ဆန်စပါးကုန်စည်ဒိုင်များကို ဧပြီ ၂၇ ရက်နေ့မှာ ပြန်လည်ဖွင့်လှစ်မည်ဖြစ်ကြောင်း ထုတ်ပြန်

27/04/2020 10:30 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ဆန်စပါးကုန်စည်ဒိုင်များကို ၂၀၂၀ ခုနှစ် ဧပြီလ (၂၇) ရက်နေ့မှာ ပြန်လည်ဖွင့်လှစ်သွားမှာဖြစ်ကြောင်း မြန်မာနိုင်ငံ ဆန်စပါးကုန်သည်များအသင်းက မနေ့က ထုတ်ပြန်ကြေညာလိုက်ကြောင်း သိရပါတယ်။

မြန်မာနိုင်ငံရဲ့စားနပ်ရိက္ခာမှာ အဓိကပါဝင်တဲ့ ကုန်စည်ဖြစ်တဲ့အပြင် စားနပ်ရိက္ခာဆန်များ ပြတ်လပ်မှုမရှိစေရန်နဲ့ အရေးကြီးတဲ့ကာလဖြစ်တာကြောင့် ပြန်လည်ဖွင့်လှစ်သွားမှာဖြစ်ကြောင်း မြန်မာနိုင်ငံဆန်စပါးကုန်သည်များအသင်းမှ သိရပါတယ်။

ဧပြီလနဲ့ မေလများမှာလည်း တောင်သူလယ်သမားများ နွေစပါးရိတ်သိမ်းချိန်ကာလဖြစ်တာကြောင့် နွေစပါးဈေးနှုန်းများ ကျဆင်းပြီး တောင်သူလယ်သမားများ နစ်နာမှုမရှိစေရေးအတွက်လည်း ဆောင်ရွက်သွားမှာဖြစ်ကြောင်း သိရပါတယ်။

ဆန်စပါးကုန်စည်ဒိုင်များကို ဧပြီလ(၉)ရက်နေ့မှ ၂၀ ရက်နေ့ထိ နှစ်သစ်ကူးကာလကုန်စည်ဒိုင်ပိတ်ရက်များအပြင် ရက်တိုးထပ်မံပိတ်ထားမှုများရှိခဲ့ပြီး (၂၇)ရက်နေ့မှာ ပြန်လည်ဖွင့်လှစ်သွားမှာ ဖြစ်ကြောင်း ဧပြီလ(၂၃)ရက်မြန်မာနိုင်ငံဆန်စပါးကုန်သည်များအသင်းရဲ့ ထုတ်ပြန်ကြေညာချက်အရ သိရပါတယ်။ 

တိုးတိုးခိုင်(ABM)


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်