တကယ်ကျန်းမာပျော်ရွှင်တဲ့ မိသားစုလေးဆိုတာ

သင့်မိသားစုဟာ ကျန်းမာတဲ့မိသားစု ဟုတ်ရဲ့လား၊ တကယ်ရော ကျန်းမာရေးသုခနဲ့ ကောင်းမွန်ပြည့်စုံနေရဲ့လားဆိုတာ နှိုင်းယှဉ်လေ့လာကြည့်ရအောင်..။

(၁) အိမ်ထောင်ဦးစီးက အလုပ်ကြိုးစားတယ်၊ အချိန်တန်အိမ်ပြန်တယ်။

တစ်အိမ်သားလုံးရဲ့ဝင်ငွေကို ရှာဖွေနေတဲ့ အိမ်ထောင်ဦးစီးက လုပ်ငန်းတွေမှာ အောင်မြင်နေတဲ့အပြင်၊ အိမ်ကိုလည်း အချိန်မှန်ပြန်လာတယ်ဆိုရင် စိတ်ကျန်းမာ၊ ကိုယ်ကျန်းမာတဲ့ မိသားစုဖြစ်နေတဲ့ နမိတ်တစ်ခုပါပဲ။

(၂) ကလေးတွေ စားချိန်၊ အိပ်ချိန်မှန်ကြတယ်။

ကလေးတွေကို သိပ်ပြီး ဆူပူအော်ဟစ်နေစရာမလိုပဲ၊ သူ့အချိန်နဲ့သူအိပ်တယ် စားတယ်ဆိုတာကလည်း ကျန်းမာတဲ့မိသားစုတွေမှာရှိတတ်တဲ့ အမူအကျင့်တစ်ခုပါ။

(၃) ဗီတာမင်ပြည့်ဝတဲ့ ချက်ပြုတ်နည်းတွေကို သိတယ်။

ကျန်းမာတဲ့မိသားစုတိုင်းမှာ ချက်ပြုတ်တာဝန်ယူရတဲ့ အမေ (သို့) ဟင်းချက်သူက ဗီတာမင်၊ အာဟာရဓာတ်တွေပြည့်ဝအောင် ဘယ်လိုချက်ပြုတ်ရမလဲသိပါတယ်။ သိပ်တော်တဲ့မေမေတွေဟာ နေ့တိုင်း အရွက်ကြီးပဲမကြော်သလို၊ နေ့တိုင်း အသားချည်းပဲလည်း မချက်ပါဘူး။ အာဟာရကို မျှမျှတတ ချက်တတ်ကြပါတယ်။

(၄) ကလေးတွေရဲ့အနီး တိရစ္ဆာန်တွေကို မမွေးမြူဘူး။

ကျန်းမာတဲ့မိသားစုအများစုဟာ ကလေးတွေရဲ့အနီးအနားမှာ တိရစ္ဆာန်တွေကို မထားပါဘူး။ ထားရင်လည်း အချိန်မှန် ရေချိုး၊ သန့်ရှင်းရေးလုပ်ပေးတတ်မှ ထားရပါမယ်။

(၅) မိသားစု လမ်းလျှောက်ကြတယ်။

ညနေတိုင်း သို့မဟုတ် ခြံဝန်းထဲမှာဖြစ်ဖြစ် နေ့တိုင်းလမ်းလျှောက်ကြတယ်။ အားကစားပြုလုပ်ကြတယ်။ အစာလည်းကြေ၊ ကျန်းမာရေးလည်းကောင်းအောင်ပေါ့။

နန်းထက်ထက်ချစ်(ABM)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။