မှော်လိုအစွမ်းထက်တဲ့ ရှားစောင်းအမြစ်ထွက်ဟော်မုန်း

မှော်လိုအစွမ်းထက်တဲ့ ရှားစောင်းအမြစ်ထွက်ဟော်မုန်း

သစ်သီးဝလံ ပန်းမန်ပင်တွေ ကိုင်းကူး မျိုးပွားချင်သူတွေအတွက် မိုးရာသီလည်း ရောက်ပြီဖြစ်လို့ အမြစ်ထွက်မြန်မယ့် နည်းလမ်းလေးတစ်ခုကိုပြောပြချင်ပါတယ်။

ကိုင်းကူး ကိုင်းဆက် လုပ်ရင်ပဲဖြစ်ဖြစ် ကိုင်းဖြတ်ပြီး စိုက်ရင်ပဲဖြစ်ဖြစ် ဒီရာသီက အသင့်တော်ဆုံးရာသီပါ။ ဒါပေမယ့် နည်းလမ်းမမှန်လို့ အမြစ်ထွက်မမြန်ရင်တော့ အောင်မြင်မှာမဟုတ်ပါဘူး။ အမြစ်ထွက်ဟော်မုန်းပြုလုပ်နည်းတွေများစွာ ရှိတဲ့အထဲကမှ ကျွန်မတို့ပတ်ဝန်းကျင်မှာလွယ်လွယ်ကူကူတွေ့ရပြီး ထိရောက်မှုရှိတဲ့ အမြစ်ထွက်မြန်အောင်လုပ်နည်းလေးကို ပြောပြချင်ပါတယ်။ လိုအပ်တဲ့ပစ္စည်းကတော့ ရှားစောင်လက်ပတ်တစ်မျိုးထဲပါ။

နည်းလမ်း ၁

• ရှားစောင်းလတ်ပတ်အသားကိုထုတ်ယူပြီး ပျိုးထုပ်မြေနဲ့ ရောနှောစိုက်ပျိုးမယ်ဆိုရင်တော့ ဘာမှမထည့်ဘဲ ပျိုးထောင်တာထက် ပိုတဲ့အကျိုးကျေးဇူးကိုမြင်တွေ့နိုင်မှာဖြစ်ပါတယ်။

နည်းလမ်း ၂

• ဒါမှမဟုတ် ပျိုးထောင်မယ့်အကိုင်းကို ရှားစောင်းရွက်နဲ့ ထိုးစိုက်ပြီးမှ ပျိုးအိပ်ထဲမှာ ပျိုးထောင်နိုင်ပါတယ်။

• အရွက်တွေအကုန်ဖယ်လိုက်ပြီး သစ်ကိုင်းအရိုးလေးမှာ ရှားစောင်းရွက်လေးကို ထိုးစိုက်လိုက်ပါ။

• ပြီးရင်တော့ ပျိုးအိတ်ထဲမှာ ပျိုးထောင်နေကြအတိုင်း မြေဆွေး သဲ ရေ တို့ကိုအချိုးကျရောစပ်ပြီး ပျိုးထောင်နိုင်ပါပြီ။

• ပျိုးထုပ်ရဲ့အပေါ်ကနေ ပလပ်စတစ်အိတ်နဲ့အုပ်ထားလိုက်ပြီး မိုးလုံ ၊လေလုံပြုလုပ်ပေးဖို့လည်း လိုပါသေးတယ်။

နည်းလမ်း ၃

• ရှားစောင်းအရွက်ထဲက ဂျယ်အနှစ်တွေကိုထုတ်ပြီး ဇွန်းနဲ့ချေပါ။ ချေရတာလွယ်ကူအောင် ရေအနည်းငယ် သုံးလို့ရပါတယ်။ ပျိုးထောင်ချင်တဲ့ကိုင်းကို ဂျယ်အနှစ်တွေထဲမှာ လူးနယ်ပြီး စိုက်ပါ။ဒီလိုနည်းလမ်းသုံးလို့ရပါတယ်။

ကိုင်းဖြတ်စိုက်တဲ့အခါ ခဲတံလုံးလောက်အရွယ်တွေက အဆင်အပြေဆုံးပါ။ တည့်တည့်ကြီးမဖြတ်ဘဲ ခပ်စောင်းစောင်းလေး ဖြတ်ဖို့လည်မမေ့ပါနဲ့။

ဒါဆိုရင်တော့ အမြစ်ထွက်ဖို့စိတ်ချရတဲ့ ပျိုးပင်ကိုရရှိမှာပါ။ဒီနည်းလမ်းက အမြစ်ထွက်ဓာတု ဆေးမှုန့်တွေအသုံးမပြုဘဲ ထိရောက်တဲ့အကျိုးအာနိသင်ကို ရရှိနိုင်ပါတယ်။ ရှားစောင်းလတ်ပတ်ကိုသုံးပြီး အောင်မြင်တဲ့ပျိုးပင်ပေါက်တွေ ရရှိပိုင်ဆိုင် နိုင်ပါပြီ။

သိမ့်ဇာဇာအောင်

ကိုးကားချက်များ

-https://www.youtube.com/watch?v=KEhFBep7BTo

https://www.chronicle.co.zw/agriculture-column-aloe-vera-an-agricultural-option/

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်