ကြက်သားဈေး ဘာကြောင့်တက်လို့ ဘယ်သူတွေ အကျိုးရှိသွားသလဲ..

09/11/2022 17:00 PM တွင် ဇင်ဘိုလွင် ဇင်ဘိုလွင် မှ ရေးသား

“ ကျွန်မ ကြက်သားရောင်းစားလာတာ ၁၀ နှစ်ကျော်ပြီ။ ဒီလိုဈေးမျိုး တစ်ခါမှ မကြုံဖူးသေးဘူး။ ဝယ်ဈေးကိုက မတရားတက်နေတော့ ရောင်းရတာလည်း အရင်လို အမြတ်သိပ်မရှိတော့ဘူး။ ထိန်းရောင်းနေရတာ” 

ရန်ကုန်မြို့၊ သင်္ဃန်းကျွန်းမြို့နယ်ထဲရှိ ဈေးတစ်ဈေးက ကြက်သားသည်တစ်ဦးက ဝယ်သူတစ်ဦးကို ကြက်သား ချိန်ပေးရင်း ပြောပြနေခြင်းဖြစ်သည်။ 

လက်ရှိတွင် စီပီကြက်သားခုတ်သား လက်လီဈေးက တစ်ပိဿာ ၁၂၀၀၀၊ ၁၃၀၀၀ ခန့်ထိ ဈေးမြောက်နေသည်။ ပြီးခဲ့သည့်တစ်ပတ်ကျော်ကာလလေးနှင့် နှိုင်းယှဉ်လျှင်တောင် ကျပ် ၄၀၀၀ ခန့် ဈေးမြင့်တက်သွားခြင်း ဖြစ် သည်။

ဆိုတော့ ကြက်သားဈေးတွေက ဘယ်လိုကြောင့် နင်းကန်တက်သွားရတာလဲ။ မွေးမြူရေးသမားတွေမှာကော အကျိုးအမြတ် ပိုရသွားပါသလား?

လုံးဝမဟုတ်ပါ။ ကြက်ခြံသမားများ အကြွေးပတ်လည်နှင့် ပြုတ်ပြုတ်ပြုန်းကုန်သည်ဟု ကြက်မွေးမြူရေး လုပ်ငန်းရှင်တစ်ဦးလည်းဖြစ်၊ လှည်းကူးမြို့နယ်မွေးမြူရေးလုပ်ငန်းအဖွဲ့ချုပ်ဥက္ကဌလည်း ဖြစ်သည့် ဦးမြင့် အောင်က ဆိုသည်။ 

ကြက်ခြံဆောက်လုပ်သည့် ဝါးဈေး၊ သံဈေး၊ သွပ်ဈေးများ နှစ်ဆခွဲ သုံးဆခန့် ဈေးတွေတက်ကုန်သည်။ မီးမမှန် သည့်အတွက် မီးစက်မောင်းရသည့်ကုန်ကျစရိတ်၊ အစာဈေး၊ ဆေးဈေးများကလည်း နှစ်ဆမက သုံးဆလောက် ဖြစ်ကုန်သည်။ ကြက်ပေါက်ဈေးနှုန်းများမှာလည်း ယခင်က တစ်ကောင် ကျပ် ၄၊ ၅ ရာခန့်မှ ယခု ကျပ် ၂၀၀၀ နီးပါးဖြစ်လာသည်။ သို့သော် ကြက်ခြံဖမ်းဈေးမှာမူ နှစ်ဆခန့်သာ တက်လို့ရသည်။ ယင်းအချက်များက ကြက်မွေးမြူရေးလုပ်ငန်းရှင်များကို ကောင်းကောင်းကြီး ဒုက္ခပေးနေသည်ဟု ဦးမြင့်အောင်က သုံးသပ်သည်။

“ အကုန်လုံးက နှစ်ဆမကဘူး။ သုံးဆလောက်တက်နေတာ။ ဥပမာ တစ်ရာတန်တဲ့ပစ္စည်းက အခု သုံးရာ ဖြစ်သွားတာ။ ကြက်သားဈေးကျတော့ ၂ ဆလောက်ပဲတက်တယ်။ ဆိုတော့ မွေးမြူရေးသမားတွေအတွက်က ကြက်နည်းနည်းပါးပါးညံ့တယ်ဆိုရင် ရှုံးတယ်။ ကောင်းမှ ပါးပါးလေးပဲကျန်တာ”

ကြက်ခြံသမားများအနေဖြင့် ပြိုလဲသွားခြင်းမရှိအောင်သာ တတ်နိုင်သလောက် ထိန်းထားနေရသည့်အခြေအနေ ဖြစ်နေသည်ဟုလည်း ဦးမြင့်အောင်က ဆိုသည်။

“ ရှင်းရှင်းပြောရရင် မပြိုလဲအောင် ထိန်းနိုင်သလောက်ပဲ ထိန်းရမယ့်သဘောရှိတယ်။ ဒီ့ထက်မက တက်မယ် ဆိုရင်တော့ နိုင်ငံခြားကတောင် ဝယ်စားရမယ့်အဆင့် ဖြစ်သွားနိုင်တယ် ”

ယခုကဲ့သို့ ကြက်သားဈေးများ မြင့်တက်လာရခြင်းအကြောင်းရင်းများနှင့်ပတ်သက်၍ ကိုယ်တိုင်မွေးမြူသူတစ် ဦးလည်းဖြစ်၊ တိရစ္ဆာန်ဆေးကုဆရာဝန်တစ်ဦးလည်းဖြစ်သည့် ဒေါက်တာညွန့်ရွှေကို မေးရာတွင်လည်း ဦးမြင့်အောင်ပြောသလိုပင် အစာဈေး၊ ကြက်ပေါက်ဈေး အလွန်အမင်းမြင့်တက်မှု အခက်အခဲများကိုသာ ညွှန်းဆိုပြောပြသည်။

“ အဲ့ဒါတွေနဲ့ကျတော့ မွေးတဲ့သူက မကိုက်တော့ဘူး။ ဒီတော့ မွေးသူဦးရေ ကျလာတယ်။ ဒီတော့ ကြက်ထုတ် လုပ်မှုလျော့ကျပြီး ဈေးတက်တာပေါ့” ဟု ဒေါက်တာညွန့်ရွှေက သုံးသပ်သည်။

အထွက်နှုန်းကောင်းမျိုးများကို ပြောင်းလဲမွေးမြူလာကြသော်လည်း မွေးမြူထိန်းသိမ်းသည့်စနစ်များကိုမူ ပြောင်းလဲခြင်းမရှိဘဲ ယခင်နည်းလမ်းများအတိုင်းသာမွေးမြူနေခြင်းကလည်း ပြဿနာတစ်ခုဖြစ်နေသည်ဟု ဒေါက်တာညွန့်ရွှေက ထပ်ဆင့်မှတ်ချက်ပြုသည်။ အဘယ်ကြောင့်ဆိုသော် မွေးမြူရေးနည်းစနစ်အမှားများ ကြောင့် ရောဂါအသစ်များ ဝင်လာပြီး စိန်ခေါ်မှုအသစ်များကို ရင်ဆိုင်လာရခြင်းကြောင့် ဖြစ်သည်။

“ လူတွေက နည်းပညာပိုင်းမှာ လိုက်လျောညီထွေမှု မလုပ်ချင်ကြတာပေါ့” 

မြန်မာနိုင်ငံမွေးမြူရေးလုပ်ငန်းအဖွဲ့ချုပ်တွင် ပြန်ကြားရေးတာဝန်ယူထားသူ ဒေါက်တာသက်ခိုင်ကတော့ ၎င်းတို့ အဖွဲ့ချုပ်အနေဖြင့် ကြက်သားပေါက်ဈေးနှုန်းများ ထပ်မံမမြင့်တက်အောင် ထိန်းညှိပေးခြင်းမျိုးတော့ ပြုလုပ်ပေး နေသည်ဟု ဆိုသည်။

ဆိုတော့ ကြက်သားဈေးများတက်ခြင်းမှာ အထွေထွေကုန်ကျစရိတ်များအားလုံး မြင့်တက်သွားခြင်းကြောင့် ဖြစ်သည်။ ဘယ်သူ့အတွက်မှ အကျိုးပိုမရှိသည့်အခြေအနေမျိုးဖြစ်သည်။ မွေးမြူရေးအလုပ်သဘောမှာလည်း အချိန်တန်ပါက ရှုံးသည်ဖြစ်စေ၊ မြတ်သည်ဖြစ်စေ ရောင်းချပစ်ရသည့်သဘောရှိသည်။ စားသုံးသူဘက်တွင် လည်း အထွေထွေဝင်ငွေများ တိုးလာခြင်းမျိုးမရှိသလောက်ဖြစ်၍ ဒီ့ထက်ဈေးပိုတက်လာပါက ဝယ်မစားရုံသာ ရှိနိုင်တော့မည်ဖြစ်သည်။

လက်ရှိအနေအထားများအရ ကြက်သားဈေးများ ထပ်တက်နိုင်ချေရှိသေးလားဟု ဒေါက်တာသက်ခိုင်၏ အမြင်ကို မေးရာတွင် “ဈေးကွက်ဆိုတာမျိုးကတော့ ပြောရခက်တယ်။ တစ်ချိန်မှာ စားသုံးသူက မနိုင်တဲ့ဈေး ရောက်သွားရင်တော့ ပြန်ကျရမှာပဲလေ” ဟု ပြန်ဖြေသည်။

လက်ရှိကာလသည် ပွဲတော်ရက်ကာလ၊ မင်္ဂလာဆောင်ကာလဖြစ်နေ၍ ဈေးတက်ခြင်းမျိုးလည်း ဖြစ်နိုင်သည့် အတွက် လက်ရှိဈေးကို အတည်ဈေးဟုပြောရန်တော့ ခက်နိုင်ပြီး စောင့်ကြည့်ရဦးမည်ဟုတော့ ဒေါက်တာ သက်ခိုင်က ဆိုသည်။

လက်ရှိအထွေထွေအခက်အခဲများအရ ရပ်သွားရသည့်ခြံသမားများကော ရှိနေပြီလားဟု ကြက်မွေးမြူရေး လုပ်ငန်းရှင် ဦးမြင့်အောင်ကို မေးမြန်းကြည့်ရာတွင်တော့ အောက်ပါအတိုင်း မှတ်ချက်ပြုရင်း ငြီးတွား ပြောဆိုသည်။

“ အများကြီးပဲ။ နည်းနည်းမဟုတ်ဘူး။ အများကြီးပြုတ်တယ်။ တချို့တွေဆို ရှိတဲ့ခြံကို အစာသမားကို ထိုးအပ် လိုက်တာတောင် အကြွေးမကြေတဲ့သူတွေအများကြီး။ နံပါတ်တစ်အချက် မီးကို ၂၄ နာရီ မပေးနိုင်မချင်းကတော့ ဘယ်လိုမွေးမွေး ရှုံးမှာပဲ။ နံပါတ် ၂ အချက် အစာဈေးနှုန်း မတရားထိုးတက်သွားတယ်။ ကြက်စာဈေးက လူစားတဲ့ဆန်ဈေးထက်တောင် ဈေးများနေမှတော့ ကျွန်တော်တို့ ဘယ်လို ဆက်လုပ်ရမှာလဲ” 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်