မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာမှို အပိုင်း(၁၂)

09/08/2022 13:00 PM တွင် ဒေါ်မြမြ ပါမောက္ခ(ငြိမ်း) ဒေါ်မြမြ ပါမောက္ခ(ငြိမ်း) မှ ရေးသား

ရေရှည်တည်တံ့သော စိုက်ပျိုးရေးအတွက် အာဘာစကူလာမိုက်ကိုရိုက်ဇာ(အေအမ်အက်ဖ်) မှို၏ ဂေဟစနစ်ဆိုင်ရာအခန်းကဏ္ဍများ အပိုင်း - ၂

အေအမ်မှိုမျိုးကွဲများစွာသည် အပေါ်မြေလွှာတွင် ပွားများကြောင်းသာမက အမြစ်မွှေးရှည်လျား မြေနက်ဆင်း (deep rooting) အပင်များ မှီခိုအကျိုးပြုသည့် အောက်မြေလွှာအေအမ်မှိုမျိုးများ၏ ဆောင်ရွက်ချက်များကိုလည်း ၂၁ ရာစုအတွင်း လေ့လာနေကြပြီ ဖြစ်သည်။

မြေနက်ဆင်း အမြစ်မွှေးရှည်အပင်များကို အလှည့်ကျစိုက်ပျိုးရေးတွင် ထည်သွင်းစိုက်ခြင်းဖြင့် အောက်မြေလွှာမှိုမျိုးကွဲများ တိုးလာပါမည်။

ဒါကလည်း အာဘာစကူလာ မိုက်ကိုရိုက်ဇာမှို၏ သဟဇီဝနပြောင်းလဲမှုဖြစ်စဉ်တခုဖြစ်ပြီး အာဘာစကူလာမိုက်ကိုရိုက်ဇာ (အေအမ်အက်ဖ်) မှို ပညာပေးလုပ်ငန်းတွင်အသုံးဝင်ပါသည်။ ယင်းကို တပိုင်တနိုင် စိုက်ပျိုးရေးတောင်သူများ ကိုယ်တိုင်လည်းနားလည်စေရန် ဖေါ်ပြလိုက်ပါသည်။

၂.၁ ရေရှည်တည်တံ့ခိုင်မြဲသော စိုက်ပျိုးရေးအတွက် အောက်မြေလွှာ အာဘာစကူလာမိုက်ကိုရိုက်ဇာမှို

၂.၂ ရေရှည်တည်တံ့ခိုင်မြဲသော စိုက်ပျိုးရေးအတွက် အောက်မြေလွှာ အာဘာစကူလာမိုက်ကိုရိုက်ဇာမှို

အောက်မြေလွှာဆိုသည်မှာ -

  • ထွန်ယက်စိုက်ပျိုးပြီးမြေလွှာအောက်တွင်ရှိသောမြေသည် အောက်မြေလွှာဖြစ်သည်။ စိုက်ပျိုးရန်ထွန်ယက်မြေသည် အနက် ၂၀-၃၀ စင်တီမီတာထိ ရှိသည်။
  • အောက်မြေလွှာသည် အာဟာရဓာတ် ၁၀ - ၈၀ % ထိ ဖြန့်ဝေပေးနိုင်သည်၊ အပေါ်မြေလွှာတွင် ခြောက်သွေ့ခြင်း၊ အာဟာရဓာတ်ကုန်ခမ်းခြင်းဖြစ်ပါက အောက်မြေလွှာက အာဟာရဓာတ်ကို ပို၍ ပံ့ပိုးပေးနိုင်သည်။
  • အောက်မြေလွှာသည် ဇီဝသက်ရှိမျိုးကွဲများကို လက်ခံထားသော မြေလွှာဖြစ်သည်၊  သို့ဖြစ်၍ ပတ်ဝန်းကျင်ပြောင်းလဲမှု မတည်ငြိမ်သောအနေအထားတွင် အောက်မြေလွှာ၏ ဂေဟစနစ် လုပ်ငန်းများတည် တည်ငြိမ်သည်၊ ဇီဝသက်ရှိမျိုးကွဲများက ဂေဟစနစ်၏ ထုတ်လုပ်စွမ်းအား ခိုင်မာမှုကို ထောက်ကူပေးခြင်းကြောင့် ဖြစ်သည်။ 
  • အပေါ်မြေလွှာမှ မြေအနက်တိုးလာသည်နှင့်အမျှ အဏုဇီဝသက်ရှိများ လျော့ကျလာမည်ဖြစ်သော်လည်း အေအမ်အက်ဖ်မှို ဘိုင်အိုမတ်စ်တွင်မူ ၅၀% ကို မြေဆီလွှာအနက် ၃၀ စင်တီမီတာအောက်တွင်တွေ့ရပြီး အေအမ်အက်ဖ်မှိုစွဲကပ်အမြစ်နှင့်အတူ မှိုမျှင်များသည် မြေအနက် ၈ မီတာအထိ ဆင်းနိုင်ပါသည်။ 

အောက်မြေလွှာ ၃၀ စင်တီမီတာအောက်ရှိ အေအမ်အက်ဖ်မှိုကွန်မြူနတီများကို စပိုး၏ရုပ်သွင်ပြင်လက္ခဏာ အခြေခံလေ့လာမှုနှင့် အချို့ပက်သိုတိုက်များ၏  sequencing studies အရ လေ့လာမှုတွင် အပေါ်မြေလွှာ အေအမ်အက်ဖ်မှိုနှင့် ကွဲပြားသည်၊ ထယ်ထိုးလွှာ၏ အောက်မြေလွှာတွင်ရှိသော အေအမ်အက်ဖ်မှို ကွန်မြူနတီများ၏ အမြစ်စွဲကပ်မှုသည် အောက်မြေလွှာ (၁၅ - ၄၅ စင်တီမီတာ)တိုင်အောင် ဆင်းသဖြင့်  စိုက်ပျိုးရေးဂေဟစနစ်တွင် အကျိုးရှိသော လမ်းကြောင်းကွဲ အစိတ်အပိုင်းတခုအဖြစ် အံဝင်ဂွင်ကျ ဖြစ်လာသည်။ စိုက်ပျိုးရေး အလေ့အကျင့် ကောင်းများဖြင် ၎င်းမှိုကို ထိရောက်စွာ ထိန်းထားနိုင်သည်။

အောက်မြေလွှာတွင် အဏုဇီဝသက်ရှိများ စုစည်းလာသဖြင့် အဏုဇီဝသက်ရှိမျိုးကွဲများသိုလှောင်ကန်လိုလည်း ဖြစ်နေနိုင်ပါသည်။ 

အောက်မြေလွှာက အဏုဇီဝသက်ရှိမျိုးကွဲများ သိုလှောင်ကန်အနေဖြင့် အဏုဇီဝသက်ရှိများကြွယ်ဝကြောင်း ခိုင်မာစေသော တွေ့ရှိချက်

မြက်ခင်းများနှင့်ပြောင်းခင်းများ၏အောက်မြေလွှာတွင် အေအမ်အက်ဖ်မှိုကြွယ်ဝမှု တွေ့ရှိချက်

မြက်ခင်းများနှင့် ပြောင်းခင်းများ၏ အောက်မြေလွှာ (၃၅ - ၅၀ စင်တီမီတာ) အနက်တွင် အေအမ်အက်ဖ်မှိုမျိုးစိတ် ကြွယ်ဝသည်။

ပြောင်းခင်းများတွင် ထယ်ထိုးလွှာအောက် (၃၀-၄၅ စင်တီမီတာ)တွင် အေအမ်အက်ဖ်မှို မျိုးစိတ်/မျိုးကွဲကြွယ်ဝမှု ကောင်းသည်။

ပုံ ၂.၃ မြက်ခင်းများနှင့် ပြောင်းခင်းများ၏ မြေအနက်အမျိုးမျိုးတွင် အေအမ်အက်ဖ်မှို မျိုးစိတ်ကြွယ်ဝမှု (Oehl  et al 2019)

ကိုးကား 

Oehl F. et al.Community structure of arbuscular mycorrhizal fungi at different soil depths in extensively and intensively managed agroecosystems. 09 December 2004

https://doi.org/10.1111/j.1469-8137.2004.01235.x                                                                                       Sosa-Hernández MA, Leifheit EF, Ingraffia R and Rillig MC Subsoil Arbuscular Mycorrhizal Fungi for Sustainability and Climate-Smart Agriculture: A Solution Right Under Our Feet? Front. Microbiol. 10:744 (2019). doi: 10.3389/fmicb.2019.00744

ဒေါ်မြမြ၊ ပါမောက္ခ (ငြိမ်း)၊ ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်