ဒေါ်မြမြ ပါမောက္ခ(ငြိမ်း)မြေညံ့ကိုပြောင်းပေးပြီး သီးနှံဖြစ်ထွန်းစေမဲ့ ဇီဝမြေသြဇာ (သို့) အာဘာစကူလာ မိုက်ကိုရိုက်ဇာမှို အပိုင်း (၄၁)
စတီးဗီရားရွက်ချိုမှုန့်ပင် အရွက်ထွက်အားကောင်းစေရန် ဇီဝနှိုးဆွမြေသြဇာ အေအမ်အက်မှိုကို အော်ဂဲနစ်၊ အင်အော်ဂဲနစ် မြေသြဇာများနှင့် တွဲသုံးပါ (အပိုင်း၁)
အေအမ်အက်မှို နှင့် စတီးဗီရားရွက်ချိုမှုန့်ပင် သဟဇီဝနဖြစ်စဉ်
ဇီဝနှိုးဆွမြေသြဇာ အေအမ်အက်မှိုကို ဘာကြောင့် အော်ဂဲနစ်၊ အင်အော်ဂဲနစ် မြေသြဇာများနှင့် တွဲသုံးသင့်ပါသလဲ?
- ၁။ စတီးဗီရားရွက်ချိုမှုန့်ပင်တွင် အေအမ်အက်မှို တစ်မျိုးတည်းသုံးပါက စုစုပေါင်း ပိုလီဖီနော ပါဝင်မှုကို မတိုးစေပါ။ အဓိကမကျသော ကွန်ပေါင်းစတီဗွိုင်းများ၏ ပြင်းအားများကိုသာ လွှမ်းမိုးသည်။
- ၂။ ပိုလီဖီနောနှင့် စတီဗွိုင်းများသည် အန်တီအောက်ဆီးဒန့် အင်အားကောင်းအောင် ပံ့ပိုးသည်။ စုစုပေါင်း ဖီနောသာလျှင် အန်တီအောက်ဆီးဒန့် cellular antioxidant activity(CAA) အတွက် အဓိကကျသည်။
- ၃။ ဖော့စပရပ်သည် စုစုပေါင်းဖီနော၊ ဖလေဗိုနွိုက်နှင့် အန်တီအောက်ဆီးဒန့် တိုးစေသည်။
- ၄။ ကြီးထွားအဆင့်မှ ရိတ်သိမ်းချိန်တိုင်အောင် စတီဗီရိုဘိုင်အိုဆိုက်၊ ဒါကိုဆိုက်အေ၊ ရီဘောင်ဒီရိုဆိုက်နှင့် စတီဗီရိုဆိုက်၊ စုစုပေါင်းဖီနောနှင့် ဖလေဗိုနွိုက်များ တိုးသဖြင့် ရိတ်သိမ်းချိန်မတိုင်မီ အာဟာရဆိုင်ရာများ အရေးကြီးသည်။
- ၅။ အပင်ကြီးထွားစေသောကွန်ပေါင်းများ၊ ရီဘောင်ဒီရိုဆိုက်နှင့် စတီဗီရိုဆိုက် (မီလီဂရမ်) ပါဝင်မှုသည် ပင်ပိုင်းကြီးထွားအဆင့်မှ မျိုးပွားအဆင့်အစပိုင်းထိ ခိုင်မာစွာတိုးသည်။ ပြောင်းရွှေ့စိုက်ပြီး ၁၂၃ ရက်တွင် အများဆုံးဖြစ်သည်။ သို့ဖြစ်၍ ကြီးထွားအဆင့်များနှင့် ရိတ်သိမ်းချိန်သည်လည်း အရေးကြီးသည်။
- ၆။ အေအမ်အက်မှိုနှင့် ဖော့စပရပ်ကို တွဲသုံးခြင်းသည် စတီးဗီးရားပင်ကြီးထွားကာလတွင် အရေးကြီးသော ဘိုင်အိုအက်တစ်ကွန်ပေါင်းများကို တိုးစေသည်။
အေအမ်အက်မှို ထိုးသွင်းခြင်း၏ စတီဗီရိုဆိုက် ပါဝင်မှုအပေါ်အကျိုးသက်ရောက်မှု
အေအမ်အက်မှို ထိုးသွင်းခြင်း၏ ရီဘောင်ဒီရိုဆိုက် ပါဝင်မှုအပေါ်အကျိုးသက်ရောက်မှု
အေအမ်အက်မှိုထိုးသွင်းခြင်း၏ ဒါကိုဆိုက်အေပါဝင်မှုအပေါ် အကျိုးသက်ရောက်မှု
အေအမ်အက်မှိုထိုးသွင်းခြင်း၏ စတီဗီရိုဘိုင်အိုဆိုက်ပါဝင်မှုအပေါ် အကျိုးသက်ရောက်မှု
သုံးသပ်ချက်
- ၁။ စတီးဗီးရားပင်မှ ရီဘောင်ဒီရိုဆိုက်ပါဝင်မှုနှင့် စတီဗီရိုဆိုက်ပါဝင်မှုအချိုး (ratio of rebaudioside A., to stevioside) မြင့်ခြင်းသည် အရည်အသွေးကောင်းသည်ဟု သတ်မှတ်သည် (Tavarini et al., 2015)။
- ၂။ အေအမ်အက်တစ်မျိုးတည်း အသုံးပြုခြင်းသည် စတီဗီရိုဆိုက်နှင့် ရီဘောင်ဒီရိုဆိုက် ထုတ်မှုအပေါ် မထိရောက်ပါ။ အေအမ်အက်မှို၏ ဖျန်ဖြေမှုတွင် အပင်မှ ဒုတိယအစာချေဖျက်သောပစ္စည်းများ တိုးလာစေမှု၊ ရွက်ချိုဓာတ်များတိုးလာမှုသည် အာဟာရမဲ့အရ ဆက်နွှယ်နေသော ဇီဝကမ္မဖြစ်စဉ်ကွင်းဆက်ဖြစ်သည်။
- ၃။ စုစုပေါင်း ဖီနောနှင့် ဖလေဗိုနွိုက် ၊ အန်တီအောက်ဆီးဒန့်တိုးစေသော ဖော့စပရပ်နှင့် အေအမ်အက်မှို ကို တွဲသုံးပါ။ အေအမ်အက်ကို အခြားအင်အော်ဂဲနစ်မြေသြဇာ၊ အော်ဂဲနစ်မြေသြဇာ၊ ဇီဝမြေသြဇာများနှင့်လည်း တွဲသုံးသင့်ကြောင်း ဆက်လက်ဖော်ပြပါမည်။
ကိုးကား
Mandal S. et al., Arbuscular mycorrhiza enhances the production of stevioside and rebaudioside-A in Stevia rebaudiana via nutritional and non-nutritional mechanisms. Applied Soil Ecology 72:187-194. DOI:10.1016/j.apsoil.2013.07.003
Shivani K. Impact of spacing and levels of nitrogen on growth and yield of stevia (Stevia rebaudiana Bertoni) . Journal of Pharmacognosy and Phytochemistry. JPP 2019; 8(3): 1878-1881
Tavarini S. et al., Health-Promoting Compounds in Stevia: The Effect of Mycorrhizal Symbiosis, Phosphorus Supply and Harvest Time. Molecules 2020, 25(22), 5399; https://doi.org/10.3390/molecules25225399
Tavarini S.et al., Impact of nitrogen supply on growth, steviol glycosides and photosynthesis in Stevia rebaudiana Bertoni, Plant Biosystems - An International Journal Dealing with all Aspects of Plant Biology: Official Journal of the Societa Botanica Italiana, 2015.
DOI: 10.1080/11263504.2014.993743
ဒေါ်မြမြ၊ ပါမောက္ခ (ငြိမ်း)၊ ရေဆင်းစိုက်ပျိုးရေးတက္ကသိုလ်
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}