ဆာလဖာဆိုရင်...စနစ်တကျသုံးစေလို

ဆာလဖာဟာ ဈေးသက်သာတာကတစ်ကြောင်း ... 

မှိုလဲကာကွယ် မွှားပိုးဘာညာလဲထိန်း 

အရွက်တွေအစာချက်အားလည်းကောင်းတော့... 

နည်းနည်းလေးစိမ်းသလိုလိုဖြစ်စေ...

ဒါကြောင့်လေ... အရမ်းတွေ ညွှန်းကြတယ်..

အဲ့တော့ပေါ့လေ... ရှည်ဝေးမပြောတော့ပါဘူး..

အောက်ပါအချက်လေးတွေကို ဂရုပြုကြပါ...

(၁) ဆာလဖာ Sulphur သည် မှိုရောဂါတိုင်းကို မနိုင်ပါ။ အရွက်အပေါ်မျက်နှာပြင်တွင်ကျသော မှိုများအတွက်သာ ဖြစ်ပါတယ်။ (ဥပမာ ဖားဥမှို၊ သံချေးမှို၊ ကြပ်ခိုးမှို)

သို့သော် ကာကွယ်ဆေးသီးသန့်သာဖြစ်ပါသည်။ ဟိုးအတွင်းထဲမှာ မှိုမျိုးပွားအင်္ဂါတွေရောက်နေတဲ့ ရောဂါတွေအတွက် မစွမ်းပါ၊ ညှိုးသေများအတွက်လည်း မစွမ်းပါ။

(၂) ဆာလဖာကို ပတ်ဝန်းကျင်အပူချိန် ၃၂ ဒီဂရီ စင်တီဂရိတ်နှင့် အထက်တွင် သုံးလျှင် အပင် လောင်နိုင်သည်။ နှုန်းထားနှင့် အပင်အမျိုးအစားအပေါ်မူတည်၍ လောင်နိုင်မှုနည်းခြင်း၊ များခြင်းတော့ ကွာနိုင်ပါသည်။ (မနက်ခင်းပိုင်းတွင် ဖျန်းပါကမူ ၂ နာရီခန့်ကြာပြီးသွားပါက နေအပူရှိန် မြင့်မားလာသော်လည်း ပြဿနာမရှိနိုင်ပါ)

(၃) ဆာလဖာကို အခြားသော ပိုးသတ်ဆေး မှိုသတ်ဆေးများနှင့် တွဲစပ်ဖျန်းခြင်းကို ရှောင်ရှားပါ။ အထူးသဖြင့် အဆီအနေဖြင့် ထုတ်ထားသော EC ပုံစံများတွင် အပင်ထိခိုက်မှု သိသာသည်။

(၄) ဆာလဖာသီးသန့်အမှုန့်များကို ရွက်ဖျန်းများနှင့်အတူ ရောဖျန်းမည်ဆိုပါက...

ထိုရောဖျန်းမည့် ရွက်ဖျန်းတွင်ပါ ဆာလဖာဓာတ်ထပ်၍ ပါဝင်နေသည်ဆိုပါက ရောမဖျန်းသင့်ပါ။ 

အထူးသဖြင့် အသီးပင်များ ဥပမာ ပန်းသီး၊ မက်မန်း စသော stone fruit များ၊ စတော်ဘယ်ရီ၊ ဗူး၊ ဖရုံ၊ သခွား မျိုးနွယ်ဝင်များသည် ဆာလဖာများခြင်းကိုကြောက်ပါသည် (Sulphur sensitive crops)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်