တောင်သူဦးကြီးများအတွက် SWOT Analysis

အများကြီးတော့ မပြောတော့ပါဘူး။ ဖတ်သာကြည့်လိုက်ပါတော့…

လယ်စိုက်တယ်။ ယာစိုက်တယ်ဆိုတာကလည်း စီးပွားရေးလုပ်ငန်းလုပ်နေတာပါပဲ။ အဲ့တော့ တောင်သူလယ်သမားဦးကြီးတွေဆိုတာက စီးပွားရေးလုပ်ငန်းရှင်တွေပါပဲ။ အဲ့တော့ ကိုယ့်လုပ်ငန်းက ကောင်းနေသလား ဆိုးနေသလား၊ ဘာတွေ အားသာချက်တွေရှိနေလဲ၊ ဘာတွေ အားနည်းနေလဲ၊ အားသာချက်တွေကို ပိုကောင်းအောင် ဘာတွေလုပ်နိုင်မလဲ၊ အားနည်းချက်တွေကိုရော ဘယ်လိုပြင်ဆင်မလဲဆိုတာကို တစ်ချက်ပြန်ပြန်ပြီး ကြည့်ပေးတဲ့အခါ ကိုယ့်လုပ်ငန်းဆိုတာက ပြည့်စုံတဲ့လုပ်ငန်းတစ်ခုအဖြစ်ကို ပြောင်းလဲလာပြီးတော့ စီးပွားရေးအဆင်ပြေတဲ့အခါ သာယာတဲ့ ဘဝလေးကိုလည်း ပိုင်ဆိုင်နိုင်ကြမှာပေါ့။ အဲ့တော့ ကိုယ့်လုပ်ငန်းကို ဘယ်လိုမျိုး သုံးသပ်ချက်တွေ ပြုလုပ်နိုင်မလဲဆိုတဲ့ နည်းလမ်းလေးကို တင်ဆက်ပေးမှာပါ။

SWOT Analysis ဆိုတာဘာလဲ

ဆိုတော့ကာ S ဆိုတာက Strength (အားသာချက်)၊ W ဆိုတာက Weakness (အားနည်းချက်) ကိုဆိုလိုတာပါ။ အရေးကြီးပါတယ်နော်။ အဲ့(၂)ခုက ကိုယ်ပဲသိတဲ့ အတွင်းရေးတွေဖြစ်ရပါမယ်။ Internal ပါ။ ကိုယ်ပဲသိတဲ့ ကိုယ့်လုပ်ငန်းတွင်းက အားသာချက် အားနည်းချက်တွေ ဖြစ်ရပါမယ်။ နောက် (၂)ခုက O – Opportunities (အခွင့်အလမ်း) နဲ့ T- Threats (အန္တရာယ်) တွေပဲ ဖြစ်ပါတယ်။ အဲ့ (၂) ခုကိုစဉ်းစားတဲ့နေရာကတော့ အပြင်ဖက်က လာနိုင်တဲ့ အခွင့်အလမ်းတွေနဲ့ အန္တရာယ်တွေကိုပဲ တွေးတောဆင်ခြင်ရမှာပဲဖြစ်ပါတယ်။ အဲ့တော့ တောင်သူတွေ လိုက်လုပ်နိုင်တဲ့ အချက်လေးတွေကို လိုက်ပြီးတော့လုပ်ကြရအောင်…..။

ကဲ ကဲ စာအုပ်လေးတစ်အုပ်ကိုယူပြီးတော့ ချရေးရအောင်။ ကိုယ့်လုပ်ငန်းကနေ ကိုယ်သိတဲ့အားသာချက်တွေကို တန်းစီပြီးရေးပါ။ အတွင်းထဲက ကိုယ်ပဲသိတဲ့အရာဖြစ်ရပါမယ်နော်။ အားနည်းချက်တွေကိုလည်းရေးပါ။ ကိုယ်သိတဲ့အရာပဲ ဖြစ်ရပါမယ်။ နောက်ပြီတော့ အပြင်ဖက်ကလာနေတဲ့ အခွင့်အရေးတွေအကြောင်းကိုလည်း ရေးပါ။ ကိုယ့်လုပ်ငန်းမှာကျရောက်နိုင်တဲ့ အန္တရာယ်တွေအကြောင်းကိုလည်း တန်းစီပြီးတော့ရေးပါ။ ဒီ(၂)ခုလုံးက အပြင်ဖက်က သူများတွေကြောင့်ဖြစ်တဲ့အရာတွေပဲ ဖြစ်ရပါမယ်နော်။ အဲ့တော့ အားသာချက်တွေအကြောင်း ရေးထားတာကတစ်ရွက်၊ အားနည်းချက်တွေကို ရေးထားတာကတစ်ရွက်၊ အခွင့်အလမ်းတွေအကြောင်းကို ရေးထားတာကတစ်ရွက်၊ အန္တရာယ်တွေအကြောင်းကို ရေးထားတာကတစ်ရွက်ဆိုတော့ စုစုပေါင်း (၄) ရွက် ဖြစ်နေရပါမယ်။

ရေးပြီးသွားရင်တော့ အောက်မှာပြထားတဲ့အတိုင်းကို ဇယားလေးဆွဲပြီး ပြောင်းလဲကြည့်ရပါမယ်။

ကဲ အသေးစိတ်လေးတွေ ပြန်ကြည့်ရအောင်။ အားသာချက်လို့ဆိုတဲ့နေရာမှာ မြေကောင်းတယ် ဘာစိုက်စိုက်ဖြစ်တယ်ဆိုတာပါတယ် ထားပါတော့။ အဲ့တော့ အားသာချက်ကြောင့် ဖြစ်လာနိုင်တဲ့ အခွင့်အလမ်းတော့ ဘာစိုက်စိုက်ဖြစ်တယ်။ အဲ့တော့ ဈေးကြီးတဲ့သီးနှံတွေကို စိုက်လို့ရတယ်ဆိုတာက အားသာချက်။ အဲ့ကနေမှ မြေကသာတစ်ခုခုပျက်သွားတယ်ဆိုရင် ကိုယ့်အတွက်ဖြစ်လာနိုင်တာက လုံးဝကိုအန္တရာယ်ပါပဲ။

အားနည်းချက်ကနေ ပြီးတော့လည်း အခွင့်အလမ်းကို ပြောင်းလဲပေးနိုင်တာမျိုးလည်း ရှိတယ်။ အသီးတွေက ပို့ဖို့အခက်အခဲရှိတယ်ဆိုတာကိုသာ ပြောင်းလဲလိုက်ရင် ကိုယ်အတွက်က အခွင့်အရေးပါပဲ။ လုံးဝ အားသာချက်ကြီးပါပဲ။ အဲ့ဒါကိုလည်း ပြောင်းလဲပေးဖို့လိုတာကြောင့် ပြင်ဖို့အတွက်ကို ရေးထားပါဦး။ အားနည်းချက်ကနေ ကိုယ့်အတွက် အန္တရာယ်ဖြစ်လာနိုင်တာကို သတိထားရမှာမို့လည်း ရေးချထားဖို့လိုပါတယ်နော်။

အောက်မှာ နမူနာလုပ်ပြထားပါတယ်နော်။ တောင်သူဦးကြီးများ အချိန် (၁) နာရီလောက်ပေးပြီးတော့ လိုက်လုပ်ကြည့်တာနဲ့တင် တကယ်ကိုအကျိုးထူးမှာ အသေအချာပါပဲ။ အကုန်လုံးက ကိုယ့်အတွက် တကယ့်ကို အကောင်းဖက်ချည်းပဲဆွဲပြီးတော့ စီမံချက်ချထားပေးရမှာပါ။ အဲ့တော့ လိုက်လုပ်ထားရင်တော့ တကယ့်ကို အစီအစဉ်တွေရှိတဲ့ စိုက်ပျိုးစီးပွားလုပ်ငန်းရှင်တွေဖြစ်မှာ တကယ်ကိုသေချာပါတယ်။

ထွန်းဝင်းကျော်

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...