ဆောင်းပိုးနွေမြက် ပိုးဆေးနွယ်ပင် ရှီးပဒီး

    ရှီးပဒီးဆိုသည်မှာ အပင်နှင့်သတ္တဝါပေါင်းစပ်ထားသော ဆေးဖက်ဝင်ရတနာတစ်ပါးဖြစ်ပါသည်။ ဆောင်းတွင်းဘက်တွင် ပိုးကောင်လေးအဖြစ်ရှိနေတတ်ပြီး နွေရာသီတွင် အပင်လေးအဖြစ်ရှိနေတတ်သောကြောင့် ဆောင်းပိုးနွေမြက်ဟု တင်စားခေါ်ဝေါ်ကြသည်ဟု မှတ်သားဖူးပါသည်။ ရှီးပဒီးများသည် အမြင့်ပေ တစ်သောင်းကျော်ခန့်တွင် ပေါက်ရောက်လေ့ရှိပါသည်။ ရှီးပဒီး၏ သိပ္ပံအမည်မှာ Cordyceps sinesis ဖြစ်ပါသည်။ ရှီးပဒီးးများကို ဟိမဝန္တာတောင်တန်းဒေသများဖြစ်သော တရုတ်၊ တိဗက်၊ နီပေါ၊ ဘူတန်နှင့် မြန်မာနိုင်ငံမြောက်ဖျားပိုင်း ရေခဲတောင်ဒေသများတွင် တွေ့မြင်ရပါသည်။

ရှီးပဒီးဖြစ်ပေါ်လာပုံ

    အမြင့်ပေ‌တစ်သောင်းကျော်ခန့်တွင် ရှင်သန်ကြသောဖလံများသည် မြေကြီးထဲတွင် ဥများကိုဥချခဲ့ပါသည်။ အကောင်ပေါက်လာသော ပိုးလုံးတုံးလေးများသည် ဖလံအဆင့်မရောက်ခင် မြေထဲတွင် နေထိုင်ကျက်စားကြပါသည်။ ထို့နောက် မိုးအကုန် ဆောင်းအကူးတွင် မှိုရောဂါတစ်မျိုးကူးစက်ခံရပြီးနောက် မြေကြီးထဲသို့ တိုးဝင်ကာ သေဆုံးသွားကြပါသည်။ သို့သော်လည်း မှို၏အာနိသင်ကြောင့် မပုပ်ဘဲ ခြောက်သွားကာ နွေရာသီတွင် မှိုမှအညှောင့်ထွက်လာပြီး မြေပေါ်ရောက်ကာ ရှီးပဒီးအဖြစ်သို့ ရောက်ရှိလာရပါသည်။ 

ဆေးဖက်ဝင်ပုံ

• ရှီးပဒီးတွင် ပရိုတင်း၊ ကာဘိုဟိုက်ဒြိတ်၊ ဗီတာမင်နှင့် သတ္တုဓာတ်များစွာပါဝင်ပါသည်။ 
• ရှီးပဒီးသည် အဓိကအားဖြင့် သက်လုံအားကောင်းစေပါသည်။ 
• ပန်းနာရင်ကြပ်လူနာများအတွက် အထူးပင်သင့်လျော်ပါသည်။ 
• ထို့ပြင် ရှီးပဒီးစားသုံးထားသူများသည် ပုံမှန်လူများထက် အောက်စီဂျင်ရယူမှု လျော့နည်းသွားစေပါသည်။ အဆုတ်နှင့် အသက်ရှူလမ်းကြောင်းများအတွက် အထူးပင်ကောင်းမွန်စေပါသည်။ ထို့ပြင် anti oxidants များပါဝင်သဖြင့် အရွယ်တင်နုပျိုစေပြီး အိုမင်းရင့်ရော်ခြင်းများကိုလည်း တားဆီးစေနိုင်ပါသည်။ 
• သွေးတွင်းအဆီများကိုလည်း လျော့ကျစေနိုင်ပါသည်။ 
• ကျောက်ကပ်နှင့် ဆီးလမ်းကြောင်းကိုလည်း ကောင်းမွန်စေပြီး ကျောက်ကပ်ကိုလည်း သန့်စင်စေနိုင်ပါသည်။ 
• နှလုံးနှင့် သွေးကြောရောဂါများအတွက်လည်း ရှီးပဒီးကို မှီဝဲနိုင်ပါသည်။ 
• ဆီးချို သွေးချိုရောဂါများကိုလည်း သက်သာစေနိုင်ပါသည်။ 
• ထို့ပြင် သွေးဖြူဥကိုလည်း တိုးစေနိုင်ပါသည်။ ကင်ဆာရောဂါသည်များအတွက်လည်း ဖြည့်စွက်စာအဖြစ် မှီဝဲနိုင်ပါသည်။ 
• ဖိုမကျန်းမာရေးပြသနာများအတွက် အထောက်အကူပြုကာ အိမ်ထောင်ရေးသုခကိုလည်း ပြည့်စုံစေပါသည်။

အသုံးပြုပုံ

    ရှီးပဒီးကောင်လေးများကို ရေနွေးပူပူဖြင့်စိမ်၍ သောက်သုံးနိုင်ပါသည်။ အရက်နှင့်စိမ်၍လည်း ဆေးအဖြစ် သောက်သုံးနိုင်ပါသည်။ ပျားရည်နှင့်စိမ်၍လည်း သောက်သုံးနိုင်ပါသည်။ ထို့ပြင်ဟင်းလျာထဲများတွင်လည်း ထည့်၍ချက်ပြုတ်နိုင်ပါသည်။ ကြက်ပေါင်းထဲတွင် ထည့်၍ သောက်သုံးခြင်းဖြင့်လည်း နာလန်ထူစလူနာများကိုလည်းကိုယ်ခံအား‌ကောင်းမွန်စေပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်