ကျွဲ၊နွား၊ဆိတ်၊ဝက် တို့ရဲ့အစာ နေပီယာမြက်(Napier Grass)

08/03/2022 14:40 PM တွင် ဦးဇော်(dof) ဦးဇော်(dof) မှ ရေးသား

နေပီယာမြက်ဆိုတာ သာမန်မြက်ထက် ၂ဆ၊ ၃ဆကြီးထွား နှုန်းမြန်တဲ့ မြက်မျိုးဖြစ်ပြီး ကြံပင်လိုလို၊ ပြောင်းပင်လိုလို အပင်ကြီးမျိုး ဖြစ်တာကြောင့် တိရစ္ဆာန်တွေကိုကျွေးရန် အထူး သင့်တော်လှပါတယ်။ နေပီယာ မြက်ကိုလွန်ခဲ့တဲ့ ၁၀ နှစ်ခန့်က ထိုင်းနိုင်ငံမှ စတင်သယ်ဆောင်လာပြီး မြန်မာနိုင်ငံမှာ စမ်းသပ်စိုက်ပျိုးထားရာ နွားများ အလွန်ကြိုက်နှစ်သက် ကြပါတယ်။

 ရိုးရိုးမြက်တွေမှာ အသားဓာတ် ၅% ပဲပါဝင်ပြီး နေပီယာ မြက်မှာတော့အသားဓာတ် (၁၅-၁၉)% အထိပါဝင်ပါတယ်။ ၄င်းမြက်မှာ အရွက်ကြီးခြင်း၊ နူးညံ့ခြင်း၊ အမွှေးအမျှင်ကင်းခြင်း နှင့် မထိရှခြင်းတို့ကြောင့် နွားနဲ့ အရွက်စားတိရစ္ဆာန်များ ကြိုက်နှစ်သက်ကြပြီး အပင်ပွားအတက် များရုံသာမက အပင်မြင့်ကာ ရိတ်သိမ်းသယ်ဆောင်ရန်လည်း အဆင်ပြေသဖြင့်  ရာသီဥတုနှင့် မြေဆီလွှာသာ ကောင်းရန် လိုပါတယ်။ 

     နေပီယာမြက်ကို နွေရာသီမှာ တိရစ္ဆာန်များအတွက် အစာရှာရခက်ခဲခြင်းကြောင့် စိုက်ပျိုးနိုင်သလို အစာစရိတ် သက်သာချင်သူများ၊ တိရစ္ဆာန်အစာအတွက် အဆင့်တက်ပြုပြင် လုပ်ကိုင်ချင်သူများ၊ ခြံ လှောင်စနစ် ဖြင့် မွေးမြူရေးလုပ်ကိုင်သူများ၊လွှတ်ကျောင်းရန် အဆင်မပြေသူများ၊ မွေးမြူရေး လုပ်ငန်း တွင်  တိရစ္ဆာန်အစာများရှာရန် ခက်ခဲသူလုပ်ငန်းရှင်များအနေဖြင့်       နေပီယာ မြက်ကို စိုက်သင့် ပါတယ်။

     နေပီယာ မြက်ကို ၁ဧကစိုက်ပျိုးထားပါက အရွယ်ရောက်ပြီး နွား ၁၀ကောင်အတွက် ၁နှစ်စာအစာဖူလုံမှု ရှိပြီး မြေသြဇာကျွေးရာတွင်လည်း ယူရီးယား(Urea) ၅၀ ကီလိုဂရမ်နှင့် နွားချေးကဲ့သို့ သဘာဝမြေသြဇာ ၇မက်ထရစ် တန်ခန့် သာ အသုံးပြုရန်သာလိုသဖြင့် ပထမအကြိမ် ရိတ်သိမ်း ခြင်းကို စတင်စိုက်ပျိုးပြီး ၂လ မှ ၂လခွဲအတွင်း ပြုလုပ်နိုင်ပါတယ်။ ဒုတိယအကြိမ်မှစ၍ ၁လမှ ၁လခွဲအတွင်း ရိတ်၍ရပြီး ထိုကဲ့သို့ ရိတ်သိမ်းခြင်းကို ၁နှစ်လျှင် ၆ကြိမ်မှ ၈ကြိမ်အထိရိတ်သိမ်းနိုင်ပါတယ်။ ၁နှစ်၁ကြိမ် မြေသြဇာထည့်ပေးရမည်ဖြစ်ပြီး ၆နှစ်ခန့်ရှိပါက အသစ်ပြန်လည်စိုက်ပျိုးရပါတယ်။  

 စိုက်ပျိုးနည်းမှာ-

              နေပီယာ မြက်ပင် စိုက်ပျိုးမယ့် မြေကို ထယ်ထိုးထွန်မွှေပြီး ပါက ပင်ကြားxတန်းကြား အကွားအဝေး ၃x၃ ပေထား၍ စိုက်ပျိုးလေ့ရှိကြပါတယ်။

မိုးရာသီတွင်စိုက်ပျိုးပါက အဆစ်၂ဆစ်ပါသောပင်ပိုင်း များမှ အဆစ်၁ဆစ်ကိုမြုပ်၍ ကျန်၁ဆစ်ကို မြေမျက်နှာပြင် နှင့် ထိအောင်ထားပြီး စိုက်ပျိုးရပါတယ်။

ထူးခြားချက်မှာ      နေပီယာမြက်ကို တစ်ခါစိုက်လျှင် အနည်းဆုံး ၆နှစ်၊၇နှစ်ခန့် ရိတ်သိမ်း ကျွေးမွေးနိုင်တဲ့အတွက် အစာဖိုးကုန်ကျစရိတ် သက်သာစေတဲ့ မြက်မျိုး လို့ဆိုနိုင်ပါတယ်။ ၁ဧကစိုက်ပျိုးထားရင် ၁နှစ်ပတ်လုံး နွားဆိုအကောင် ၂၀ခန့်၊ ဆိတ်ဆို ၆၅ကောင်အထိ အစာ ကျွေးမွေးနိုင်ပါတယ်။

တိရစ္ဆာန်အစာအတွက် အသုံးဝင်ပုံမှာ-

     တိရစ္ဆာန်တွေကို ကျွေးမွေးရာမှာ ရက်၃၀အတွင်း ရိတ်သိမ်းထားတဲ့ မြက်ပင်များကို အပင်အတိုင်းကျွေး နိုင်ပြီး ရက်၃၀ ကျော်မှရိတ်သော အပင်များကိုစင်း၍ ကျွေးရပါမယ်။ ဒါ့အပြင် ပိုလျှံတဲ့ မြက်များကို လေလုံအိုးများမှာ ထည့်ကာ မြက်ချဥ်ဖတ် ပြုလုပ်ထားပြီး အစာရှား ပါးချိန်မှာ ထုတ်ယူ ကျွေးမွေးနိုင်ပါတယ်။      နေပီယာမြက်ကို အခြောက်သိမ်းထားလို့ရပြီး အစာတောင့်အဖြစ်လည်း ပြုလုပ် သုံးစွဲကြပါတယ်။       

 

အစာကျွေးနည်းမှာ-

-     နေပီယာ မြက်ကို ကျွဲ၊နွား၊မြင်း၊နွားနောက်များကို ကျွေးမယ်ဆိုရင် ၄င်းတို့၏ကိုယ်အလေးချိန်ရဲ့ ၁၀% ကျွေးလို့ရပါတယ်။ တခြားအစာနဲ့ ရောကျွေးမယ်ဆိုပါက နေပီယာမြက် ၃ချိုး၊ ကျန်အစာ ၁ချိုးထိ ရောကျွေး လို့ရပါတယ်။

-ဝက်စာအဖြစ်ကျွေးမယ်ဆိုပါက အစာကြမ်းအနေနဲ့ လည်းကောင်း၊ ချဥ်ဖတ်သိပ်၍ လည်းကောင်း ၊အခြားအစာ ရောစပ်၍ လည်းကောင်း ကျွေးနိုင်ပါတယ်။

-ငါးကိုကျွေးမယ်ဆိုပါက      နေပီယာမြက် ကို ငါးစားလို့ရတဲ့အရွယ်ထိ စင်းပြီးအခြားအစာများနှင့် ရောစပ်ကျွေးလို့ရပါတယ်ဆိုတဲ့ အကြောင်းရေးသားကာ ဖော်ပြလိုက်ရပါတယ်။

 

မွေးမြူရေးလုပ်ငန်းလုပ်ကိုင်သူများ အစာကုန်ကျမှုသက်သာ ပြီး လုပ်ငန်းများအဆင်ပြေကြပါစေဗျ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 

 

 


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်