မိုးကောင်းချိန် ပုစွန်တုပ်သားပေါက်များ စတင်ထည့်သွင်းမွေးမြူမည်ဆိုသော်...

မိုးရာသီ မိုးကောင်းကာလဖြစ်သည့် ယခုလို ဇွန်၊ ဇူလိုင်လများတွင် ပုစွန်မွေးတောင်သူများအနေဖြင့် သားပေါက်များစတင်ထည့်သွင်းမွေးမြူနိုင်ပြီး အောက်ပါအချက်များကိုတော့ သတိပြုလုပ်ဆောင်ရန် လိုပါသည်။

၁။ ဇွန်၊ ဇူလိုင်လများတွင် မိုးကောင်းပါက ပုစွန်မွေးတောင်သူများသည် မိုးရေကို ကောင်းစွာသိုလှောင်ထားရန် လိုအပ်ပါသည်။ ကန်လွတ်များရှိပါက တတ်နိုင်သလောက် မိုးရေကို သိုလှောင်ထားရန် လိုအပ်သည်။

၂။ သိုလှောင်ထားသောရေများတွင် အနည်းဆုံး ရေအနက် ၅ ပေခန့်ထားရှိ၍ ကလိုရင်းအမှုန့် ၁၀ ဂရမ်မှ ၂၅ ဂရမ်အထိ ထည့်၍ ရေကိုလှုပ်ခတ်စေပြီး ကောင်းမွန်စွာထိန်းသိမ်းထားရန် လိုအပ်ပါသည်။ ကလိုရင်းထည့်ခြင်းဖြင့် ရေကိုသန့်စင်စေပြီး ပိုးမွှားများသေစေနိုင်ပါသည်။

၃။ မိုးကောင်းသောရာသီဖြစ်သည့်အတွက် ယခုလိုရာသီတွင် ပုစွန်သားပေါက်များ ထည့်သွင်းသိုလှောင်နိုင်သည်။ သားပေါက်များသိုလှောင်ရာတွင် ကန်အတွင်း၌ ခြင်ထောင်ဇာများကိုထောင်၍ ၎င်းဇာခြင်ထောင်အတွင်းသို့ ပုစွန်သားပေါက်များကို ထည့်သွင်းသိုလှောင်ပြီး ၎င်းမှတဆင့် ၁၅ ရက်ခန့်ကြာပါက အသင့်ပြင်ထားသောကန်အတွင်းသို့ထည့်ပြီး ဆက်လက်မွေးမြူရမည်။ အဆိုပါအသုံးပြုမည့်ကန်များသည် ၀.၅ ဧကမှ ၁၉ ဧကအတွင်းရှိ ကန်များကို အသုံးပြုနိုင်သည်။

၄။ ထိုသို့ပြုမူဆောင်ရွက်ပါက ပုစွန်သားပေါက်များကြီးထွားလာပြီး သက်ကြီးကောင်အဆင့်သို့ ကူးပြောင်းလာမည်ဖြစ်သည်။

၅။ သက်ကြီးကောင်(Adult Prawn )အဆင့်သို့ ရောက်ရှိသောပုစွန်များကို ပြုပြင်ထားသောကန်များတွင်ဆက်လက်မွေးမြူပါက ရေချိုပုစွန်တုပ်ကြီးအဆင့်သို့ ရောက်ရှိသွားမည်ဖြစ်သည်။ အနည်းဆုံး(၈)လခန့်မွေးမြူသွားရမည်။

၆။ ပုစွန်သားပေါက်များ စနစ်တကျသယ်ယူပို့ဆောင်မည်ဆိုပါက ကောင်ရေ (၂၅၀၀) မှ (၃၀၀၀)ခန့်ဆံ့သည့်အလျားလက်မ ၃၀၊ အနံလက်မ၂၀ ခန့်ရှိ ပလတ်စတစ်အိတ်များကို အသုံးပြုရမည်။ လိုအပ်သောရေအနည်းအများကိုထည့်၍ အောက်ဆီဂျင်ဓာတ်ငွေ့ ဖြည့်သွင်းပေးရမည်။ အောက်ဆီဂျင်ဓာတ်ငွေ့ ရေမျက်နှာပြင်ပေါ်သို့ တက်ရောက်လာပါက ပလတ်စတစ်အိတ်ကို တင်းကြပ်လာအောင် အိတ်၏ထိပ်ကို သားရေကွင်းအကြီးဖြင့် တင်းကျပ်စွာချည်နှောင်ထားရမည်။

ထိုသို့ သိုလှောင်ပြီးသယ်ယူပါက ပုစွန်စခန်းများမှ ကန်များသို့အရောက်သယ်ယူမှုမှာ ချောမောစွာရောက်နိုင်ပြီး အချိန်သုံးနာရီခန့်ထိ ထိန်းသိမ်းနိုင်ပါသည်။ သားပေါက်သယ်ယူခြင်းများကို နံနက်စောစောသော်လည်းကောင်း၊ ညနေစောင်းနေဝင်ချန်တွင်လည်းကောင်း သယ်ယူနိုင်ပါသည်။

၇။ ကျင့်သားရအောင်ဆောင်ရွက်ခြင်း

ပလတ်စတစ်အိတ်ဖြင့် သယ်ယူလာသောပုစွန်များကို ပြုစုကန်အတွင်းသို့ ထည့်မည်ဆိုပါက အထူးသဖြင့်ပုစွန်ထည့်လိုသောအိတ်ထဲရှိ ရေ၏ဂုဏ်သတ္တိနှင့် ပုစွန်ထည့်မည့်ကန်အတွင်းရှိရေ၏ဂုဏ်သတ္တိများသည် မတူညီကြ၍ သဘာ၀ဝန်းကျင်ဖိစီးမှုဒဏ်ကြောင့်(Stress)ရပြီး ပုစွန်သားပေါက်များသေစေနိုင်သည်ကို သတိပြုရမည်။

ထို့ကြောင့်ကျင့်သားရအောင်(Acclimation) ဆောင်ရွက်ရာတွင် ပထမဆုံး ပုစွန်ထည့်ထားသောအိတ်ကို ထည့်မည့်ကန်ရေအတွင်းတွင် မိနစ် ၃၀ ခန့် မျှောထားပေးရမည်။ ၎င်းနောက် မွေးမြူရေးကန်အတွင်းရှိရေ၏ အပူချိန်နှင့် ပလတ်စတစ်အိတ်ထဲမှရေအပူချိန်တို့ကိုတိုင်းပြီး အပူချိန်တူညီပြီဆိုမှ ပလတ်စတစ်အိတ်ထဲမှပုစွန်များကို တဖြည်းဖြည်းချင်း ကန်အတွင်းသို့လွှတ်ပေးရမည်။

အထက်ပါအချက်များကို ယခုလိုမိုးတွင်းကာလတွင် ဆောင်ရွက်နိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...