ဝါသီးနှံတွင် ကျရောက်ဖျက်စီးသော ဝါပိုးနီ

      ဝါပိုးနီသည် ဝါသီးနှံတွင် ဆိုးဆိုးရွားရွား ကျရောက်သော ဖျက်ပိုး များ အနက် တစ်မျိုးဖြစ်သည်။ကြမ်းပိုး အုပ်စုတွင်ပါဝင် ပြီး သီးနှံများကို စုပ်ယူစားသောက် ၍ ဖျက်စီးကြသည်။ 

ဘဝစက်ဝန်း 

      ဖျက်ပိုး အမသည် အဝါရောင် ဥများကို လက်ခံပင်အနီးရှိ မြေကြီးထဲတွင် အုချသည်။ ဥမှ အကောင်ပေါက်ရန် 7-8 ရက် ခန့်ကြာမြင့်သည်။ အရွယ် မရောက်ကောင် အဆင့် သည် ၂ပတ်မှ ၃ပတ် ခန့် အထိ ဖြစ်သည်။ အရွယ်ရောက် အကောင်ကြီးသည် ၁၂ မီလီမီတာ မှ ၁၅မီလီမီတာ အရွယ်အစားရှိ၍ အမများသည် အထီးများထက် ပိုမိုကြီးထွားဖွံ ့ဖြိုးသည်။

ဖျက်စီးပုံ နှင့် ပျက်စီးမှုလက္ခဏာ 

      အရွယ်ရောက်အဆင့် အကောင်ကြီး နှင့် အရွယ်မရောက် ကောင်အဆင့် နှစ်မျိုးလုံး သည် သီးနှံကို စားသောက် ဖျက်စီးနိုင်သည် ။ဝါပင်၏ အရွက်၊ အပွင့်၊ အဖူး၊ အသီးတို့ကို စုပ်စားဖျက်စီးကြသည်။ ထို့အပြင် ဝါချည်မျှင်များမှ တစ်ဆင့် အစေ့များကိုပါ စုပ်စားဖျက်စီးနိုင်ကြသည်။ စုပ်စားထားသော နေရာများမှ တစ်ဆင့် အခြား ရောဂါပိုးမွှားများဝင်ရောက်ပြီး ဝါသီးတောင့် ပုပ်ခြင်း၊ အရောင်ပျက်​​ခြင်းများဖြစ်ပေါ်နိုင်သည်။ ထို့အပြင် ဝါပိုးနီကျရောက်မှု ကြောင့် ဝါသီးထောင့်များကြွေကျခြင်း၊ ပုံမှန်ချိန်ထက်စော၍ပန်းပွင့်ခြင်း၊ ဝါချည်မျှင်များ အရောင်စွန်း၍ အရည်အသွေး ကျဆင်းခြင်း၊ စုပ်စားခံထားရသော အစေ့များကိုမျိုးအဖြစ်ထားရန် မသင့်လျော်ခြင်း စသည့် ဆိုးကျိုးရလဒ်များ တွေ့ကြုံနိုင်ပါတယ်။

လက်ခံပင်များ 

       ဝါပိုးနီသည်  ဝါသီးနှံတွင်သာမက  ရုံးပတီ၊ ရှောက်၊သံပုရာ၊ ခွေးတောက်၊ပြောင်း၊စသည့် သီးနှံများ တွင်လည်း ကျရောက် ဖျက်စီး နိုင်သည်။

ကာကွယ်နှိမ်နင်းရန် နည်းလမ်းများ

      - သီးနှံစိုက်ခင်းတွင် ဖျက်ပိုးကျရောက်မှု ရှိ၊ မရှိ အမြဲ ကြည့်ရူစစ်ဆေးပါ။

       - ဖျက်ပိုး အရေအတွက် နည်းလျှင် လက်ဖြင့် ကောက်ယူ ဖျက်စီး ပစ်နိုင်ပါသည်။

       - စိုက်ခင်းတွင် ပေါင်း၊ မြက်များကို ရှင်းလင်းပစ်ပါ။

       - ထောင်ချောက် သီးနှံ များစိုက်ပျိုး၍လည်း နှိမ်နင်းနိုင်ပါသည်။

       - သီးနှံ ရိတ်သိမ်းပြီးနောက်တွင် ထယ်ရေးနက်နက်ထိုးပေးပါ။

          -တမာပိုးသတ်ဆေး အသုံးပြု၍ ဝါပိုးနီကို နှိမ်နင်းနိုင်ပါသည်။ ထို့အပြင် ကလိုရီပိုင်ရီဖော့၊ ဖစ်ပရိုနေးလ် စသည့် ဆေးအဆိပ် အာနိသင်ရှိသော ဓာတုပိုးသတ်ဆေးများကို သုံးစွဲ၍ ဝါပိုးနီကို ကာကွယ်နှိမ်နင်းနိုင်ပါသည်။

Reference:

https://en.m.wikipedia.org/wiki/Dysdercus_cingulatus

https://plantix.net/en/library/plant-diseases/600199/red-cotton-bug
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်