တစ်ပတ်အတွင်း သတင်း၊ ဆောင်းပါးများထဲက ရင်ကိုထိရှစေသည့်အကြောင်းများ

Green Way အနေဖြင့် ဗဟုသုတပေး၊ အသိပညာပေး၊ နည်းပညာပေး ဆောင်းပါး၊ သတင်းများကို နေ့စဉ် အခမဲ့ တင်ဆက်ပေးနေပါသည်။ အဲ့ဒီအထဲကမှ ပြီးခဲ့သည့်တစ်ပတ်အတွင်း တင်ဆက်ခဲ့သည် များထဲက စိတ်ဝင်စားစရာအချက်များ၊ ရင်ကိုထိစေသည့် အကြောင်းများကို ယခုတစ်ပတ်မှစ၍ အပတ်စဉ် ကောက်နုတ်ဖော်ပြပေးသွားရန် ရည်ရွယ်ထားပါသည်။

ပထမဆုံးတစ်ပုဒ်အနေဖြင့် စပါးစိုက်တောင်သူများအကြား ရိုက်ခတ်မှုကြီးမားခဲ့သည့် သတင်းနောက် ဆက်တွဲတစ်ခုကို ပြောချင်သည်။

အဖျင်း၊ အမှော်၊ ဖုန်၊ သဲ၊ ခဲ ကင်းစင်ပြီး အရည်အသွေးဆိုင်ရာ သတ်မှတ်စံချိန်စံညွှန်းများနှင့် ကိုက်ညီ သည့် ၄၆ ပေါင်ကိုက် စပါးတင်း ၁၀၀ ၏ အခြေခံရည်ညွှန်းစပါးဈေးအဖြစ် ၆၃၀၀၀၀ ကျပ် သတ်မှတ် ကြောင်း ဆိုပြီး နိုဝင်ဘာ ၁၁ ရက် ရက်စွဲဖြင့် တောင်သူလယ်သမားအခွင့်အရေးကာကွယ်ရေးနှင့် အကျိုးစီးပွား မြှင့်တင်ရေးဦးဆောင်အဖွဲ့က ထုတ်ပြန်လိုက်သည့် ထုတ်ပြန်ချက်နှင့်ပတ်သက်ပြီး တောင်သူများအကြား အတော်လေး လှုပ်ခတ်မှုဖြစ်သွားခဲ့သည်။

ယခုရည်ညွှန်းဈေးသည် လက်ရှိ ပြင်ပစပါးပေါက်ဈေးနှင့်ယှဉ်ပါက နှစ်ဆခန့်လျော့နေသည်။ အထွေထွေသွင်းအားစုကုန်ကျစရိတ်နှင့် နှိုင်းယှဉ်လျှင်လည်း သေချာပေါက်အရှုံးပြနိုင်သည်။ လာမည့် နွေစပါးစိုက်ရာသီအတွက် တစ်ဧကကုန်ကျစရိတ်မှာပင် ကျပ် ၇ သိန်းအထက်လောက် ရှိနိုင်သည်ဟု တောင်သူများက ထောက်ပြဝေဖန်ကြသည်။ ယခုသတ်မှတ်ဈေးကြောင့် ဈေးနှိမ်ဝယ်ယူမှုများ ရှိလာမည်ကို တောင်သူများက စိုးရိမ်ကြခြင်းဖြစ်သည်။

သို့သော် ယခုသတ်မှတ်ရည်ညွှန်းဈေးသည် လက်ရှိပြင်ပစပါးပေါက်စျေးအပေါ်တော့ သက်ရောက်မှုမရှိဘဲ စပါးစျေးက ကျမသွားသည့်အပြင် တက်ပင်လာသေးသည်ဟု AMIA က ပေးပို့လာသည့်သတင်း တွင်ဖော်ပြထားသည်။ စပါးပေါ်ချိန်ဖြစ်နေသော်လည်း ဝယ်လှောင်လိုသူများပြားမှုကြောင့် ဈေးက အကျမရှိခြင်းဖြစ်သည်ဟုလည်း သတင်းအချို့တွင် တွေ့ရသည်။ လက်ရှိငွေကြေးဈေး၊ ကုန်ကျ စရိတ်များကြောင့် ယခုသတ်မှတ်လိုက်သည့် ရည်ညွှန်းဈေးကို စိုးရိမ်မှု မရှိကြရန်နှင့် ဈေးဆက်တက်ဖို့ အလားအလာပင် ရှိသည်ဟု ကုန်သည်ကြီးများက သုံးသပ်ကြသည်ဟုလည်း သတင်းတွင် ဆိုထားသည်။

ဆိုတော့ တောင်သူများအတွက်တော့ တော်ပါသေးရဲ့ဟု ခဏတာဟင်းချနိုင်မည့်သတင်းမျိုးဖြစ်သည်။ နိုင်ငံ၏အဓိကကျောရိုးများဖြစ်သည့် တောင်သူများဆက်လက် ဟင်းချနိုင်ပါစေဟု ဆုတောင်းပါသည်။ မူရင်းသတင်းကို အောက်ပါလင့်တွင် ဖတ်ရှုနိုင်ပါသည်။

https://bit.ly/3VdlB8k

နောက်ထပ် စိတ်ဝင်စားစရာဟုတော့ မဆိုချင်ပေမယ့် သတိထားသင့်သည့် သတင်းတွေကတော့ နိုင်ငံတကာ မိုးလေဝသအခြေအနေများကို စောင့်ကြည့်ခန့်မှန်းပေးနေသူ ဦးဝင်းနိုင်ခန့်မှန်းပေးနေသည့် မိုးလေဝသသတင်းများဖြစ်သည်။ သိကြသည့်အတိုင်း ပြီးခဲ့သည့်တစ်ပတ်အတွင်း ဘင်္ဂလားပင်လယ် အော်ထဲက လေဖိအားနည်းရပ်ဝန်းအရှိန်ကြောင့် ဒေသအချို့မှာ အချိန်အခါမဟုတ် မိုးရွာသွန်းမှုတွေ ကြုံခဲ့ရသည်။ စပါးအချို့ သိမ်းနေကြသေးချိန်ဖြစ်သလို ဆောင်းသီးနှံစိုက်ချိန်လည်း ဖြစ်နေသည့် အတွက် အပျက်အစီး၊ အထိအခိုက်အချို့ရှိခဲ့နိုင်ပါသည်။

အဆိုပါလေဖိအားနည်းရပ်ဝန်းမှာ အစွန်အဖျားသာ သက်ရောက်မှုရှိခဲ့ခြင်းဖြစ်၍ တော်သေးသည်။ သို့သော် ယခုလက်ရှိ တောင်တရုတ်ပင်လယ်တွင်ဖြစ်နေသော Invest 97W ကတော့ ပြဿနာရှိသည်။ သူက ထိုင်းပင်လယ်ကွေ့ကနေတဆင့် မြန်မာနိုင်ငံတောင်ဖျားပိုင်းကို ဖြတ်ဝင်ပြီး ကပ္ပလီပင်လယ်ထဲသို့ ရောက်မည်။ ဆိုတော့ သက်ရောက်မှုကပိုကြီးနိုင်သည်ဟု ဆရာဦးဝင်းနိုင်က ခန့်မှန်းထားသည်။ မိုးက လည်း ဒေသအနည်းငယ်ကလွဲ၍ အများအပြားတွင် ရွာနိုင်သည်။ လေပါပါလာနိုင်သည့် အနေအထား ရှိသည်ဟုလည်း ဦးဝင်းနိုင်က ခန့်မှန်းသည်။

ဆိုတော့ အချိန်အခါမဟုတ် မိုးဖြစ်၍ တောင်သူအများစုအတွက်တော့ မင်္ဂလာမိုးမဖြစ်နိုင်။ သတိထား ပြီး ဆက်တိုက်စောင့်ကြည့်သင့်၊ ပြင်ဆင်နိုင်သည်များကို ပြင်ဆင်ထားသင့်ပါကြောင်း တိုက်တွန်းလို ပါသည်။ Green Way အနေဖြင့်လည်း နောက်ဆက်တွဲအခြေအနေများကို ဆက်တိုက်ဖော်ပြပေးသွားပါမည်။

မူရင်းသတင်းကို အောက်ပါလင့်တွင် ဖတ်ရှုနိုင်ပါသည်။

https://bit.ly/3TSab8R

မိုးလေဝသနှင့် ဆက်စပ်ပြီး ကိုဝေယံဟိန်း (B.Ag) ဘာသာပြန်ထားသည့် နိုင်ငံတကာသတင်းတစ်ပုဒ်ကို ဆက်ညွှန်းရင်း နိဂုံးချုပ်ပါရစေ။ ခေါင်းစဉ်က ‘အပြောင်းလဲကြီး ပြောင်းလဲလာနေတဲ့ မုတ်သုံရာသီ’ တဲ့။

The New York Times ဆောင်းပါးလို့ဆိုလိုက်သည်နှင့် အနှစ်ပါသည့်ဆောင်းပါးမျိုးဖြစ်မည်ဆိုသည် ကို နိုင်ငံတကာသတင်း လေ့လာသူများ သဘောပေါက်ကြပါသည်။ ခေါင်းစဉ်ပါအတိုင်းပင်။ သတင်းကောင်းမျိုးတော့မဟုတ်။ ရာသီဥတုဖောက်ပြန်နေခြင်းအကြောင်း။ လူတိုင်းလက်မခံချင်သည့် အမှန်တရားတစ်ခု။

ဆောင်းပါးထဲက စာပိုဒ်လေးတစ်ပိုဒ်ကို ကောက်နုတ်တင်ပြပါရစေ။

‘ ယခုတော့ ဖောက်ပြန်လာတဲ့ ရာသီဥတုကြောင့် တောင်အာရှဒေသတစ်ဝန်းမှာ မုတ်သုံ မမှန်တော့၊ စိတ်ချလို့မရတော့တဲ့အပြင် အန္တရာယ်ပါ ရှိလာပါတယ်။ ရွာချင်ရင် ဝရုန်းသုန်းကား ရွာချပြီး ခေါင်ချင်ရင်လည်း အကြာကြီး ခေါင်နေတတ်ပါတယ်။ ကမ္ဘာ့လူဦးရေရဲ့ လေးပုံတစ်ပုံနီးပါး မှီတင်းနေထိုင်ရာ ဒီ‌ဒေသကြီးအတွက် ကြုံလာရတဲ့ ဆိုးကျိုးတွေဟာ အင်မတန်မှ ပြင်းထန်လှပါတယ်’

ကဲ ဘယ်လိုလုပ်ကြပါမလဲ။ ပြီးခဲ့သည့်မုတ်သုံကာလအတွင်း ကျွန်တော်တို့နိုင်ငံအနေဖြင့် ကြီးကြီး မားမား ရာသီဥတုဒဏ်ခံရခြင်းတော့ မရှိခဲ့ပါ။ တခြားဒဏ်တွေတော့ ခံနေကြရသည်ပေါ့။ သို့သော် ကျွန် တော်တို့အိမ်နီးချင်း အိန္ဒိယကတော့ မိုးခေါင်တာကော၊ ရေကြီးတာကော ခံလိုက်ရသည်။ ထိုင်းတွင် လည်း ရေကြီးဒဏ်ခံရသည်။ ပါကစ္စတန်ကတော့ ရေဘေးအတော်သင့်သည်။ လူပေါင်းများစွာ သေဆုံး ခဲ့ရသည်။ မြှုပ်စရာသင်္ချိုင်းတွေတောင် ရေမြုပ်ကုန်လို့ သေရေးပင်ခက်ခဲခဲ့ရသည့်အခြေအနေဖြစ်ခဲ့ရပါသည်တဲ့။

ဆိုတော့ ဘယ်လိုတွေဖောက်ပြန်လာသလဲ ဆိုတာ ဒီဆောင်းပါးကို ဖတ်ကြည့်နိုင်သည်။ အပိုင်း (၁) သာ ရှိပါသေးသည်။ နောက်ထပ်တွေမှာလည်း မုတ်သုံဟာ ဘယ်လိုအပြောင်းလဲကြီး ပြောင်းလဲနေသလဲ ဆိုတဲ့ စိတ်ဝင်စားစရာတွေကို ဆက်စောင့်ဖတ်ကြည့်ကြဖို့ ညွှန်းဆိုလိုပါသည်။ ဆောင်းပါးအပြည့်အစုံကို အောက်ပါလင့်တွင် ဖတ်နိုင်ပါသည်။

https://bit.ly/3Gw1SfG

ဒီတစ်ပတ်တော့ ပြောစရာ နည်းနည်းများသွား၍ စာရှည်သွားခြင်းကို သည်းခံကြပါကုန်။ နောက် တစ်ပတ်တွေမှာလည်း စိတ်ဝင်စားစရာ၊ လေ့လာသင့်စရာ သတင်းဆောင်းပါးကောင်းတွေကို ညွှန်းပေး သွားပါဦးမည်။ ကျေးဇူးတင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

တစ်ပတ်အတွင်း သတင်း၊ ဆောင်းပါးများထဲက ရင်ကိုထိရှစေသည့်အကြောင်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

တစ်ပတ်အတွင်း သတင်း၊ ဆောင်းပါးများထဲက ရင်ကိုထိရှစေသည့်အကြောင်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဘဝဆိုတာ လွယ်ကူပါတယ်။ ဘာကြောင့် ခက်ခဲအောင်လုပ်နေကြမှာလဲ။

အတွေးထဲက Agricultural Mobile Clinic (AMC)

ဦးဝင်းမျိုးသူ ပြောတဲ့ GMO အကြောင်း (FACEBOOK မှ ကူးယူဖော်ပြသည်)

{{ post.title }}