အော်ဂဲနစ်လယ်ယာအတွက် ပျားမွေးမြူရေး (Beekeeping for Organic)

Rudolf Steiner ဆိုသူက “သူတို့ရဲ့နေထိုင်ပုံနဲ့ဖန်တီးမှုများကို ထဲထဲဝင်ဝင်ပိုပြီးစုံစမ်းလေလေ၊ သူတို့ရဲ့ ကြီးကျယ်သော ဉာဏ်ရည်ဉာဏ်သွေးနဲ့ သူတို့ရဲ့အလုပ်ကို အောင်မြင်ပြီးဆုံးအောင် ဘယ်လိုလုပ်ကြတယ်ဆို တာကို မှတ်ချက်ပြုနိုင်လေ ဖြစ်တယ်လို့ ပြောခဲ့ပါတယ်။

အမှန်တကယ်ပါပဲ။ လုပ်သားပျားလေးတွေဟာ ပန်းဝတ်မှုန်ကိုရှာဖွေတွ့ရှိတဲ့အခါ သူတို့ရဲ့အပေါင်းဖော်လုပ်သားပျားတွေကို အင်္ဂလိပ်ဂဏန်း (8) ပုံစံ သင်္ကေတနဲ့ ယိမ်းထိုးကြကာ ဝမ်းပန်းတသာခေါ်ဆောင်သွားတာတွေ၊ သူတို့ရဲ့ အဆောက် အအုံ (Bee Hive)တွေကို ဗိသုကာပညာရှင်များကပင် လက်မှိုင်ချရတာတွေ၊ ရန်သူကို ကာကွယ်တိုက်ခိုက်တတ်တဲ့နေရာမှာ အသက်ကိုပင် စတေးခံကြတာတွေ အလွန်ကိုအံ့သြစရာကောင်းလှပါတယ်။ 

သူတို့ဟာ လူတွေရဲ့ ကျန်းမာရေးအကျိုးအတွက် ပျားရည်၊ ပျားသလက်၊ ပျားကော်၊ Royal Jelly အစရှိတဲ့ အဖိုးတန် ပစ္စည်းများကိုပေးတဲ့အပြင် လူတို့စိုက်ပျိုးထားတဲ့ သီးနှံစိုက်ခင်းတွေရဲ့ အစေ့အဆံအောင်မြင်မှုရရှိဖို့ရာမှာ ဝတ်မှုန်ကူး ပေးကာ၊ သန္ဓေအာင်မြင်စေရန် လုပ်ဆောင်ပေးကြပါသေးတယ်။ သို့ပေမယ့် ပိုးသတ်ဆေးတွေ ပက်ဖျန်းအသုံးပြုနေတဲ့ သီးနှံစိုက်ခင်းတွေကြောင့် ပျားများသေဆုံးကြရတယ်။ သဘာဝပျားမျိုးတွေ အန္တရာယ်နဲ့ကြုံတွေ့နေကြရတယ်။ မိမိတို့ လူသားများအေပါ် အကျိုးပြုနေတဲ့ပျားလေးတွေကို အကာအကွယ်ပေးကြရပါမည်။

အော်ဂဲနစ်လယ်ယာစိုက်ပျိုးရေးမှာ ဓာတ်မြေဩဇာ၊ ပိုးသတ်ဆေး စနစ်ကိုအသုံးမပြုတဲ့အတွက် ပျားများကို အကာ အကွယ် ပေးရာရောက်တဲ့အပြင် သဘာဝပတ်ဝန်းကျင်မှာ ပျံ့နှံ့လာစေနိုင်ပါတယ်။ မိမိတို့ အော်ဂဲနစ်စိုက်ပျိုးရေးလုပ်ငန်း မှာလည်း ပန်းဝတ်မှုန်ကူးပြီး အောင်မြင်မှုကြီးမားစွာရရှိအောင်ဆိုရင် အနည်းဆုံးပျားမွေးအိမ်လေးတွေလုပ်ပြီး ပျားမွေးမြူ ပေးသင့်ပါတယ်။

အခြေခံ အော်ဂဲနစ်လယ်ယာစာအုပ်မှ ကူးယူဖော်ပြပါသည်။