အပူချိန်မြင့်၍ကျတတ်သည့် ငါးရောဂါများကို ကြိုတင်ကာကွယ်နည်းများ

လက်ရှိတွင် အပူချိန်မြင့်တက်မှုများ သိသိသာသာ ဖြစ်ပေါ်နေချိန်ဖြစ်ပါသည်။ ယင်းကဲ့သို့ အပူချိန် မြင့်တက်ချိန်မျိုးတွင် ငါးမွေးကန်များ၌ ရောဂါများကျရောက်တတ်၍ ယင်းကဲ့သို့မဖြစ်ပေါ်စေရန် ကြိုတင်လုပ်ဆောင်ပေးသင့်သည့်နည်းလမ်းများကို ဖော်ပြပေးလိုက်ပါသည်။

ဖြစ်ပေါ်လာနိုင်သောရောဂါများ

(က) ပါးဟက်မည်းရောဂါ
(ခ) အခွံမည်းရောဂါ (အမဲပျောက်များ) (Black Brown Spot)
(ဂ) အမြီးအဖျားနာခြင်း
(ဃ) အနီရောင်ရောဂါ
(င) အမည်းရောင်အစင်းတန်းရောဂါများ

(က) ပါးဟက်အမည်းရောဂါ - ပါးဟက်အတွင်း ပရိုတိုဇိုခေါ်သော ပိုးမွှားများ ရောက်နေသော ကြောင့် ပါးဟက်များမည်းခြင်းကို ဆိုလိုသည်။

(ခ) အခွံမည်းရောဂါ - အရေခွံ၏အဆက်စပ်ကြားများတွင် ပရိုတိုဇိုခေါ်သော ပိုးမွှားရောက်နေသောကြောင့် အရေခွံများနာနေခြင်းဖြစ်သည်။

အမြီးဖျားနာခြင်း၊ အနီရောင်ရောဂါဖြစ်ခြင်း၊ အမည်းရောင်အစင်းတန်းများ ဖြစ်ပေါ်နေမှုများသည် ရေထုအတွင်းရှိ ဘက်တီးရီးယားပိုးမွှား၊ ပရိုတိုဇိုများမှ ရေထုကို ညစ်ညမ်းစေမှုဖြစ်ပေါ်သဖြင့် ရောဂါများဖြစ်လာစေခြင်းဖြစ်ကြောင်း တွေ့ရှိရပါသည်။

ယင်းကဲ့သို့ ပူပြင်းခြင်းကြောင့်ဖြစ်တတ်သောပြဿနာများ မဖြစ်ပေါ်စေရန်ဆိုပါက အောက်ပါကြိုတင်ကာကွယ်မှုများ ပြုလုပ်ပေးနိုင်ပါသည်။

နွေရာသီရေရှားပါးသော ဧပြီလမှဇွန်လကာလများတွင် အပူချိန်များမြင့်တက်လာသဖြင့် အောက်ပါ အစီအစဉ်အတိုင်း ဆောင်ရွက်နိုင်ပါသည်။

၁။ အထူးသဖြင့် ကန်ရေများခန်းခြောက်လာပြီး ရေအနက်မှာ ကျဆင်းနေပါသည်။ ထိုအခါတွင် ကန်ရေများကို ရေအသစ်ထည့်ပြီး ကန်ရေအနက်ကို တိုးမြှင့်ထားရမည်။ ဥပမာအားဖြင့် ကန်ရေသည် ၃ ပေခန့်သာရှိပါက ကန်ရေကို ၅ ပေခန့်အထိ တိုးမြှင့်ခြင်းပြုလုပ်ထားနိုင်သည်။

၂။ ကန်အတွင်းရှိရေများ ငြိမ်သက်မနေစေဘဲ ရေများကို လှုပ်ခါသွားစေရန် ဆောင်ရွက်ရမည်။ ကူဘိုတာကို အသုံးပြုပါက ကန်အတွင်းရှိရေများကိုစုပ်ယူပြီး ရေထုတ်ပိုက်၀မှ ထွက်လာသောရေကိုကန်အတွင်းပြန်ထည့်ပြီး ရေလှည့်ပေးရန်လိုသည်။ ထိုအခါ အောက်စီဂျင်ပျော်၀င်နှုန်းလည်း ကောင်းမွန်ပြီး ငါးများရှင်သန်နှုန်းကောင်းသည်။ ရေပန်းနည်းကိုလည်း အသုံးပြုနိုင်သည်။

၃။ ဖြစ်နိုင်ပါက ကန်ကြပ်များမွေးမြူထားပါက အကြီးကောင်ငါးများကို ချန်ထားခဲ့ပြီး အရွယ်သေးသော ငါးများကို ရေထည့်ထားသော ကန်အသစ်တွင်ပြောင်းရွှေ့မွေးမြူနိုင်ရမည်။

၄။ အပူချိန်များက အစာကျွေးခြင်း ခဏရပ်နားပေးခြင်း၊ ရေသြဇာဖြည့်စွက် ခဏရပ်နားထားခြင်း ဆောင်ရွက်ရမည်။ ရေအသစ်ထည့်ပြီးမှ အစာကျွေးခြင်းကို ပြန်လည် စတင်နိုင်သည်။

ကိုမောင်မောင်(Thuwunna)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

အပူချိန်မြင့်၍ကျတတ်သည့် ငါးရောဂါများကို ကြိုတင်ကာကွယ်နည်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

အပူချိန်မြင့်၍ကျတတ်သည့် ငါးရောဂါများကို ကြိုတင်ကာကွယ်နည်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

သင့်ငါးကန်က ငါး/ပုဇွန်တွေ သေဆုံးမှုကို ဘယ်လိုလျှော့ချကြမလဲ

ငါးရောဂါစီမံခန့်ခွဲမှု

ထုံးနှင့် ငါးကန်

{{ post.title }}