အေအမ်အက်မှိုနှင့် ဖော့စဖိတ်ကို စတီးဗီးယားတွင် ဖြည့်စွက်သုံးပေးခြင်းအကျိုးများ

မြေညံ့ကိုပြောင်းပေးပြီး သီးနှံဖြစ်ထွန်းစေမဲ့ ဇီဝမြေသြဇာ (သို့) အာဘာစကူလာ မိုက်ကို ရိုက်ဇာမှို အပိုင်း (၄၆)

စတီးဗီးယားရွက်ချိုမှုန့်ပင်တွင် အေအမ်အက်မှိုနှင့် ပြင်းအားနည်း အင်အော်ဂဲနစ် မြေသြဇာ ဖော့စဖိတ်ကို ဖြည့်စွက်သုံးပါက ရွက်ချိုဓာတ် အရည်အသွေး ပိုကောင်းစေ သည် (အပိုင်း၆)

ဘာကြောင့်တိုးတာလဲ?

မြေထဲတွင် အေအမ်အက်မှိုမျှင်များသည် ဂလိုမာလင်းနှင့်နွှယ်သော မြေပရိုတင်း (GRSP) တစ်မျိုးကို ထုတ်သည်။ ဂလိုမာလင်းသည် မြေထဲတွင် အော်ဂဲနစ်ပစ္စည်းများကို ချေဖျက်ရာတွင် ထောက်ကူသည်။ မြေပရိုတင်းကြောင့် ဖော့စဖိတ်ထရန်စပို့တာ ပရိုတင်းများ ပိုထုတ်သည်။ အာဟာရဓာတ်စုပ်ယူမှု မြင့်လာသည်။ ပူးတွဲသုံးသော အင်အော်ဂဲနစ်မြေသြဇာများ၏ အပင်အကျိုးပြုစွမ်းရည်ကို နှိုးဆော်သည်။ ဂေဟစနစ်မိတ်ဖက်ဖြစ်စဥ် ဖြစ်သည်။

ဘာကြောင့်အသုံးပြုသင့်သလဲ

အော်ဂဲနစ်စစ်စစ် စတီးဗီးယားရွက်ချိုမှုန့် ထုတ်ရာတွင်သုံးနိုင်သည်။ အင်အော်ဂဲနစ် မြေသြဇာများလျှော့ချသုံးစွဲနိုင်သည့်နည်းဖြစ်သဖြင့် အော်ဂဲနစ်စစ်စစ် စတီးဗီးယား ရွက်ချိုမှုန့် ထုတ်လုပ်နိုင်သော လမ်းကြောင်းတခုဖြစ်သည်။ ပတ်ဝန်းကျင်ကို မထိခိုက်စေ သော ဂေဟစနစ်မိတ်ဖက်ဖြစ်စဥ်တစ်ခု ဖြစ်သည်။

စတီးဗီးယားရွက်ချိုမှုန့်ပင်၏ ဆေးဖက်ဆိုင်ရာ အာနိသင်များ

ဘယ်အရည်အသွေးတွေအတွက် ကောင်းတာလဲ?

အရည်အသွေးကောင်းသော စတီးဗီးယားရွက်ချိုမှုန့်ရရှိရေးအတွက် အေအမ်အက်မှိုနှင့် ဖြည့်စွက်သုံးသော ဖော့စဖိတ်မြေသြဇာနှုန်းထား

(၁) အရွက်ခြောက် အလေးချိန် ၁ ဂရမ်တွင် စတီဗီရိုဆိုဒ် (မီလီဂရမ်) တိုးလာခြင်း

(၂) စတီးဗီးယားရွက်ချိုမှုန့်ပင်တွင် အေအမ်အက်မှိုနှင့် ဖြည့်စွက်သုံးသောဖော့စဖိတ် အကျိုးပြုမှု –

အရွက်ခြောက်အလေးချိန် ၁ ဂရမ်တွင် ရီဘောင်ဒီရိုဆိုက် (မီလီဂရမ်) အထွက်

ဆွေးနွေးချက်

အေအမ်အက်ဖ် သဟဇီဝနဖြစ်စဥ်သည် စတီးဗီးယား ရွက်ချိုမှုန့်ပင်၏ ကြီးထွားမှု အလေ့အကျင့်ကို ကောင်းစေသည်။
ကိုင်းတက်ပိုထွက်သည်။ အပင်အမြင့် လျော့သည်။
ကြီးထွားကာလအဆုံးတွင် ဖြည့်စွက်သုံးသော ဖော့စဖိတ်ကို မြေကြီး ၁ ကီလိုဂရမ်တွင် ဖော့စပရပ်အောက်ဆိုဒ် ၂၅ မီလီဂရမ် (25 mg P2O5 kg−1soil) ပြင်းအားကို စုပ်ယူသည်။
ဖြည့်စွက်သုံးသော ဖော့စဖိတ် ပြင်းအားနည်းနည်းဖြင့် အေအမ်အက်မှို အမြစ်စွဲအားကို ထိန်းပေးခြင်းသည် စတီဗီရိုဆိုဒ် ပိုထုတ်သည် (armiento-López LG et al., 2020)။ အပင်အတွက် အကျိုးရှိရှိ အသုံးချပြီး အေအမ်အက်မှိုအမြစ်စွဲအားကောင်းစေသည်။ တစ်ပင်ပါအရွက်ခြောက် အလေးချိန် (ဂရမ်) အများဆုံးနှင့် စတီဗီရိုဆိုဒ် (မီလီဂရမ်) ထုတ်လုပ်မှု အများဆုံးရသည် (Tavarini et al. 2020)။
အေအမ်အက်မှိုမျိုးနှင့် ဖော့စဖိတ်ပြင်းအားကို လျှော့ချအသုံးပြုခြင်းဖြင့် အရေးကြီးသော စတီးဗီးယားရွက်ချိုမှုန့် အရည်အသွေးပြည့် စတီဗီရိုဆိုဒ် လိုအပ်ချက်အတိုင်းရရှိစေသည့် ပတ်ဝန်းကျင်ဂေဟစနစ် ကို မထိခိုက်စေသောနည်းကို သုံးထားခြင်းဖြစ်သည်။

ကိုးကားချက်

Mlambo R.et al., Stevia rebaudiana, a Versatile Food Ingredient: The Chemical Composition and Medicinal Properties. March 2022. Journal of Nanomaterials 2022(4):1-12. DOI:10.1155/2022/3573005

Sarmiento-López LG et al., 2020. Photosynthetic performance and stevioside concentration are improved by the arbuscular mycorrhizal symbiosis in Stevia rebaudiana under different phosphate concentrations. PeerJ 8:e10173 http://doi.org/10.7717/peerj.10173

Tavarini S. et al., Health-Promoting Compounds in Stevia: The Effect of Mycorrhizal Symbiosis, Phosphorus Supply and Harvest Time. Molecules 2020, 25(22), 5399; https://doi.org/10.3390/molecules25225399

Wang J. et al., A review of stevia as a potential healthcare product: Up-to-date functional characteristics, administrative standards and engineering techniques. Trends in Food Science & Technology.Volume 103, September 2020, Pages 264-281

ဒေါ်မြမြ ပါမောက္ခ (ငြိမ်း) ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ