ပထမကမ္ဘာစစ်ကြားက ဂျာမန်သူလေးမငွေနှင်း

မှိုစိုက်ပျိုးရေးက မြန်မာနိုင်ငံရဲ့ လတ်တလောခေတ်ကာလအခြေအနေတွေကြားမှာ တကျော့ပြန်ခေတ်စားလာခဲ့ပါတယ်။ မှိုအမျိုးမျိုးရှိတဲ့အထဲကမှ ငွေနှင်းမှိုတွေကလည်း စိုက်ပျိုးရလွယ်ကူမှုတွေ၊ စားစရာလက်တကမ်းရရှိမှုတွေကြောင့် တစ်ပိုင်တစ်နိုင်စိုက်ပျိုးသူတွေအတွက် စိတ်ဝင်စားစရာမှိုတစ်မျိုးဖြစ်လာခဲ့ပါတယ်။ သူ့ရဲ့ သမိုင်းကြောင်းကလည်း စိတ်ဝင်စားစရာတွေနဲ့ ပြည့်နှက်နေပါတယ်။

ဘယ်သူတွေ ငွေနှင်းမှို စစိုက်ခဲ့ကြတာလဲ?

ငွေနှင်းမှိုဟာ သဘာဝမှာ အလေ့ကျပေါက်တဲ့ မှိုမျိုးနွယ်တွေထဲက တစ်ခုပါ။ Basidiomycota အုပ်စုထဲမှာ ပါဝင်ပြီး ဒီအုပ်စုကတော့ မှိုမျိုးနွယ်တွေထဲမှာ စားကောင်းတဲ့ မှိုအများဆုံးပါဝင်နေတဲ့ အုပ်စုပဲဖြစ်ပါတယ်။

လက်တွေ့စမ်းသပ်စိုက်ပျိုးမှုကိုတော့ ဂျာမနီလူမျိုး ဖလက်ဆိုသူက ပထမကမ္ဘာစစ်အတွင်းမှာ စတင်ခဲ့တာပါ။ စစ်ဖြစ်နေတဲ့ အချိန်ကာလတွေအတွက် ငွေနှင်းမှိုက အဆင်ပြေတဲ့ စားစရာတစ်ခုဖြစ်ခဲ့ဟန်ပါပဲ။ ခုတော့ ကမ္ဘာနဲ့အနှံ့ စိုက်ပျိုးထုတ်လုပ်နေကြပြီပဲဖြစ်ပါတယ်။

ငွေနှင်းမှိုကို အပူချိန် ၂၀-၃၀ ဒီဂရီ နဲ့ စိုထိုင်းစ ၅၅-၇၀ ရာခိုင်နှုန်းအထိ ရှိတဲ့နေရာတွေမှာ စိုက်ပျိုးနိုင်ပါတယ်။ ပူတဲ့အချိန်တွေမှာဆိုရင်တော့ စိုထိုင်းဆကို ပိုပေးပြီး စိုက်နိုင်ပါတယ်။

ယနေ့ခတ်မှာဆို ငွေနှင်းမှိုဟာ တတိယမြောက် ကမ္ဘာ့စိုက်ပျိုးထုတ်လုပ်မှုအမြင့်ဆုံး မှိုတစ်မျိုးဖြစ်နေပါပြီ။ တရုတ်နိုင်ငံရဲ့ စိုက်ပျိုးထုတ်လုပ်မှုက ၈၈ ရာခိုင်နှုန်းရှိပြီး အများဆုံးပါပဲ။ စီးပွားရေးအရ အကျိုးဖြစ်ထွန်းတဲ့အပြင် ၄၅ ရက်တစ်သုတ် ထုတ်လုပ်နိုင်တာကြောင့် ဝယ်လိုအား၊ ရောင်းလိုအားတွေကို ချိန်ညှိနိုင်တဲ့ သီးနှံတစ်ခုလည်းဖြစ်နေပါတယ်။

စာတွေအရတော့ ၄၅ ရက် တစ်သုတ်ဆိုပေမယ့် စိုက်ပျိုးပြုစုသူရဲ့ ကျွမ်းကျင်မှုအလိုက် သက်တမ်းအတိုး အလျော့လည်း ပြုလုပ်နိုင်ပါသေးတယ်။ ဒါ့အပြင် ပြုစုစောင့်ရှောက်ပုံကလည်း လွယ်ကူရိုးရှင်းပြီး လေဝင်လေထွက် အသင့်တင့်ရှိတဲ့ အခန်းတစ်ခန်းပဲလိုအပ်တာဖြစ်ပါတယ်။ ဒါကြောင့် ငွေနှင်းမှိုက ကျေးလက်မှာရှိတဲ့ အမျိုးသမီးတွေအတွက် အိုးမကွာ အိမ်မကွာ ဝင်ငွေဖန်တီးပေးနိုင်တဲ့ သီးနှံတစ်ခုဖြစ်နေရတာပါ။

စိုက်ပျိုးထုတ်လုပ်ရာမှာ အဓိကကြုံရတတ်တဲ့ အခက်ခဲတွေကတော့ အာဟာရလိုအပ်ချက်နဲ့ အခြားမှိုရောဂါ ၊ဘက်တီးရီးယားရောဂါတွေလောက်ပဲ ရှိပါတယ်။ ဒါကလည်း စနစ်တကျသန့်ရှင်းရေးကို ဂရုစိုက်ရင် ကြိုတင်ကာကွယ်ထားနိုင်ပါတယ်။ (ဥပမာ - မှိုစိမ်းစိမ်းတွေပေါက်လာတာ။ အဝါရောင်အကွက်တွေဖြစ်လာတာ၊ ပျော့ရိကျလာတာတွေပဲဖြစ်ပါတယ်)

ငွေနှင်းမှိုရဲ့ နာမည်အရင်း

အင်္ဂလိပ်နာမည်ကတော့ Oyster Mushroom ( ကမာမှို)ပေါ့။ လက်တင်ဘာသာစကားကနေဆင်းသက်လာပြီး ကမာကောင်လေးတွေရဲ့ အခွံနဲ့တူတယ်လို့ အဓိပ္ပါယ်ရပါတယ်။ အဖြူရောင်ကနေ နို့နှစ်ရောင်၊ မီးခိုးရောင်၊ အဝါရောင်၊ ပန်းရောင်၊ အညိုဖျော့ စသည်ဖြင့် အရောင်ကွဲလေးတွေရှိကြပါတယ်။ မြန်မာမှာကတော့ အဖြူဆွတ်ဆွတ်လေးတွေနဲ့ အသိများကြလို့ ငွေနှင်းလို့ တင်စားကြသလားပေါ့ရှင်။

ငွေနှင်းမှိုမှာလည်း အောက်ပါမောင်နှမ ဝမ်းကွဲအမျိုးအစားတွေရှိကြပါတယ်။

1. Pleurotus ostreatus
2. Pleurotus florida
3. Pleurotus sajor-caju
4. Pleurotus sapidus
5. Pleurotus eous
6. Pleurotus membranaceous
7. Pleurotus flabellatus

မှိုဟာ အသီးအနှံလား၊ ဟင်းရွက်လား

မှိုကို စားသုံးလာကြပြီး စိုက်ပျိုးထုတ်လုပ်မှုတွေရှိနေတော့ သီးနှံ( crop) အနေနဲ့ စိုက်ပျိုးနည်း ပြုစုနည်းတွေရယ်လို့ မြန်မာလိုသုံးနှုန်းကြပေမယ့် မှိုဆိုတာ ကပ်ပါးကောင် အကြီးစားပါ။ သဘာဝမှာ ဆွေးမြည့်နေတဲ့အရာတွေထဲကို ဝင်ရောက်စားသောက်ပြီး ဆက်လက်မျိုးပွားဖို့ အချိန်ရောက်မှသာ မှိုပွင့်အဖြစ် ပြင်ပလောကထဲကို ရောက်ရှိစေတာပဲဖြစ်ပါတယ်။

မှိုအချို့ဟာ ကင်ဆာဆဲလ်တွေကို အောင်အောင်မြင်မြင်တိုက်ထုတ်နိုင်တဲ့ အရာတစ်ခုရယ်လို့ ရှာဖွေ့တွေ့ရှိထားကြပါသေးတယ်။ အိပ်မပျော်တဲ့ရောဂါတွေ ၊ စိတ်ဖိစီးမှုတွေ ၊ပန်းနာရောဂါတွေ ၊ဆီးချိုရောဂါတွေ အတွက် ဖြည့်စွက်စာအနေနဲ့လည်း စားသုံးကြပါတယ်။

ဘုံနိမ့်တဲ့ ဘက်တီးရီးယားတွေ၊ မှိုတွေကိုနိုင်တဲ့ အာနိသင်တွေကြောင့် အခြားအရာတွေနဲ့ရောစပ်ပြီး ဂျပိုးသတ်ဆေးလိုမျိုး၊ နီမတုတ်သတ်ဆေးလိုမျိုးတွေအထိပါ အသုံးပြုကြတာလည်း ရှိပါတယ်။

စိုက်ပျိုးပုံတွေ ဘယ်လို တိုးတက်ပြောင်းလဲခဲ့သလဲ?

ငွေနှင်းမှိုရဲ့ ရိုးရှင်းတဲ့ သဘာဝအနေအထားကြောင့် ကမ္ဘာနဲ့တဝန်းငွေနှင်းမှို စိုက်ပျိုးရေးကို တီထွင်ဆန်းသစ်မှုတွေ အများအပြား ပြုလုပ်လာနိုင်ခဲ့ကြတယ်။

၁၉၀၀ ပြည့်နှစ် ဝန်းကျင်တွေမှာပဲ ဂျာမနီကစလို့ စမ်းသပ်စိုက်ပျိုးမှု မျိုးစုံရှိခဲ့ပါတယ် ။ သစ်တုံးတွေမှာ စိုက်ကြည့်တာ။ လွှစာကို သစ်တုံးပုံစံပြုလုပ်ပြီး စိုက်တာ၊ ထင်းရှူးလွှစာနဲ့ စိုက်တာ ၊ ဓာတ်ခွဲခန်းထဲမှာပဲ မှိုမျိုးစေ့ကနေ စိုက်တာ၊ ကောက်ရိုးတွေနဲ့စိုက်ကြည့်တာ၊ နှံစားသီးနှံတွေ လွှစာတွေနဲ့ရောကြည့်တာ၊ ဝါစက်ရုံကထွက်တဲ့ စွန့်ပစ်တဲ့ ဝါအလေအလွင့်တွေနဲ့ စိုက်တာ၊ ငှက်ပျောပင်စည်နဲ့ စမ်းတာ စတဲ့ စမ်းသပ်မှုတွေ အများကြီးကို ကမ္ဘာနဲ့တဝန်းမှာ လုပ်ဖြစ်ခဲ့ကြတာ လွန်ခဲ့တဲ့ နှစ် ၁၀၀ ကျော် ကတည်းက ဖြစ်တယ်လို့ ဆိုပါတယ်။

ငွေနှင်းမှို စိုက်ပျိုးခြင်းကို အဆင့် (၄) ဆင့်နဲ့ ခွဲကြည့်နိုင်ပါတယ်။

၁။ မျိုးစေ့ပြင်ဆင်ခြင်း
၂။ စိုက်ထုပ်ပြင်ဆင်ခြင်း
၃။ စိုက်ထုပ်ထဲသို့ မျိုးထည့်ခြင်း
၄။ ပြုစုစောင့်ရှောက်ခြင်း တွေပါ။

ငွေနှင်းမှိုရဲ့ သမိုင်းကြောင်းတွေက စိတ်ဝင်စားစရာကောင်းသလို စိုက်ပျိုးပြုစုပုံကလည်း တိမ်မလိုနက် ၊ လွယ်မလိုယောင်နဲ့ခက်ပြီး ရာသီဥတု ပတ်ဝန်းကျင်အသေးစားလေးကို လိုသလိုပြုပြင်ရတာမို့ အင်မတန်စိတ်ဝင်စားစရာကောင်းပြန်ပါတယ်။ ဒီလို စိတ်ဝင်စားစရာတွေနဲ့ နောက်တစ်ပတ်တွေမှာ ပြန်ဆုံကြပါမယ်ရှင် ။

Ref: International Journal of Current Microbiology and Applied Sciences

ISSN: 2319-7706 Special Issue-11 pp. 1653-1665

Review Article A Review on Oyster Mushroom [Pleurotus ostreatus] Cultivation

School of Agriculture, Lovely Professional University, Phagwa – 144411, Punjab, India

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...