မြေသြဇာကျွေးတဲ့အခါ အော်ဂဲနစ်နဲ့ ဓာတု ဘာကိုရွေးရမလဲ

    ကိုယ့်စိုက်ခင်းကအပင်တွေကို မြေသြဇာကျွေးဖို့စဥ်းစားတဲ့အခါ သဘာဝအော်ဂဲနစ်မြေသြဇာနဲ့ ဓာတုမြေသြဇာ ၂ မျိုးထဲက ဘာရွေးရမှန်းမသိ ဖြစ်ဖူးပါသလား။ ဒီမြေသြဇာ ၂ ခုရဲ့ အားသာချက် အားနည်းချက်တွေကိုရော နှိုင်းယှဥ်ဖူးပါသလား။ အော်ဂဲနစ်မြေသြဇာဆိုတာ သဘာဝပတ်ဝန်းကျင်ကနေရရှိတဲ့ပစ္စည်းတွေနဲ့ ပြုလုပ်ထားပြီး ဓာတုဓာတ်မြေသြဇာမှာတော့ ဓာတုပစ္စည်းများပါဝင်ပြီး ဓာတ်ခွဲခန်းတွေ စက်ရုံတွေမှာ ဖန်တီးပြုလုပ်ထားတယ်ဆိုတာ ယေဘူယျအားဖြင့် တောင်သူဦးကြီးတွေ သိကြပါလိမ့်မယ်။ 

    အော်ဂဲနစ်မြေသြဇာဟာဆိုရင် မြေဆီလွှာရဲ့ကျန်းမာရေးအတွက် ရေရှည်ကောင်းမွန်စေပြီး ရေညစ်ညမ်းမှုနဲ့ အဏုဇီဝသက်ရှိများရဲ့ရှင်သန်မှုကို ထောက်ပံ့ပေးနိုင်ပါတယ်။ သို့သော် မြေဆီလွှာရဲ့ ပြဿနာများကို မြန်မြန်ဖြေရှင်းနိုင်ဖို့ လိုအပ်လာပြီဆိုပါက ဓာတုမြေသြဇာဟာ ပိုကောင်းတဲ့ အဖြေတစ်ခု ဖြစ်ပါလိမ့်မယ်။ ဒီမြေသြဇာ ၂ ခုရဲ့ အားသာချက်တွေ အားနည်းချက်တွေကို ဖော်ပြပေးလိုက်ပါတယ်။ 

၁။ အော်ဂဲနစ်မြေသြဇာ

အားသာချက်များ 

- မြေဆီလွှာမှ ရေကိုကောင်းစွာထိန်းထားနိုင်ခြင်း 

- ဓာတုပစ္စည်းများ ရေသို့အလွယ်တကူစိမ့်မဝင်နိုင်ခြင်း 

- မြေဆီလွှာတွင် အကျိုးပြုမှိုနှင့် ဘက်တီးရီးယားများ တိုးပွားလာစေခြင်း 

- မြေဆီလွှာတွင် လေဝင်လေထွက်ကောင်းစေခြင်း 

- မြေဆီအရည်အသွေးကောင်းမွန်ပြီး ရေရှည်အတွက် အကျိုးရှိခြင်း

- သီးနှံများ ကြာရှည်ခံခြင်း 

အားနည်းချက်များ 

- အပင်များတွင် အာနိသင်ပြရန် အချိန်ကြာခြင်း 

- အလွယ်တကူဝယ်ယူ မရနိုင်ခြင်း 

- အသင့်သုံးဝယ်ယူပါက ဈေးကြီးခြင်း 

- ကြိုတင်အသုံးပြုရခြင်း 

၂။ ဓာတု ဓာတ်မြေသြဇာ

အားသာချက်များ 

- အသုံးပြုပြီးနောက် အာနိသင်မြန်မြန်ပြခြင်း 

- နီးစပ်ရာ စိုက်ပျိုးရေးဆေးဆိုင်များတွင် အလွယ်တကူရရှိနိုင်ခြင်း 

- ထုတ်ကုန်ပစ္စည်း အစုံအလင်ရှိသောကြောင့် အပင်အတွက် လိုအပ်သော အာဟာရဓာတ်ကိုလိုက်၍ ရွေးချယ်ဝယ်ယူနိုင်ခြင်း 

အားနည်းချက်များ 

- ရေရှည်တွင် မြေဆီလွှာပျက်စီးစေခြင်း 

- ရေအရင်းအမြစ်များအား ထိခိုက်စေခြင်း 

- အကျိုးပြုဘက်တီးရီးယားများနှင့် အင်းဆက်များအား သေစေနိုင်ခြင်း  

- လူတို့၏ ကျန်းမာရေးကိုပါ ထိခိုက်စေနိုင်ခြင်း 

     အားသာချက် အားနည်းချက်တွေသိထားပီးဆိုတော့ ဘာကိုရွေးချယ်သင့်လဲ စဉ်းစားနိုင်တာပေါ့။

Source - https://www.trees.com/gardening-and-landscaping/organic-fertilizers 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်