ဝတ်မှုန်ကူးခြင်းကို ကူညီလုပ်ဆောင်ပေးတဲ့ အကျိုးပြုယင်ကောင် (Syrphid flies)

      သရက်ရာသီလဲ ရောက်တော့မှာဆိုတော့ သရက်တွေ ဝတ်မှုန်ကူးရာမှာလဲ အထောက်အကူဖြစ်စေတဲ့ ယင်ကောင်လေး အကြောင်းကို ပြောပြပေးချင်ပါတယ်ဗျ။

     အင်္ဂလိပ်လိုတော့ Hoverflies, Syrphid flies, Flower flies လို့အမျိုးမျိုး​ခေါ်ကြပါတယ်။

       ဝတ်မှုန်ကူးခြင်းကို အဓိက လုပ်ဆောင်ပေးတာက အကောင်ကြီးအဆင့် ဖြစ်ပါတယ်။ သူတို့ရဲ့ ခန္ဓာကိုယ်က အဝါရောင်နဲ့ အမည်းရောင် ​စပ်ကြားဖြစ်နေတာမို့ ပျား၊ နဂျယ်တွေနဲ့ မှားနိုင်ပါတယ်။ လွယ်လွယ်ကူကူ ခွဲခြားနိုင်တာကတော့ သူတို့မှာ တောင်ပျံတစ်စုံသာပါရှိပြီး ပျား၊နဂျယ်တွေက တောင်ပျံနှစ်စုံပါရှိပါတယ်။

       ပန်းတွေမှာရှိတဲ့ ဝတ်ရည်တွေ၊ဝတ်မှုန်တွေကို စားသုံးပြီး တစ်ပင်နဲ့တစ်ပင်ကူးပြောင်းခြင်းဖြင့် ဝတ်မှုန်ကူးရာမှာ ကူညီပေးပါတယ်။ အပင်မျိုးစိတ် တော်တော်များများရဲ့ ပန်းပွင့်တွေမှာ တွေ့နိုင်တာမို့ ပျားတွေပြီးရင်တော့ ဒုတိယအများဆုံး ဝတ်မှုန်ကူးခြင်းကို လုပ်ဆောင်ပေးနိုင်တဲ့ အကောင်တွေပဲ ဖြစ်ပါတယ်။ 

       အရွယ်ရောက်အမကောင်တွေက ဥတွေကို တစ်လုံးချင်းစီဥပြီးတော့ အများအားဖြင့် အရွက်တွေပေါ်မှာတွေ့ရတတ်ပါတယ်။

       နောက်ထပ် အကျိုးပြုတဲ့ အဆင့်ကတော့ သားလောင်းအဆင့်ပါ။ ဥကပေါက်လာတဲ့ သားလောင်းကောင်လေးတွေက အများအားဖြင့် အသီးတွေပေါ်မှာ တွေ့ရတတ်ပြီး ဖျက်ပိုးတွေဖြစ်တဲ့ ပျပိုး၊သရစ်ပိုး၊ပိုးစေးနဲ နဲ့အခြား စုပ်စားပိုးတွေကို စားသောက်ပေးပါတယ်။

          ဒါ့ကြောင့် အမေရိကန်မှာဆိုရင် မက်မွန်သီးမှာ ကျရောက်တဲ့ ပျတွေကို ဇီဝနည်းနဲ့နှိမ်နင်းဖို့ ဒီယင်ကောင်တွေကို မွေးမြူကြပါတယ်။ ဒါပေမယ့် တချို့မျိုးစိတ်တွေရဲ့ သားလောင်းကောင်တွေက ဖျက်ပိုးတွေကို မစားသုံးပဲ အဆွေးစားကောင်တွေအဖြစ် အပင်ဆွေးတွေနဲ့ တိရစ္ဆာန်အသေတွေမှာ နေထိုင်စားသောက်ကြပါတယ်။ 

         ခြုံငုံကြည့်မယ်ဆိုရင်တော့ အကောင်ကြီး အဆင့်က ဝတ်မှုန်ကူးရမှာ ကူညီပေးသလို သားလောင်းကောင်တွေကလဲ ဖျက်ပိုးတွေကို နှိမ်နင်းပေးလို့ စိုက်ပျိုးရေးမှာ အလွန်ကို အကျိုးရှိတဲ့ ယင်ကောင်မျိုးစိတ်ပါ။ဒီကောင်တွေက ပိုးသတ်ဆေးဒဏ်ကို ခံနိုင်ရည်မဲ့တာမို့ ဒီကောင်တွေကို စိုက်ခင်းထဲမှာ မြင်ချင်တယ်ဆိုရင်တော့ ပျပိုးတွေကိုနှိမ်နင်းရာမှာ ပိုးသတ်ဆေးအလွန်အကျွံသုံးတာမျိုး ရှောင်ရှားသင့်ပါတယ်ဗျ။

Ref; https://en.wikipedia.org/wiki/Hoverfly

http://treefruit.wsu.edu/crop-protection/opm/syrphid-flies-hover-flies-flower-flies/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်