အင်ဂျင်အပူကို ထိန်းသည့် Air-Water Cooling System အကြောင်း

Air-Water Cooling System သည် အင်ဂျင်အပူကို ထိန်းချုပ်ရန် အသုံးပြုသောနည်းလမ်းတစ်ခုဖြစ်ပြီး၊ ရေ (Water) နှင့် လေ (Air) ကို သုံးပြီး အင်ဂျင်ကို အေးစေဖို့ အဓိကရည်ရွယ်ထားသည်။

ဤစနစ်တွင်၊ အင်ဂျင်၏ အပူဓာတ်ကို ရေမှ ယူဆောင်ပြီး၊ ထိုပူနေသောရေများကို ရေလည်အုံ (Radiator) မှတဆင့် လေဖြင့် အေးစေပါသည်။

Air-Water Cooling System ၏ အခြေခံလုပ်ဆောင်ချက်များ

ရေဖြင့်အပူကိုစုပ်ယူခြင်း (Heat Absorption)

အင်ဂျင်လည်ပတ်စဉ်အတွင်း စွမ်းအင်ပြောင်းလဲမှုကြောင့် အပူဓာတ်ပိုမိုဖြစ်လာသည်။ Cooling system သည် အင်ဂျင်အပူကို ရေနှင့်ထိတွေ့စေပြီး အပူဓာတ်ကို ရေထဲသို့ လွှဲပြောင်းပေးသည်။

ရေလည်အုံ / အင်ဂျင်ကို အအေးပေးသည့်ကိရိယာ (Radiator) မှ အပူလျှော့ပေးခြင်း

အပူဓာတ်ကို ရေလည်အုံမှ လေလှိုင်းထဲသို့ ထုတ်လွှတ်သည့်နည်းဖြင့် ရေထဲရှိ အပူဓာတ်ကို အေးစေသည်။

ရေစနစ်လည်ပတ်မှု (Water Circulation)

ရေလည်ပတ်မှုစနစ်သည် Water Pump ဖြင့် အင်ဂျင်နှင့် Radiator ကြားကို စက်မော်တာဖြင့် မောင်းနှင်လည်ပတ် စေသည်။

လေအေးဖြင့် အပူလျှော့ချမှု (Air Cooling)

Radiator ၏ အပူဓာတ်ကို ပိုမိုလျှော့ချရန် ရေလည်အုံ၏ ရေသွားပိုက်လိုင်းမျက်နှာပြင် ဧရိယာများကို လေနှင့်များများထိတွေ့စေခြင်းဖြင့် အေးစေသည်။ ထို့ကြောင့်ရေပိုက်များကို ဇစ်ဇက်ပုံ ပြုလုပ်ထားပြီး လေဖြင့်ထိတွေ့နိုင်သည့် ဧရိယာများအောင် ပြုလုပ်ထားလေ့ရှိသည်။ 

Air-Water Cooling System ၏ ကောင်းကျိုးများ

• အင်ဂျင်၏ အပူချိန်မြင့်တက်မှုကို ထိန်းချုပ်နိုင်သည်။
• Overheat ဖြစ်မှုကို အရှိန်လျှော့ချသည်။
• အင်ဂျင်စွမ်းဆောင်ရည်နှင့် စက်လုပ်ဆောင်နိုင်စွမ်း များကိုကောင်းမွန်စေသည်။
• အချိန်အကြာကြီး အင်ဂျင်ကို အလုပ်လုပ်စေနိုင်ပြီး အင်ဂျင်သက်တမ်းကို ပိုကြာစေသည်။ 

သုံးသပ်ချက်

Air-Water Cooling System သည် ခေတ်မီအင်ဂျင်စနစ်များတွင် မဖြစ်မနေလိုအပ်သော နည်းပညာဖြစ်သည်။ ရေနှင့်လေတို့ပေါင်းစပ်၍ အင်ဂျင်၏ အပူထိန်းချုပ်နိုင်မှုကို ပိုမိုကောင်းမွန်စေရန် အခြေခံထားပြီး လက်ရှိထွန်စက်၊ မော်တော်ကားနှင့် လက်တွန်းထွန်စက်များ အစရှိသည့် စက်များတွင် ကျယ်ကျယ်ပြန့်ပြန့်အသုံးပြုနေပါသည်။

လေဖြင့် ရေပူကိုအေးစေသည့် နည်းစနစ်မပါဘဲ  တိုင်ကီထဲမှ ရေပူကို ရေအေးဖြင့် ရော၍ အေးစေသော စနစ်ကိုလည်း တချို့အင်ဂျင်များတွင် အသုံးပြုလေ့ရှိသည်။ ဥပမာ - မော်တော်ပဲ့ထောင်များတွင် ရေအေးကို ရေတိုင်ကီထဲ မောင်းထည့်ခြင်းဖြင့် အပူကို လျှော့ချစေသည်။ ထို့အပြင်အင်ဂျင်ကို တနေရာထဲအထိုင်ချပြီး လည်ပတ်သောလုပ်ငန်းများ (ဆီစက် ၊ ကြိတ်စက်၊ ခွဲစက် …) တွင်လည်း ရေအေးထည့်ပေးခြင်းစနစ်ဖြင့် အင်ဂျင်အေးအောင် လုပ်ဆောင်လေ့ရှိသည်။ 

သို့သော် လက်တွန်းထွန်စက်ကဲ့သို့ ကွင်းထဲတွင် ရွေ့လျားနေသော စက်များအတွက် လေနှင့် ရေ ပေါင်းပြီး အပူကိုလျှော့ချသည့် Air-Water Cooling System သည်သာ အမှန်ကန်ဆုံးဖြစ်ပါသည်။ လေနှင့် အေးစေသည့် စနစ်မပါဘဲ ရေအေးဖြည့်ခြင်းဖြင့်သာအေးစေပါက အပူချိန်လွန်ကဲလာသောစက်ကို ရပ်တန့်၍ မကြာခဏ ရေလဲပေးနေရသည့်အတွက် အလုပ်မဖြစ်နိုင်ပါ။ ထို့ကြောင့် သုံးစွဲမည့် တောင်သူများအနေဖြင့်လည်း စက်များကို ရွေးချယ်ဝယ်ယူရတွင် မိမိအသုံးပြုမည့် လုပ်ငန်းပေါ်မူတည်၍ Air-Water Cooling System ပါသောစက်များကို မှန်ကန်စွာ ရွေးချယ်ဝယ်ယူရမည်ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်