသိပ်မကောင်းတာကိုပြနေတာပါ။

" ရာသီအလိုက်ပြောရရင်၊ ဒါဟာ ဝယ်လိုအား ခေါင်ကိုရောက်ရမယ့်အချိန်မဟုတ်ဘူး။ ဒါကြောင့်မို့ ဝယ်လိုအား/ရောင်းလိုအားက မကျပ်နေဘူး" လို့ ဂျပန်ကုန်သွယ်သတင်းရင်းမြစ်ကဆိုတယ်။

တိုကျိုရဲ့ စံရော်ဘာဟာ ကြာသပတေးနေ့မှာ အမြင့်ဖြင့်ဈေးပိတ်သွားပါတယ်( ၁၉၂.၉ ယန်း($၁.၇၆)/ကီလိုဂရမ်ဈေး)။ ဒေါ်လာနဲ့ယှဉ်တဲ့ ယန်းငွေအားပျော့နေတာရယ်၊ ရှန်ဟိုင်းရော်ဘာဈေးအားကောင်းနေတာရယ်တို့က ထောက်တင်ပေးလိုက်တာပါ။

" တက်လင့်ကစား၊ အချို့အားမကောင်းတဲ့ အခြေခံအချက်တွေ ရှိနေသေးတယ်ဆိုတော့ စိုးရိမ်စရာရှိနေသေးတယ်။ ရော်ဘာစတော့က တော်တော်များများရှိနေသေးတယ်လေ" လို့ ဂျပန်ကုန်သွယ်ရေးသတင်းရင်းမြစ်ကဆိုတယ်။

ဧပြီ ၂၀ စာရင်းအရ ဂျပန်ဆိပ်ကမ်းများရှိ အရန်ရော်ဘာတွေဟာ ၁၆၆၀၆ တန်ရှိနေတယ်။ ယခင် လက်ကျန်ရော်ဘာစာရင်းပြတဲ့ နေ့စွဲကထက် ၁.၅% တိုးလာတာပါလို့ Rubber Trade Association of Japan ရဲ့ ကြာသပတေးနေ့မှာထုတ်ပြန်တဲ့ အချက်အလက်တွေအရသိရတယ်။

TOCOM ဟာ ဇန်နာဝါရီလနှောင်းပိုင်းကတည်းက ယန်း ၂၀၀ အဆင့်အောက်မှာပဲ ရောင်းဝယ်နေကြပါတယ်။ ခြောက်ကပ်နေတဲ့ဝယ်လိုအားနဲ့ အရံရော်ဘာတွေများပြားပိုလျှံနေတာကြောင့်ပါပဲ။

ဒေါ်လာက ကြာသပတေးနေ့မှာ ခိုင်နေတယ်။ ဒီတော့ ယန်းငွေပျော့တယ်။ ယန်းငွေပျော့တော့ ယန်းငွေနဲ့ သတ်မှတ်တဲ့ ကုန်စည်တွေကို ဒေါ်လာလို နိုင်ငံခြားငွေနဲ့ ဝယ်တဲ့အခါ ဈေးသက်သာတယ်။ အဝယ်လိုက်တယ်။ ရော်ဘာဈေးတက်တယ်။ ယန်းငွေဈေးနဲ့ ရော်ဘာဈေးက ပြောင်းပြန်အချိုးကျတယ်။ ယန်းငွေဈေးကျရင် ရော်ဘာဈေးတက်မယ်။ ယန်းငွေတက်ရင် ရော်ဘာကျမယ်။

အချုပ်အားဖြင့်ဆိုရရင် သဘာဝရော်ဘာဈေးဟာ ပြီးခဲ့တဲ့ ဧပြီတစ်လလုံးအတွင်းမှာ အားပျော့နေခဲ့တယ်လို့ အရှေ့ဖျားဈေးကွက်တွေရဲ့ ဖွင့်ဟဖော်ပြချက်တွေကနေ တွေ့ရတယ်။ ရေနံစိမ်းဈေး တက်လာပြီး အကျိုးဆက်အနေနဲ့ ရော်ဘာတုဈေးက လိုက်မြင့်လာလင့်ကစား၊ သဘာဝရော်ဘာဈေးဟာ ပြီးခဲ့တဲ့လမှာ အနည်းငယ်ပဲ မာလာတဲ့လက္ခဏာပြပါတယ်။ အကြောင်းရင်းက အရှေ့တောင်အာရှမှာ ရော်ဘာရွက်ကြွေရာသီပြီးဆုံးသွားပြီး ရော်ဘာတွေ ထွက်လာခဲ့ပြီဖြစ်လို့ပါပဲ။

ညီသွေး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...