မာယာများတဲ့ နတ်သမီးထောင်ချောက် အပင်

အင်္ဂလိပ်အမည် - Venus Fly Trap

သိပ္ပံအမည် - Dionaea muscipula

နတ်သမီးထောင်ချောက် အပင်ကိုတော့ တော်တော်များများမြင်ဖူးကြမှာပါ။ အမေရိက နဲ့ အမေဇုန်သစ်တောထဲမှာ အများဆုံးတွေ့ရတာဖြစ်ပြီး ယင်ကောင်ဖမ်းပင် (သို့မဟုတ်) နတ်သမီးထောင်ချောက်ပင်လို့လည်း ခေါ်ကြပါတယ်။ ဒီအပင်တွေကို အမေရိကန်ရဲ့ အရှေ့ဘက်ကမ်းရိုးတန်း စွတ်စိုတဲ့ ဒေသတွေမှာလည်း တွေ့ရလေ့ရှိပါတယ်။ ယနေ့အခါမှာတော့ နေရာဒေသ အသီးသီးမှာ အလှစိုက်ပင်အနေနဲ့ အိမ်တွေမှာပါ စိုက်ပျိုးနေကြပြီဖြစ်ပါတယ်။

နတ်သမီးထောင်ချောက် အပင်တွေဟာ စိုထိုင်းဆများပြီး အက်စစ်ဓာတ်များတဲ့ မြေအမျိုးအစားကို ကြိုက်နှစ်သက်ကြပါတယ်။ ဒါကြောင့်သူတို့ကို စိုစွတ်ပြီး အုံ့အုံ့ဆိုင်းဆိုင်းရှိတဲ့ တောတွေထဲမှာ အများဆုံးတွေ့ရတာ ဖြစ်ပါတယ်။ စိုထိုင်းဆများတာကို ကြိုက်နှစ်သက်သလို ပန်းပွင့်နိုင်ဖို့အတွက်လည်း နေရောင်ခြည် ကောင်းကောင်းရရှိဖို့လည်း လိုအပ်ပါတယ်။

နတ်သမီးထောင်ချောက်အပင်ဟာ ၎င်းရှင်သန်ကြီးထွားရာ နေရာကနေ ဘေးပတ်လည် အချင်းအားဖြင့် ၅ လက်မ ဝန်းကျင်အထိ ဖြန့်ကျက်ပေါက်ရောက်နိုင်ပါတယ်။ အပင်တစ်ပင်မှာ ယေဘူယျအားဖြင့် ပင်စည် ၆ ခုအထိ ရှိပြီး ပင်စည်ရဲ့ ထိပ်ပိုင်းမှာ အရွက်တွေပါရှိပါတယ်။ အရွက်ရဲ့ အနားသတ်တွေမှာ သွားပုံစံ အချောင်းများပါရှိပါတယ်။ သားကောင်လာလို့ အရွက်တွေပိတ်လိုက်တဲ့အခါ သွားပုံစံအချောင်းတွေ ရှိနေတဲ့အတွက် ထောင်ချောက်ကဲ့သို့ ဖြစ်သွားတာ ဖြစ်ပါတယ်။

၎င်းအပင်တွေမှာ ပါရှိတဲ့ ပါးစပ်ပုံသဏ္ဍာန်အရွက် ၂ ခုဟာ သားကောင်ကိုအာရုံခံနိုင်ပါတယ်။ ထို့အပြင် သွားပုံသဏ္ဍာန်အစိတ်အပိုင်းများပါရှိပြီး ၎င်းတို့ဟာသားကောင်ကို ပြန်မထွက်နိုင်အောင် တားဆီးပေးပါတယ်။ အပင်ရဲ့ အစာချေခြင်း လုပ်ငန်းဟာ အများအားဖြင့် ၁၀ရက် ခန့်ကြာပါတယ်။ သူ့အမြစ်တွေဟာ မြေကြီးမှအာဟာရကို လုံလောက်အောင် မစုပ်ယူနိုင်တာကြောင့် သူအသက်ရှင် ရပ်တည်ရေးအတွက် အင်းဆက်များကို စားသောက်ရခြင်းဖြစ်ပါတယ်။ အပင်ရဲ့ ပုံသဏ္ဍာန်ဟာ လှပသလို အနံ့ကလည်း ဆွဲဆောင်မှုရှိတာကြောင့် အဆင်းအနံ့တွေနဲ့ ယင်ကောင်အပါအဝင် အင်းဆက်တွေကို ဆွဲဆောင်ပြီး လာနားတဲ့အခါမှာတော့ ဟထားတဲ့ အရွက်နှစ်ရွက်နဲ့ ဖမ်းအုပ်ပြီး စားသောက်ပစ်လိုက်တာ ဖြစ်ပါတယ်။

အိမ်မှာ အလှစိုက်အပင်အနေနဲ့ စိုက်မယ်ဆိုရင်တော့ ရေလောင်ပေးဖို့ လိုအပ်ပါတယ်။ ရေလောင်းရာမှာ သတိထားရမယ့်အချက်ရှိပါတယ်။ တွင်းရေလောင်းခြင်းကို အားမပေးပါဘူး။ ဘာလို့လဲဆိုတော့ တွင်းရေထဲမှာ သတ္တုဓာတ်နဲ့ ဓာတုဓာတ်အချို့ ပါဝင်တဲ့ အတွက် အပင်ကို ထိခိုက်နိုင်လို့ ဖြစ်ပါတယ်။ ထို့ကြောင့် မိုးရေ (သို့မဟုတ်) သန့်စင်တဲ့ ရေလောင်းပေးဖို့ လိုအပ်ပါတယ်။ အိမ်မှာစိုက်မယ်ဆိုရင် အပင်စိုက်ပျိုးမယ့် ပတ်ဝန်းကျင်ဟာလည်း အထက်မှာ ဖော်ပြခဲ့သလို စိုထိုင်းဆ များတဲ့ ပတ်ဝန်းကျင်မျိုး ဖြစ်ရပါမယ်။ စိုထိုင်းဆ ၆၀ ရာခိုင်နှုန်းရှိရမှာ ဖြစ်ပြီး နေ့အပူချိန်ဟာလည်း ၂၁ ဒီဂရီ စင်တီဂရိတ် နဲ့ ၂၃ ဒီဂရီ စင်တီဂရိတ်ရှိရမှာ ဖြစ်ပါတယ်။ နတ်သမီးထောင်ချောက် အပင်ဟာ နေ့ရော ညပါ အေးတဲ့အခြေအနေကို ကြိုက်နှစ်သက်ခြင်းမရှိတဲ့ အပင်ဖြစ်ပါတယ်။

နတ်သမီးထောင်ချောက်အပင်တွေကို ဘာမြေသြဇာမှ ကျွေးစရာမလိုပါဘူး။ စိုစွတ်တဲ့ ပတ်ဝန်းကျင်တစ်ခုရှိနေမယ်ဆိုရင် မြေဆီသြဇာနည်းတဲ့ မြေတွေမှာတောင် ရှင်သန်ကြီးထွားနိုင်ကြပါတယ်။ ဒီအပင်ဟာ သူရှင်သန်ကြီးထွားနိုင်ဖို့ အာဟာရအနေနဲ့ မြေသြဇာအစား အင်းဆက်တွေသာ လိုအပ်တာဖြစ်ပါတယ်။

အပင်ဟာ အင်းဆက်တွေကို ဖမ်းယူစားသောက်ပေမယ့် သူကိုထိခိုက်စေတဲ့ အင်းဆက်ပိုးတွေလည်း ရှိပါတယ်။ ပျ၊ ကြမ်းပိုး၊ ခရု၊ ပက်ကျိ စတဲ့ အကောင်တွေဟာလည်း တစ်ခါတစ်ရံ အပင်ကို ပျက်စီးစေတတ်ပါတယ်။ နွေဦးနဲ့ ဆောင်းဦးလို အချိန်အခါမျိုးတွေမှာ ဆိုရင်တော့ မှိုရောဂါတစ်ချို့ကျရောက် တတ်တာလည်း ရှိတာကြောင့် သတိပြုရမှာ ဖြစ်ပါတယ်။

နတ်သမီးထောင်ချောက်အပင်တွေဟာလည်း အခြားအပင်တွေလိုပဲ မျိုးပွားကြပါတယ်။ သူတို့ဟာပန်းပွင့်ပြီး ရက်သတ္တပတ် ၄ ပတ်ကနေ ၆ ပတ် အကြာမှာ အစေ့များရင့်မှည့်လာပြီး အမည်းရောင်ပြောင်းကာ သစ်တော်သီး ပုံစံဖြစ်လာပါတယ်။ အဲ့ဒီနောက်မှာတော့ အစေ့များမှ တစ်ဆင့် အပင်အသစ်များ ပွားများပေါက်ရောက်လာမှာ ဖြစ်ပါတယ်။ စာဖတ်သူအနေနဲ့ အပင်သစ်တစ်ပင်လိုချင်တယ် ဒါမှမဟုတ် စိုက်ပျိုးချင်တယ်ဆိုရင်တော့ မျိုးစေ့ကနေရလာမယ့် အပင်ထက် အနီးအနားမှာ ရှိနေတဲ့ ပျိုးခြံ (သို့မဟုတ်) အွန်လိုင်းကနေပဲ မှာယူဖို့ အကြံပေးပါရစေ။ နတ်သမီးထောင်ချောက်လို အသားစားပင်တွေကို မျိုးစေ့ကနေ အပင်သစ်ရရှိဖို့ လုပ်ဆောင်ရတာဟာ ငြီးငွေ့ဖွယ်ကောင်းအောင် စောင့်ရမှာဖြစ်သလို အနီးကပ်ပြုစု စောင့်ရှောက်မှုလည်းလိုအပ်ပြီး အပင်ရရှိမှုဟာလည်း ရာခိုင်နှုန်းအတော်လေး နည်းလို့ဖြစ်ပါတယ်။

ဒါပေမယ့် နတ်သမီးထောင်ချောက် အပင်တွေဟာ လိင်မဲ့ နည်းနဲ့လည်း မျိုးပွားနိုင်ကြပါသေးတယ်။ အပင်ရဲ့ အမြစ်တွေဟာ မြေအောက်မှာ ဖြန့်ကျက်ကြီးထွားနိုင်ပြီး မြေအောက်ပင်စည် (ဥ) မှ တစ်ဆင့် အပင်အသစ်တစ်ပင် ထပ်မံထွက်လာနိုင်တာပဲ ဖြစ်ပါတယ်။ ထို့ကြောင့် စိုက်ပျိုးတဲ့ သူတွေအနေနဲ့ ထွက်လာတဲ့ အပင်အသစ်နဲ့ မြေအောက်ပင်စည် (ဥ) ကို မူလ မိခင်အပင်မှ ဖြတ်ယူပြီး စိုက်ပျိုးပွားများနိုင်တာပဲ ဖြစ်ပါတယ်။ ဒါကြောင့် မိမိအိမ်မှာ အလှစိုက်မယ်ဆိုရင်တော့ တမူထူးခြားတဲ့ နတ်သမီး ထောင်ချောက်လို အပင်လေးတွေလည်း တစ်နိုင်တစ်ပိုင် စိုက်ကြည့်ဖို့ အကြံပြုလိုက်ပါတယ်နော်။

ဇင်ထူးနိုင်

ကိုးကားချက်

https://www.thutazone.net/2019/03/22/

https://www.livescience.com/58021-venus-flytrap-facts.html

gardeningchannel.com

ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ အသုံးဝင်ပါတယ်/အသုံးမဝင်ပါ ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...