ရွက်ချိုပင်စိုက်ပျိုးထုတ်လုပ်ရာတွင် ခဲမြေအစားသုံးသင့်သည့် တီမြေဆွေး

မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာမှို အပိုင်း (၃၄)

ရွက်ချိုမှုန့်ပင်တွင် အချိုဓာတ်အရသာဖြစ်စေသော စတီးဗီရော ဂလိုက်ကိုဆိုဒ်နှင့်အာဟာရဓာတ်ပါဝင်မှုတိုးစေသော ကုန်ကျစရိတ်သက်သာသည့် ဇီဝနှိုးဆွတီမြေဆွေး၊ မှိုစာဟောင်း (SMS) နှင့် မြေဆွေးများ အသုံးပြုခြင်း (အပိုင်း၁)

စတီးဗီယား ရွက်ချိုမှုန့်ပင်ထုတ်ရန် ကြီးထွားမီဒီယာတွင် ရိုးရိုးမြေအစား ဇီဝနှိုးဆွတီမြေဆွေးကို အစားထိုးသုံးသင့်သည်။

ဘာကြောင့် သုံးသင့်သလဲ

ရွက်ချိုမှုန့်ပင်သည် ဆေးဖက်ဝင်အစွမ်းမြင့်သဖြင့် ဆေးဖက်ဆိုင်ရာစက်ရုံများတွင် လိုအပ်ချက်မြင့်မားလာသည်။

စတီးဗီယားပင် စိုက်ပျိုးထုတ်လုပ်မှုမြှင့်တင်ရေးတွင် မလွှဲမရှောင်သာသော အဓိကမျက်နှာစာတစ်ခုကတော့ အသုံးပြုသည့် ကြီးထွားမီဒီယာနှင့် ဖြည့်တင်းသည့်အာဟာရများ ဖြစ်သည်။ ထို့ပြင် ကုန်ကျစရိတ်သက်သာရေးအချက်သည်လည်း အမြန်လိုအပ်လာပြီဖြစ်သည်။

တီမြေဆွေးသည် ကြီးထွားမီဒီယာအတွက် လိုအပ်သောအရည်အချင်းများရှိသည်။ တီမြေဆွေးအပါအဝင် ဥယျာဥ်ခြံမြေ၊ မှိုပုံဟောင်း၊ နွားချေး၊ အော်ဂဲနစ်မြေဆွေး၊ ကြံမြှုပ်ချေး၊ ပါလိုက် (leaf mold, press mud, peat moss) များကို ဖြည့်စွက်သုံးပါက ကြီးထွားမီဒီယာတွင် အာဟာရဓာတ်ပါဝင်မှုကို မြင့်စေမည်ဖြစ်သည်။ 

ကြီးထွားမီဒီယာကောင်းတခုသည် 

• ၁။ အပင်အတွက် လုံလောက်သော ထောက်ပံ့မှုပြုနိုင်ရမည်။
• ၂။ ရေစီးဆင်းမှုကောင်းရမည်။
• ၃။ လေဝင်လေထွက်ကောင်းရမည်။
• ၄။ လုံလောက်သောရေထိန်းနိုင်စွမ်း (water holding capacity) ရှိရမည်။
• ၅။ အမြစ်နှင့်ကြီးထွားမီဒီယာပြင်ပရှိ လေထုကြားတွင် ကောင်းသောဓာတ်လဲလှယ်မှု(good gaseous exchange mechanism) ရှိရမည်။
• ၆။ အာဟာရဓာတ် အနေအထားမြင့်ရမည်။
• ၇။ ပေါ့ပါးရမည်။ အပင်ကြီးထွားမှုအတွက် အရေးကြီးရမည်။
• ၈။ ကြီးထွားမီဒီယာကောင်းမွန်မှုရှိမရှိကို နိုင်ထရိုဂျင်နှင့် ဖော့စဖောရပ်ကို အပင်မှအမြင့်ဆုံးစုပ်ယူနိုင်သော အဖြေရလဒ်များအရ မှတ်တမ်းယူသည်။

ဇယား- စတီးဗီးယားပြောင်းရွှေ့မစိုက်မီ ကြီးထွားမီဒီယာ၏ ရုပ်ပိုင်းနှင့်ဓာတုပိုင်းဆိုင်ရာ ဂုဏ်သတ္တိများ 

သစ်သားကန်ဖြင့်တီကောင် မြေသြဇာပြုလုပ်နည်း (မြ ၂ဝ၂ဝ)

• အဆင့် ၁ - ဗေဒါရိုး ငှက်ပျောဖတ်များထည့်သည်။
• အဆင့် ၂ - တီကောင်များ ထည့်သည်။
• အဆင့် ၃ - ရေလောင်းသည်။

ဘာကြောင့် အကျိုးရှိသလဲ..?

တီမြေဆွေးသည်လေဝင်လေထွက်ကောင်းသည်။

ဥယျာဥ်ခြံမြေနှင့် တီမြေဆွေးအရောသည် မြေအရည်အသွေးတိုးလာပြီး အပင်ဒြပ်ထုတိုးစေသည်။ ကလိုရိုဖီးမော်လီကျူး အစိတ်အပိုင်းများဖြစ်သော  နိုက်ထရိုဂျင်ရရှိမှုမြင့်မားသည်။ နေရောင်ဖြင့်အစာချက်မှု၊ အရောင်ခြယ်များပါဝင်မှုနှင့် သက်ဆိုင်သော မင်နရယ်ကြွယ်ဝသည်။ နိုက်ထရိုဂျင်၊ ဖော့စဖောရပ်၊ ပိုတက်စီယံကြွယ်ဝသည့် အရင်းအမြစ်ဖြစ်သည်။

သို့ဖြစ်၍ ကြီးထွားမီဒီယာအဖြစ် ခဲမြေအစား ဇီဝနှိုးဆွတီမြေဆွေး (သို့မဟုတ်) ဥယျာဥ်ခြံမြေနှင့်တီမြေဆွေးအရောများကို အစားထိုး သုံးသင့်ပါသည်။

ကိုးကား

မြမြ ဒေါ် (၂ဝ၂ဝ) အိမ်နှင့်ကျောင်းဥယျာဥ်ခြံ တည်ထောင်ခြင်း နည်းပညာ လက်စွဲ

Sardar.H. et al., Evaluation of different growing media based on agro-industrial waste materials for the morphological, biochemical and physiological characteristics of stevia. Biomolecules 2021, 11, 698. https:// doi.org/10.3390/biom11050698 IN. Cleaner Waste Systems. Volume 3, December 2022, 100038.

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။