ဂန္ဓမာ ကျောက်ရောဂါ

ကျောက်ရောဂါလို့ဆိုရာမှာ ကျောက်အသေး၊ ကျောက်အကြီးဆိုပြီးရှိပါတယ်။ ပူအိုက်စိုစွတ်ချိန်မှာ အကျများတယ်။ ပန်းစစိုက်ပြီဆိုတာနဲ့ စိုက်ပျိုးသူက မိမိပန်းခင်းရဲ့ အခြေအနေကို အမြဲမပြတ်သတိထားပြီး စောင့်ကြည့်နေရပါမယ်။ မှိုဆေး၊ ပိုးသတ်ဆေးကို ပုံမှန်ဖျန်းပေးနေရပါမယ်။ အဲ့လိုနဲ့မှ ကျောက်ရောဂါစဝင်တာကို တွေ့ရချိန်မှာ ကျောက်ဆေးကို အမြန်ဆုံး ဖျန်းပေးရပါမယ်။ ရောဂါနုစဉ်ကတည်းက ဖျန်းလျှင်တော့ ဆေးအကုန်အကျသက်သာပြီး ပျောက်ကင်းနိုင်ပေ မယ့် ရောဂါရင့်သွားပီဆိုလျှင်တော့ ဆေးအကုန်အကျများသလို ရောဂါပျောက်ဖို့ထက် တခြားမကျသေးတဲ့ အပင်တွေကို မကူးစက်အောင်ထိန်းဖို့ လုပ်ဆောင်ရပါမယ်။

ဆေးဖျန်းတဲ့အခါ....

- ပန်းပင်ရဲ့ အရွက်ကို အထက်အောက်နှံ့စပ်အောင်ဖျန်းပေးပါ။

- ဆေးမဖျန်းခင် ပျမ်းမျှ ၁ နာရီဝန်းကျင်စောပြီး ရေကိုအဝလောင်းပါ။

- ဆေးကို နံနက်ပိုင်းသာဖျန်းပါ။ (ဒေသအလိုက် နံနက် ၉ - ၁၀ နာရီ)

- ပန်းပွင့်နေတဲ့အခင်းဆိုလျှင် ပန်းပွင့်ကိုမထိအောင် သတိထားဖျန်းပါ။

- ဆေးဖျန်းပြီးချိန်မှစပြီး ၂ ရက်ခန့် ရေဖြတ်ပါ။ ၂ ရက်မြောက်နေ့မှာ ရေအဝပြန်လောင်းပါ။

- ၂ - ၃ ရက်ခန့် ရောဂါအခြေအနေစောင့်ကြည့်ပြီး ကြားထဲတွင် ပုံမှန် မှိုသတ်ဆေး၊ ရောဂါသတ်ဆေးဖျန်းပါ။

ကျောက်ဆေးဖျန်းပြီးနောက် ကျောက်ရောဂါသည် အဖြူကနေ အဝါ၊ အဝါကနေ အမည်းစက်အဖြစ် တဖြည်းဖြည်း ပျောက်တတ်ပါတယ်။ ကျောက်သေးဆို အရွက်အပျက်အစီးမရှိ ပျောက်ကင်းတတ်ပေမယ့် ကျောက်ကြီးဆိုလျှင် ပန်းရွက်တွေမှာ အပေါက်တွေဖြစ်ပြီး ကျန်ခဲ့တတ်ပါတယ်။

ကျောက်ရောဂါအခြေအနေမှာ သက်သာသည်ဖြစ်စေ၊ မသက်သာသည်ဖြစ်စေ ဆေးဖျန်းပြီး ၃ ရက်လောက်ပြည့်တာနဲ့ ကျောက်ဆေးကို အရင်ဖျန်းတဲ့စနစ်အတိုင်း နောက်တစ်ခေါက်ဖျန်းပေးပါ။ ကျောက်ရောဂါကျနေချိန်တွင် အစာလုံးဝ မကျွေးရပါ။ ရောဂါပျောက်ကင်းမှ အစာကျွေးပါ။

သူရိန်မင်း (ဂန္ဓမာပန်းမျိုးရောင်းဝယ်ရေး၊ ပြင်ဦးလွင်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဂန္ဓမာ ကျောက်ရောဂါ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဂန္ဓမာ ကျောက်ရောဂါ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ရောဂါလေလား ပိုးလေလား

ပိုးသတ်ဆေးကို အန္တရာယ်ကင်းစွာ အသုံးပြုနည်း (Video)

တောင်သူများအတွက် အသုံးဝင်ပြီး ကုန်ကျစရိတ် သက်သာစေမည့် ဘော်ဒိုဆေးရည် ပြုလုပ်နည်း

{{ post.title }}