မြန်မာနိုင်ငံ၏ စိုက်ပျိုးရေးကဏ္ဍတွင် ဓာတုဆေးများအသုံးပြုမှု

ဦးကြီးတို့အားလုံးမင်္ဂလာပါဗျ။

တိုးတက်ပြောင်းလဲနေသော ယနေ့ခေတ်၏ စိုက်ပျိုးရေးကဏ္ဍတွင် ဓာတုဆေးများ ဖြစ်သော ပိုးသတ်ဆေး၊ ပေါင်းသတ်ဆေး၊ မှိုသတ်ဆေး၊ ဘက်တီးရီးယားသတ်ဆေး၊ နီမတုတ် သတ်ဆေး၊ ဓာတုဓာတ်မြေသြဇာများ၊ ဟော်မုန်းများ စသည့်တို့ကို တွင်ကျယ်စွာအသုံးပြု လာကြပါသည်။ ထိုသို့တွင်ကျယ်စွာအသုံးပြုလာသောကြောင့် ဓာတုဆေးများ၏ အကျိုးသက် ရောက်မှုများကိုလည်း ဆိုးရွားစွာခံစားနေကြရပါသည်။ တောင်သူဦးကြီးတို့ဘက်မှ ပြန်ကြည့် လျှင်လည်း ထိုဓာတုဆေးများကို အသုံးမပြုလျှင်လည်း သီးနှံအထွက်နှုန်းများ ကျဆင်းလာ ကာ အရှုံးပေါ်လာနိုင်ပါသည်။ ထို့ကြောင့် ဦးကြီးတို့အနေနှင့် ထိုဓာတုဆေးများကို မည်ကဲ့သို့ အသုံးပြုမည်နည်း?။

စိုက်ပျိုးရေးဆိုသည်မှာ သစ်ပင်များစိုက်ပျိုးခြင်းတစ်ခုတည်းမဟုတ်ဘဲ မွေးမြူရေး ရောတွဲဖက်လုပ်ကိုင်ခြင်းဖြစ်ပါသည်။ မွေးမြူရေးလုပ်ငန်းများမှ ဝင်ငွေရရှိရုံသာမက တရိစ္ဆာန်များမှ ရရှိသောအညစ်အကြေးများဖြစ်သော နွားချေး၊ မြင်းချေး၊ ကျွဲချေး၊ ဝက်ချေး၊ ကြက်ချေးစသည့်တို့ကို စိုက်ခင်းများထဲသို့ ပြန်လည်ထည့်သွင်းပေးခြင်းအားဖြင့် ဓာတု ဓာတ်မြေသြဇာများသုံးစွဲခြင်းကို လျှော့ချနိုင်ပါသည်။ ထို့အပြင် သီးနှံအကြွင်းကျန်များ၊ သစ်ရွက်အမှိုက်များ၊ မီးဖိုချောင်မှဆွေးမြေ့စေသော ပစ္စည်းများ၊ ပေါင်းမြတ်များကို စနစ်တကျ ဆွေးမြေ့စေပြီး စိုက်ခင်းထဲသို့ ပြန်လည်ထည့်သွင်းနိုင်ပါသည်။ ထို့ကြောင့် ဓာတုဓာတ် မြေသြဇာများကို လိုအပ်မှသာ သုံးစွဲသင့်ပါသည်။ သုံးစွဲလျှင်လည်း စနစ်တကျ နှုန်းထား မှန်ကန်စွာဖြင့် ထည့်သွင်းအသုံးပြုသင့်ပါသည်။

စိုက်ပျိုးရေးကဏ္ဍတွင် အန္တရာယ်များသော ပေါင်းသတ်ဆေးများသည်လည်း တောင်သူဦးကြီးတို့အတွက် အရေးကြီးသော အရာတစ်ခုဖြစ်လာပါသည်။ မြန်မာနိုင်ငံမှ အခြားနိုင်ငံများသို့ ပြောင်းရွှေ့လုပ်ကိုင်သော လုပ်သားများ ပေါများလာပြီး စိုက်ပျိုးရေးကဏ္ဍ အတွက်လုပ်သားများ ရှားပါးလာသောကြောင့် အချိန်ကုန်သက်သာပြီး ပေါင်းများအလွယ်တကူ နှိမ်နင်းနိုင်သော ပေါင်းသတ်ဆေးများကို အသုံးပြုမှုများလာကြပါသည်။ ပေါင်းသတ်ဆေးများ၏ အန္တရာယ်ကို ဦးကြီးတို့သိနှင့်ပြီးသားဖြစ်မှာပါ။ သိသော်လည်း ဦးကြီးတို့မှာ လုပ်သားများခေါ်မရသောကြောင့် စိုက်ပျိုးစရိတ်များနှင့် ကာမိအောင် ပေါင်းသတ်ဆေး များကို အသုံးပြုနေကြရပါသည်။ ထို့ကြောင့် ဦးကြီးတို့အနေနှင့် ပေါင်းများနှိမ်နင်းရာတွင် တတ်နိုင်သမျှလုပ်သားများဖြင့် နှိမ်နင်းပြီး ပေါင်းသတ်ဆေးများကို လိုအပ်မှသာ အသုံးပြုသင့်ပါသည်။ ပေါင်းသတ်ဆေးများ အသုံးပြုရာတွင်လည်း ဆေးအညွှန်အတိုင်း တိကျသေချာစွာ အသုံးပြုပြီး စနစ်တကျကိုင်တွယ်အသုံးပြုသင့်ပါသည်။

ယနေ့ခေတ်တောင်သူဦးကြီးတို့သည် ပိုးမွှားရောဂါများ နှိမ်နင်းရာတွင် စျေးကွက်တွင် အလွယ်တကူဝယ်ယူရရှိသော ဆေးများကို ဝယ်ယူအသုံးပြုကြပါသည်။ ထိုဆေးများအသုံး ပြုမှုများသောကြောင့် ပြည်ပဈေးကွက်မရရှိဘဲ နယ်စပ်ဂိတ်များမှ လှည့်ပြန်လာရသော သီးနှံတင်ကုန်ကားများ များစွာတွေ့နေရပါသည်။ ထို့ကြောင့် ဦးကြီးတို့အနေနှင့် ပထဦးဆုံး သဘာဝပိုးသတ်ဆေးများဖြစ်သော တမာပိုးသတ်ဆေးများ၊ ဆေးရွက်ကြီးများဖြင့်ပြုလုပ်သော ပိုးသတ်ဆေးများ စသောဆေးများကို ပြုလုပ်၍ ကာကွယ်နှိမ်နင်းပြီး လိုအပ်မှသာ ဓာတုပိုးသတ်ဆေးများကို အသုံးပြုသင့်ပါသည််။

သဘာဝပိုးသတ်ဆေးများအသုံးပြုရာတွင် သတိထားရမည်မှာ သဘာဝပိုးသတ်ဆေးများသည် ဓာတုပိုးသတ်ဆေးများကဲ့သို့ ပိုးမွှားများကို ဖျန်းလိုက်သောအခါ ချက်ချင်းမသေဘဲ ပိုးမွှားများ၏ ဇီဝကမ္မဖြစ်စဥ်များ ပျက်သွားကာ တဖြည်းဖြည်းသေသွားပါသည်။ ထို့အပြင် ပိုးမွှားများနှိမ်နင်းရာတွင် သက်ရှိကို သက်ရှိဖြင့်ကာကွယ်နှိမ်နင်းနည်းလမ်းကိုလည်း အသုံးပြုနိုင်ပါသည်။ ပိုးမွှားများ ကာကွယ်နှိမ်နင်းရာတွင် အကောင်းဆုံးနည်းလမ်းမှာ ဘက်ပေါင်းစုံကာကွယ်နှိမ်နင်းနည်း ဖြစ်ပါသည်။

ထို့ကြောင့် တောင်သူဦးကြီးတို့ကို ဓာတုဆေးများ လုံးဝအသုံးမပြုပါနှင့်ဟုတော့ မတိုက်တွန်းလိုတော့ပါ။ စိုက်ပျိုးရေးကဏ္ဍတွင် ဓာတုဆေးများကို တတ်နိုင်သမျှ လျှော့သုံး၍ သဘာဝမှရရှိသော မြေသြဇာများ၊ ပိုးသတ်ဆေးများကို တွင်ကျယ်စွာအသုံးပြုသင့်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...