မြေပဲရိတ်သိမ်းချိန်တွင်ကူးစက်မှုများသည့် အာလ်ဖာတောက်စင်

   မြေပဲတွင်ဖြစ်ပွားတတ်သော အာလ်ဖာတောက်စင်ဆိုသည်မှာ အယ်စပါဂျီးလက် မှိုများမှထုပ်လုပ်သော မှိုဆိပ်ဖြစ်သည်။ အစားအစာများတွင်အတွေ့များသော မှိုဆိပ်ဖြစ်သည်။ အာလ်ဖာတောက်စင် B1, M1, G1 သုံးမျိုးဟာ လူနဲ့ တိရစ္ဆာန် ၂ မျိုးလုံးတွင် ကင်ဆာရောဂါများကို ဖြစ်စေသည်။ 

   စိုက်ခင်းနှင့် ရိတ်သိမ်းသိုလှောင်သည့် နေရာများတွင်ပါ ကူးစက်မှုများကို တွေ့ရသည်။ ရာသီဥတုအခြေအနေ၊ အပင်များအား ငှက်၊ ထွန်၊ ထယ်တို့နှင့် ထိခိုက်မှု၊ ညံ့ဖျင်းသော သီးနှံကိုင်တွယ်မှု၊ မြေအနေအထားများသည် ဤမှိုဆိပ်ဖြစ်ပေါ်မှု အပေါ်တွင် လွှမ်းမိုးမှုရှိသည်။ 

   အစားအသောက်တွင် ပါဝင်လာသော ဤမှိုဆိပ်ကို နိုင်ငံများတွင် အကန့်အသတ်ဖြင့်သာ လက်ခံလာကြသည်။ ဥပမာ- အီးယူနိုင်ငံများတွင် ၁၅ (ppb), အမေရိကန်တွင် ၂၀ (ppb), အိန္ဒိယတွင် ၃၀ (ppb) စသည်ဖြင့် အများဆုံး ပါဝင်နိုင်မှုနှုန်းများကို ပြဌာန်းထားသည်။ ၎င်းထက်ကျော်လွန်ပါဝင်ပါက မိမိတို့ မြေပဲများ ရောင်းချ၍ ရနိုင်မည် မဟုတ်ပေ။ 

ဤမှိုဆိပ်များ ဖြစ်ပေါ်ခြင်းမှကာကွယ်ရန်...

- မြေပဲတောင့်များကို အချိန်မီ နှင့် မထိခိုက်မိ‌အောင် နှုတ်သိမ်းပါ။

- သီးတောင့်များကို မြေပဲပင်မှဖြုတ်၍ ပလပ်စတစ်၊ တာပေါလင်စများခံ၍ စောလျင်စွာ နေလှန်းပါ။

- နေလှန်းစဉ်တွင် မှိုကျနေသော သီးတောင့်များ မပါဝင်စေရပါ။

- မြေပဲအခွံခွာရာတွင်လည်း လက်(သို့မဟုတ်)စက်များဖြင့် ခွာပါ။ ရိုက်ခွာခြင်းမလုပ်ရပါ။ 

- စက်များဖြင့်ခွာရာတွင် ရေဖျန်းခြင်းများ မပြုလုပ်ရပါ။

- မြေပဲဆံများ သိုလှောင်ရာတွင် အဖျင်းများ၊ အမှိုက်များ၊ ဖုန်များ ကင်းစင်ရန်လိုအပ်သည်။

- အစိုဓါတ် ၇ ရာခိုင်နှုန်းအောက် ရှိနေပါစေ။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်