ဆေးဝယ်တော့မယ်ဆို.....ဘာတွေသိထားရမလဲ?

   ဆေးတစ်ထုပ်ဝယ်မယ် ဆိုင်မှာသူတို့ပြကတည်းက ဘာတွေ ဖတ်ရမလဲ၊ အိမ်ရောက်ရင် ဘာတွေ ပြန်ဖတ်ရမလဲဆိုတာ ပြောပြပေးသွားပါ့မယ်။

(က) အဆိပ်ရှိပစ္စည်းပမာဏ (AI) ဆိုပြီးဖော်ပြထားတတ်ကြတယ်။ ဒါကတော့ ဆေးမှာပါတဲ့ ပိုးသေစေနိုင် ပြေးစေနိုင်တဲ့ ဓာတ်တွေကိုပြောတာပါ။

(ခ) ရောစပ်တဲ့အချိန် သုံးစွဲနေတဲ့အချိန် မှာ ဘာတွေလုပ်ရမလဲဆိုတာကို ဆေးထုပ်မှာ ဖော်ပြထားလေ့ရှိပါတယ်။ အဲ့အတိုင်းလိုက်လုပ်ပေးနိုင်ရင် အကောင်းဆုံးပါပဲ။

(ဂ) ရည်ရွယ်တဲ့ပိုး။ ကိုယ်ဝယ်တာက ငမြှောင်တောင်ဆေး၊ သူပေးတာက ပျဆေးဆိုတာမျိုးမဖြစ်အောင် သူက ဘာပိုးတွေကိုသေစေနိုင်တာလဲဆိုတာကိုလည်း စစ်ရပါမယ်။

(ဃ) သုံးဖို့နေရာ။ တစ်ချို့ဆေးတွေက မြေအောင်းပိုးသတ်ဆေးတွေ၊ တစ်ချို့က ရွက်ဖျန်းပိုးသတ်ဆေးတွေဆိုတော့ မြေအောင်းပိုးသတ်ဆေးကို အပင်အရွက်ကိုဖျန်းနေလို့ မထူးဘူးဆိုတော့ ကိုယ်ဝယ်လာတဲ့ဆေးက ဘယ်နေရာအတွက်လဲဆိုတာသိအောင် ဖတ်ထားသင့်ပါတယ်။

(င) ဘယ်ပမာဏကို ရောစပ်ရမလဲ။ ငါဝယ်လာတဲ့ဆေးက ဆေးဘယ်နှပုံးစာရမလဲဆိုတာကိုသိအောင် ဖတ်ရမှာပေါ့။

(စ) ဘယ်နှကြိမ်လဲ။ ဆိုတာကတော့ ဘယ်ရက် အပိုင်းအခြားနဲ့ ဘယ်နှကြိမ်သုံးပေးရမလဲဆိုတာကိုလည်း ကြည့်ရမယ်။

(ဆ) သိမ်းဆည်းပုံ အညွှန်း

(ဇ) ဘယ်လိုပစ်ရမလဲဆိုတာကိုလည်း ဖတ်ရမယ်။

(စျ) အရေးပေါ်အခြေအနေတွေကို ဘယ်လိုဖြေရှင်းရမလဲ ဆိုတဲ့အချက်တွေကိုလည်း ဖော်ပြထားတာရှိပါတယ်။ ချက်ချင်း ဆရာဝန်နဲ့ ပြပါတို့ ဘာတို့ပေါ့။

   အဲ့ဒါတွေကို ဖတ်လေ့လာပြီးတော့ ပိုးသတ်ဆေးတွေသုံးမယ်ဆိုရင် ကျန်းမာဘေးကင်းတဲ့ တောင်သူဦးကြီးများ ဖြစ်နိုင်ကြပါစေလို့ ဆုတောင်းပေးလိုက်ရပါတယ်။

ထွန်းဝင်းကျော်

http://www.normanok.gov/filebrowser_download/681/Utilities/Applying%20Pesticides%20Correctly.pdf 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်