ဒီနှစ်နွေက ထောပတ်သီးတွေ ဘာကြောင့်အကြွေများတာလဲ

ဒီနှစ်နွေက ထောပတ်သီးတွေ တော်တော်ကြွေကျတာပဲ  ဘာများဖြစ်လို့ပါလိမ့်

ဘာကြောင့်လဲဆိုတော့ ခုပြောပြမဲ့အချက်တွေကြောင့်ပေါ့

(၁) အပင်အောက်က ပေါ်နေတဲ့အမြစ်တွေကို နှောက်ယှက်ထိခိုက်မိခြင်း

တကယ်စားသုံးမှုကို လုပ်ဆောင်တဲ့ ထောပတ်ပင်ရဲ့ အစိတ်အပိုင်းဟာ အမြစ်တွေဖြစ်ပြီးတော့ အဲ့အမြစ်တွေက မြေအောက်အနက်ကြီးထဲမှာ ရှိနေတာမဟုတ်တဲ့အတွက်ကြောင့်မို့လည်း တူးဆွတာတို့ ဘာတို့ ပြုလုပ်တဲ့အချိန်မှာ အမြစ်ကိုထိခိုက်တာမျိုးဖြစ်နိုင်ပါတယ်။ အဲ့လိုဆိုရင် အသီးတွေ တစ်ဖြုတ်ဖြုတ်ကြွေတော့မှာပါ။ အဲ့လိုမဖြစ်အောင် ဘာလုပ်ပေးထားနိုင်လဲဆိုရင် အပင်ခြေရင်းမှာ မြေဖုံးတဲ့ တစ်ခုခု ကောက်ရိုးလိုမျိုးနဲ့ ဖုံးထားပေးပြီးတော့ မတူးဆွနိုင်အောင်လုပ်ထားရင် အကောင်းဆုံးဖြစ်မှာပါ။

(၂) ရေကြောင့် 

ရေပေးလိုက်တာ မလုံလောက်တာပဲဖြစ်ဖြစ် များနေတာပဲဖြစ်ဖြစ် အသီးကြွေတာမျိုးဖြစ်နိုင်ပါတယ်။ ထောပတ်ပင်က ရေထုတ်စွမ်းအားကောင်းတဲ့မြေကြီး အမျိုးအစားကို ကြိုက်နှစ်သက်တာဖြစ်ပြီးတော့ ရေလောင်းတာများရင် အမြစ်ပုပ်တာလည်းဖြစ်နိုင်ပါတယ်။ ပူပြင်းတဲ့အချိန်မှာ ရေပေးတာနည်းသွားရင်လည်း အပင်ကနေ အသီးတွေကြွေကျတာဖြစ်နိုင်ပါတယ်။ အဲ့တော့ ရေလိုတာ မလိုတာ ဆိုတာကို စောင့်ကြည့်ပြီးတော့မှ ရေကို အလိုက်သင့်လေး ပေးပေးနိုင်ဖို့ ကြိုးစားပေးပါ။ 

(၃) သရစ်ပိုးကြောင့်

ပိုးတွေတကယ်ကိုဆိုးပါတယ်။ ကြွေကျလာတဲ့ ထောပတ်သီးလေးတွေကိုကောက်ကြည့်ကြည့်ပါ။ အသီးညှာမှာ ထိခိုက်မှုတွေ ကိုက်ထားတာလိုမျိုးတွေ တွေ့ရရင်တော့ သရစ်ပိုးကြောင့်ပါပဲ။ 

ထောပတ်ပင်တစ်ချို့မှာ အသီးတွေက ကြွေပြီးတော့ ခြောက်သလိုနဲ့ မဲသွားတတ်တယ်။ အသီးတွေမဲသွားတယ်ဆိုတာ မှိုတက်လို့ဖြစ်တာမျိုးဆိုရင်တော့ သေချာနေပါပြီ။ အသီးတွေကိုခြောက်မဲပြီးတော့ ကြွေစေတဲ့ မှိုမျိုးစိတ်တွေအများကြီးရှိပါတယ်။ ပိုက်သိုပသိုရာ အသီးပုတ်၊ အမြစ်ပုတ် စတာတွေကို တွေ့တယ်ဆိုရင်တော့ မှိုရောဂါကြောင့်ဖြစ်တာပါ။

ဘယ်အချိန်က ထောပတ်ပင်တွေကို ကိုင်းဖြတ်ဖို့အကောင်းဆုံးဖြစ်မလဲ?

မေးခွန်းကိုဖြေရရင်တော့ အချိန်တိုင်းက အကောင်းဆုံးဖြစ်ပါတယ်။ ရက်တွေ သတ်မှတ်မထားပါဘူး။ တကယ်လို့များ အကြီးစား ကိုင်းကူးကိုင်းဖြတ်တာတွေလုပ်မယ်ဆိုရင်တော့ အပင်တွေ ပြန်ပြီး နာလန်ထကြီးတဲ့အချိန် မစခင်လေးမှာ လုပ်ပေးတာအကောင်းဆုံးဖြစ်ပါတယ်။ အဲ့လိုအချိန်မှာလုပ်ပေးရင် ကိုယ်လည်း ကိုင်းဖြတ်အပြီး သူလည်း ပြန်ပြီးတော့မြန်မြန်ကြီး ဆိုတာမျိုးဖြစ်ပြီးတော့ နာလန်ထချိန်ကိုလည်း လျော့ချနိုင်ပါတယ်။ 

အပင်အမြင့်က အရမ်းမြင့်နေလို့ဆိုပြီးတော့ ပြန်ပြင်ချင်တယ်ဆိုရင် အားလုံးကိုတစ်ချိန်တည်းမှာ ခုတ်မချပစ်ပါနဲ့။ ပထမဆုံးအနေနဲ့ အရှည်ဆုံးကိုင်းကိုဖြတ်ချလိုက်ပါ။ နောက်နှစ်မှာမှ နောက်ထပ်အရှည်ဆုံးတစ်ကိုင်းကိုထပ်ခုတ်ချပါ။အကိုင်းတွေအရမ်းဖြာထွက်နေလို့ ခုတ်ချင်တယ်ဆိုရင်လည်း ခုဏကအပင်အမြှင့်ကိုလျှော့ချတဲ့နည်းအတိုင်း တစ်ကိုင်းချင်းစီ တစ်နှစ်ချင်းစီ ဖြုတ်ချလို့ရပါတယ်။ မှတ်သားစရာတစ်ခုတော့ရှိပါတယ်။ အဲ့ဒါက ကိုင်းတွေဖြတ်တဲ့အခါမျိုးမှာ သူ့ရှိတဲ့အလျားရဲ့ (၃)ပုံ ပုံရင် (၁)ပုံထက် ပိုပြီးတော့ ကျော်မခုတ်ဖို့ ဖြစ်ပါတယ်။ 

ထွန်းဝင်းကျော်

References

https://www.californiaavocadogrowers.com/cultural-management-library/managing-avocado-fruit-drop

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်