ကြံပင် အပင်ပေါက်ကောင်းအောင် ဘာလုပ်သင့်ပါသလဲ?

    ကြံသီးနှံကို တစ်ဧကတန် ၈၀ ထွက်ရှိအောင်စိုက်ပျိုးဖို့ မျှော်မှန်းဆောင်ရွက်တာ ကြုံခဲ့ဘူးသည်။ သုတေသနစိုက်ကွင်းမှာ တစ်ဧကစိုက်ကွက်ပေါ်မှ တန် ၈၀ ခုတ်သိမ်းရရှိခဲ့ဘူးတာ သတိရမိသည်။ ယခုလည်း တစ်ဧကပျမ်းမျှအထွက်တန်အနေဖြင့်  အနည်းဆုံးတစ်ဧက တန် ၅၀ နှင့် အမြင့်ဆုံး တန် ၈၀ အထိထွက်သည့်နေရာတွေ ရှိနိုင်ပါသည်။ 

    တစ်ဧကအထွက်နှုန်းမြင့်မားရေးအတွက် စိုက်ပျိုးရေးအလေ့အကျင့်ကောင်းများ အတိုင်းလိုက်နာဆောင်ရွက်ရပါမည်။ စိုက်ချိန်မှန်ရေး၊ စိုက်ပျိုးနည်းစနစ်မှန်ရေး၊ ပူပြင်းသောနွေရာသီတွင်ရေပေးသွင်းရေးနှင့် မြေသြဇာ ထိရောက်စွာထည့်သွင်းရေးတို့သည် အရေးပါသောအချက်များ ဖြစ်ပါမည်။ 

    ကြံသီးနှံစိုက်ပျိုးရာတွင် အပင်ပေါက်လာမှုနည်းပါးခြင်း (တနည်း) တစ်ဧကတွင် ရှိသင့်သည့်အပင်ဦးရေ ပြည့်မီမှုမရှိခြင်းက ကြံသီးနှံအထွက်နည်းခြင်း၏ အဓိကအကြောင်းရင်းလို့ မြင်ပါသည်။ အပင်ပေါက်ကောင်းအောင် ဘာလုပ်သင့်ပါသလဲ? စိုက်ချိန်မှန်တွင်စိုက်ပါနှင့် ကြံပင်အဖျားပိုင်းနှင့် အလယ်ပိုင်းကို မျိုးအဖြစ်သုံးပါလို့ ပြောလိုပါသည်။

စိုက်ချိန်မှန်ရေး

    ကြံသီးနှံကို မြေတွင်းလက်ကျန်အစိုဓာတ်အပေါ်မူတည်ပြီး စိုက်ချိန်မှန်တွင် စိုက်ရမှာဖြစ်သည်။ မြေတွင်းလက်ကျန်အစိုဓာတ်သည် ဒေသအများစုတွင် ဒီဇင်ဘာလနှင့် ဇန်နဝါရီလပထမပါတ်အထိလောက်သာ ရှိနေတတ်သည်။ 

    မြေတွင်းအစိုဓာတ်ကျန်ရှိမှုအရ နိုဝင်ဘာလတွင် ကြံသီးနှံကို စတင်စိုက်ပျိုးသင့်သည်။ အစိုဓာတ်မိဖို့ ဇန်နဝါရီလကုန်ထက် နောက်မကျသင့်ပါ။ 

    ကြံသီးနှံသည် ကြီးထွားချိန်ကာလတွင် ပူအိုက်စွတ်စိုသောရာသီကို ကြိုက်နှစ်သက်သည်။ နိုဝင်ဘာ၊ ဒီဇင်ဘာနှင့် ဇန်နဝါရီလတို့တွင်စိုက်မှသာ ကြံသီးနှံပင် ကြီးထွားချိန်အကြိုက်ရာသီဥတုနှင့် ကြုံတွေ့ရပါမည်။ သို့မှသာ ကြံပင်များသည် အဆစ်ကြဲမည်။ အပင်မြင့်မည်။ အထွက်အမြင့်ဆုံးကို ပေးမည်ဖြစ်ပါသည်။

    ဇူလိုင်၊ သြဂုတ်၊ စက်တင်ဘာနှင့် အောက်တိုဘာလတို့တွင် ကြံသီနှံကိုစိုက်ပါက ကြီးထွားချိန်တွင် ပူအိုက်စွတ်စိုသောကာလနှင့် မကြုံတွေ့ရနိုင်ပါ။ အပင်အရပ်ပုကာ အထွက်နည်းနိုင်ပါသည်။

    အချိန်အခါမီ ရာသီမှန်စိုက်နိုင်ပါက ကြံပင်ပေါက်ညီညာကောင်းမွန်ခြင်း၊ သတ်မှတ်အပင်ဦးရေပြည့်မီခြင်း၊ ကြီးထွားနှုန်းမြန်ဆန်ခြင်းစသည့် အကျိုးများရရှိစေမည် ဖြစ်ပါသည်။

    စိုက်ပျိုးရေးသုတေသနဦးစီးဌာန၏ တွေ့ရှိချက်ကလည်း နိုဝင်ဘာ၊ ဒီဇင်ဘာနှင့် ဇန်နဝါရီလတို့ တွင်စိုက်သောကြံသည် တစ်ဧကအထွက်နှုန်းကောင်းသည်ဟု ဖေါ်ပြထားကြောင်း သိရပါသည်။

အဖျားပိုင်းနှင့် အလယ်ပိုင်းကို မျိုးအဖြစ်အသုံးပြုရေး

    အပင်ပေါက်ကောင်းဖို့ ကြံပင်အဖျားပိုင်းနှင့် အလယ်ပိုင်းကိုသာ မျိုးအဖြစ် အသုံးပြုလျှင် အကောင်းဆုံးဖြစ်သည်။ အသုံးပြုမည့် မျိုးပိုင်းများသည် လတ်ဆတ်ပြီး ရောဂါ၊ ပိုးမွှားကင်းစင်ရပါမည်။

    စိုက်မြောင်းအတွင်း ကြံမျိုးပိုင်းချရာတွင် ကြံမျက်လုံးဖူးအနေအထား ဝဲယာတစ်ဘက်တစ်ချက်စီတွင်ရှိနေအောင် မျိုးပိုင်းတိုင်းကို လှည့်ထားရန်လိုသည်။  မျက်လုံးဖူး အထက်အောက်ချထားမိပါက အောက်ဘက်တွင်ကျရောက်သည့် မျက်လုံးဖူးက အောက်ကလှည့်ထွက်ရသဖြင့် မြေပြင်ပေါ်အပင်‌ပေါက်လာမှု နှေးကွေးစေမည်ဖြစ်ပါသည်။

    အပင်ပေါက်မှုသဘာဝမှာ ကြံမျိုးပိုင်းတွင် မျက်လုံးဖူးသုံးခုရှိလျှင် အဖျားပိုင်းရှိ မျက်လုံးဖူးက ဦးစွာအပင်ပေါက်သည်။ ပြီးမှ ဒုတိယမျက်လုံးဖူး၊ နောက် တတိယမျက်လုံးဖူး အပင်ပေါက်ပါသည်။ 

    မြေတွင်းအစိုဓာတ်မကောင်းပါက နောက်အကျဆုံးမျက်လုံးဖူးက အပင်ပေါက်မလာသည်အထိ တွေ့ကြုံရကြောင်းသိရသည်။  သို့ဖြစ်၍ မလွဲမရှောင်သာ အရင်းပိုင်းကိုပါ သုံးရပါက စိုက်မြောင်းအတွင်း တစ်တန်းတည်းစိုက်ပျိုးခြင်းမပြုဘဲ နှစ်တန်းစိုက်ပျိုးကာ ကြံမျိုးပိုင်း ပိုမိုအသုံးပြုစိုက်ပျိုးရန် လိုမည်ဖြစ်ပါသည်။ 

    တစ်ခုတော့ရှိသည်။ သကြားစက်သို့ ပေးပို့ဖို့ ကြံခုတ်သိမ်းချိန်နှင့် ကြံခင်းသစ်စိုက်ဖို့ ထယ်ရေးပြင်ပြီးချိန် တိုက်ဆိုင်ဖို့တော့လိုပါသည်။ သို့မှသာ ကြံခုတ်သိမ်းစဉ်အဖျားပိုင်းနှင့် အလယ်ပိုင်းကိုချန်ထားကာ မျိုးအဖြစ်သုံးရန်ဖြစ်ပြီး အရင်းပိုင်းကို သကြားစက်သို့ပို့ရမှာ ဖြစ်ပါသည်။

    ကြံတစ်ပင်လုံးကို အဖျားအရင်းမခွဲခြားဘဲ မျိုးအဖြစ်သုံးပါက သကြားစက်အတွက်လည်း ဆုံးရှုံးမည်။ တောင်သူအတွက်လည်း အရင်းပိုင်းတွေကို မရောင်းရသည့်အတွက် ဝင်ငွေဆုံးရှုံးမည်ဖြစ်သည်။ ထိုမျှမက ကြံတစ်ပင်လုံးကို အဖျားပိုင်း၊ အလယ်ပိုင်းနှင့် အရင်းပိုင်းအားလုံးကို မျိုးအဖြစ်သုံးလိုက်သည့်အတွက် ကြံပင်ပေါက် ညံ့ဖျင်းသောရလဒ်ကို ရရှိမှာသေချာသည်ဟု ပြောလိုပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်