စိုက်ပျိုးစီးပွားဆိုတာ အပိုင်း (၃)

အမြတ်အများဆုံးရအောင် ဘယ်လိုရောင်းမလဲ

အစွန်းထွက်ကုန်ကျစရိတ်ကသာ ကိုယ်ရောင်းနေတဲ့ ဈေးအောက်မှာ ရောက်နေတယ်ဆိုရင် သူတို့ တိုးတိုးပြီးထုတ်ရင်းနဲ့ စီးပွားရေးလုပ်ငန်းကြီးတွေ တစ်စတစ်စကြီးထွားလာကြတာပါ။ ဂေါ်ဖီထုပ်(၁၀၀) ရှိတယ်။ ၁၀၁ ထုပ်လိုချင်တယ်ဆိုတော့ တစ်ထုပ်ကို အိမ်နောက်ဖေးကနေ ခူးထည့်ပေးလိုက်တယ်။ နောက်တစ်ခေါက်ကို တစ်ထုပ်တစ်ထုပ်တိုးရင်းနဲ့ အိမ်နောက်ဖေးတစ်ခုလုံး ဂေါ်ဖီတွေ စိုက်ဖြစ်သွားတယ်။ အဲ့ကနေမှ အကွက်သေးသေး ထပ်စိုက်ဖြစ်တယ်။ အကွက်ကြီးတွေကို တစ်စထက်တစ်စ ပြောင်းသွားတယ်။ အဲ့လိုပဲ ကြီးထွားလာကြတာပါ။ အိမ်နောက်ဖေးတင် စိုက်ထားတာဆိုတော့ ပေးလိုက်လို့ရတယ်။ 

သူများအခင်းကနေ အိတ်စိုက်ပြီးတော့ ဝယ်ဝယ်ထည့်ပေးနေရတယ်ဆိုရင်ရော။ ကိုယ်ရတာက ဂေါ်ဖီတစ်ထုပ်ကို (၅၀)၊ သူများအခင်းကနေ ယူပေးရတာက (၆၀) ဆိုရင် ကြာရင်ထိတော့မှာ။ အစွန်းထွက်ကုန်ကျစရိတ်ဆိုတာ အဲ့သဘောပဲ။ 

ဒါဆိုရောင်းကြမယ်ဆိုရင် အနည်းဆုံးတော့ အစွန်းထွက်ကုန်ကျစရိတ်က ရောင်းတဲ့ဈေးထက် နည်းကိုနည်းနေရမှာ။ သူများအခင်းကနေ (၄၅) ကျပ်နဲ့ ယူပေးလိုက်တယ်ဆိုရင် ကိုယ်က (၅)ကျပ်မြတ်နေဦးမှာ။ (၅၀) ပဲဆိုရင်တော့လည်း စဉ်းစားပေါ့နော်။ ဒါကတော့ ရောင်းနည်းကိုပြောပြလိုက်တာ။

စီးပွားရေးလုပ်ငန်းလုပ်တယ်ဆိုတာက တကယ်တော့ မလွယ်လှပါဘူး။ ကိုယ့်မှာ ဂွင်ရှိတယ်ဆိုရင် အဲ့လုပ်ငန်းကို လိုက်လုပ်ကြတာ ပြိုင်ဖက်တွေရှိလာတာက ထုံးစံပဲလေ။ သူတို့ဝင်လာမှာက ကိုယ် (၅၀) ဆို သူတို့က (၄၈) ကျပ်နဲ့ ဝင်လာမှာပါ။ အဲ့ဒါကိုမှ (၄၈) ကျပ်နဲ့ မြတ်နေသေးတယ်ဆိုရင်လည်း (၄၅) ကျပ်တန် ပစ္စည်းတူသမားတွေ ထပ်ဝင်လာပြီးတော့ ကိုယ့်လုပ်ငန်းအတွက် ပြိုင်ဖက်တွေကို တိုးလာစေပါတယ်။ 

အဲ့ဒါ ဘယ်အချိန်ထိ ဝင်လာနေမလဲဆိုတော့ သူတို့အရင်းကို မထိတဲ့အထိ ဝင်ရောက်လာမှာပါ။

ပုံလေးကို တစ်ချက်ကြည့်ရအောင်။ ရောင်းသူတွေ များလာတယ်ဆိုတာက ရောင်းလိုအားတွေ များလာတာပါပဲ။ ရောင်းလိုအားများလာတယ်ဆို ဝယ်ပါ ဝယ်ပါဆိုရင် ဈေးကကျကိုကျပါတယ်။ ဈေးကျရဲ့သားနဲ့တောင် အပိုဆောင်း ပေးကိုပေးမှ၊ လက်သာမှ ဝယ်ချင်ကြတာဆိုတော့ ရောင်းလိုအားမျဉ်းက လက်ယာဖက်ကို (အောက်ဖက်ကို) ရွေ့ သွားပါတယ်။ 

နဂိုရောင်းနေရတဲ့ နေရာကနေ ညာဖက်ကို ရွေ့သွားပြီးတော့ ဈေးကလည်း ကျသွားတာကိုမြင်ရမှာပါ။ ကိုယ့်ဘေးမှာ ကိုယ့်လို နောက်တစ်ဆိုင် ရောက်လာရင်တော့ သတိထားရမှာပါ။ ကိုယ်ပန်းစိုက်နေတဲ့ နေရာနားမှာ ပန်းခင်းကြီးလာစိုက်နေတာကို တွေ့ရင်လည်း ကိုယ့်ပစ္စည်းက ပိုပြီးလှနေဖို့ကို ဂရုစိုက်ရတော့မှာပါ။ ဘာလို့လဲဆိုရင် ဝယ်မဲ့သူတွေက ဈေးနည်းနည်းနဲ့ အရည်အသွေးကောင်းကောင်း (ပေါချောင်ကောင်း) ကိုရှာကြတာကိုး။ အဲ့တော့ ပြိုင်ဖက်တွေကိုလည်း ကြည့်ပြီးတော့ တိုက်ခိုက်ပါ။

ထွန်းဝင်းကျော်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်