နှစ်ရှည်ပင်ကိုင်းထိုးခြင်း လုပ်ဆောင်ဖို့ ဘာတွေလိုအပ်သလဲ?

နှစ်ရှည်ပင်တွေအတွက် ကိုင်းထိုးခြင်း ကိုင်းဖြတ်ခြင်းကို အများအားဖြင့်ဆိုရင်တော့ မိုးဦးကျစကာလမှာ ပြုလုပ်တယ်လို့ စိုက်ပျိုးရေးကျွမ်းကျင်သူများထံက သိရပါတယ်။

''ကိုင်းဖြတ်ဖို့အတွက် ကနဦးအနေနဲ့ ရောဂါကင်းစင်ပြီး ရွက်အုပ်နေရောင်ရသော အပိုင်းနဲ့ ပေါက်ရောက်မှု အားကောင်းတဲ့အကိုင်းငယ်တွေကို ရွေးချယ်ဖြတ်ယူပါ။

အဆစ် (၂)ဆစ် အနည်းဆုံးပါပြီး အတိုအရှည်ကတော့ အပင်အမျိူးစားအလိုက် (၄)လက်မလောက်ကနေ လက်မ (၃၀)လောက်အထိ ဖြတ်တောက်ပါ။ သတိပြုရမှာကတော့ ဖြတ်စကိုင်းပေါ်က အရွက်တွေကြောင့် ဖြတ်စကိုင်း မခြောက်စေဖို့အတွက် ရာသီဥတု အပေါ် မူတည်ပြီး အရွက်ချွေပေးထားသင့်ပါတယ်။

ဟု နှစ်ရှည်ပင် စိုက်ပျိုးနေသူတစ်ဦးက ရှင်းပြပါတယ်။

ဖြတ်စ အောက်ဘက်ကို အလျားအညီတိတိ ဖြတ်ပေးမယ်ဆိုရင် အမြစ်ထွက်အား ပိုကောင်းနိုင်တဲ့အပြင် ဖြတ်စကိုင်းမှာ ပင်စည်ကိုင်းစပါရင် ပိုကောင်းပါတယ်။

ဖြတ်ပြီးသား ကိုင်းတွေကို ချက်ချင်း မစိုက်ပျိုးနိုင်ရင် ဘာလုပ်မလဲ ဆိုတော့ ဖြတ်ပြီးသားကိုင်းတွေကိုတော့ အရိပ်အောက်မှာထားပါ။ ရေဖြန်းပေးပါ။ ဒါမှမဟုတ် အဝတ်အစိုနဲ့ ပတ်ထားပေးလို့လည်း ရပါတယ်။ အဲ့ဒိနည်းတွေနဲ့ အစိုဓာတ်ကို အတန်အသင့်  ထိန်းပေးလို့ရပါတယ်။ ကိုင်းဖြတ် စိုက်ပျိူးဖို့အတွက် မြေချဉ်ငံကိန်း PH 5.5 ကနေ PH 7.5 အထိ ရှိသော မြေဆိုရင် ပိုကောင်းပါတယ်။ အပင်ခြေမှာ ရေမဝပ်ဖို့တော့ လိုပါတယ်နော်။

ဟု ၄င်းက ဆက်လက်ပြောပါတယ်။

ကိုင်းထိပ်ဖျားစောင်း ခုတ်ထားတဲ့မျက်နှာပြင်ကို ရေငွေ့မပြန်စေဖို့နဲ့မှိုရောဂါ မကျရောက်စေဖို့ဆိုရင် ဖယောင်း ဒါမှမဟုတ် သင်္ဘောဆေး တစ်ခုခုသုတ်လိမ်းပြီး မျက်နှာပြင်ကို အောက်ဖက်ကထားကာ စိုက်ပျိုးရတယ်လို့ နှစ်ရှည်ပင် စိုက်ပျိုးနေသူများထံက သိရပါတယ်။

နန်းထက်ထက်ချစ်(ABM)

( ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်"  "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေရှင့်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်