အော်ဂဲနစ်မြေဆွေးနှင့် ဇီဝမြေသြဇာများ ပူးတွဲသုံးခြင်းဖြင့် သီးနှံ အရည်အသွေးတိုးစေခြင်း (၂)

မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာမိုက်ကိုရိုက်ဇာမှို အပိုင်း (၅ဝ)

အော်ဂဲနစ်မြေသြဇာဖြစ်သောမြေဆွေးနှင့် ဇီဝမြေသြဇာများ ပူးတွဲသုံးခြင်းသည် သီးနှံ အရည်အသွေးတိုးစေသည် (၂)

အော်ဂဲနစ်မြေသြဇာ (မြေဆွေး) နှင့် အေအမ်အက်မှို ပူးတွဲသုံးပါက စတီးဗီယား ရွက်ချိုမှုန့်ပင်အရွက်ထွက် အားကောင်းစေသည်

ဘာ့ကြောင့်အသုံးပြုသင့်တာလဲ?

ဘာကြောင့်ကောင်းတာလဲ?

၁။ အေအမ်အက်မှိုသည် ဂလိုမာလင်း (ဂလိုက်ကိုပရိုတင်း) နှင့် ဖိုက်တိုဟော်မုန်းဓာတ် ထုတ်သည်။

၂။ ဂလိုမာလင်းသည် မြေဖွဲ့စည်းမှုကောင်းစေသည်။ အပင်သည် ဇီဝနှင့်အဇီဝဖိနှိပ်မှုဒဏ် (သက်ရှိများကြောင့်ဖြစ်သည့်ဒဏ်နှင့် သက်ရှိမဟုတ်သည့်ပတ်ဝန်းကျင်ကြောင့်ဖြစ်သည့်ဒဏ်) တွန်းလှန် မှု တိုးစေသည်။

၃။ ဟော်မုန်းဓာတ်သည် ပူးတွဲသုံးသော အော်ဂဲနစ်နှင့် အင်အော်ဂဲနစ်မြေသြဇာများ၏ အပင်အကျိုးပြု စွမ်းရည်ကို နှိုးဆော်သည်။

၄။ ကောက်ရိုးနှင့်အကျိုးပြုသက်ရှိပါဝင်သော ရက် ၉ဝ သားရှိသည့် လုံးဝဆွေးသော မြေဆွေးတွင် ဟူးမစ်အက်ဆစ်သည် ၁ ဂရမ်တွင် ၉၁-၁၁ဝ မီလီဂရမ်ပါသည်။ ဖူးဗစ်အက်ဆစ်သည် မြေဆွေး ၁ ဂရမ်တွင် ၃-၂၃ မီလီဂရမ် ပါဝင်သည်။ ကောက်ရိုးကို ဇီဝဓာတ်ငွေ့အနှစ်များဖြင့် ပြုလုပ်ခြင်းသည် နွားချေးဖြင့်ရသော မြေဆွေးများထက် နိုက်ထရိုဂျင်၊ ဖော့စပရပ်၊ ပိုတက်စီယံ၊ ဟူးမစ်အက်ဆစ်၊ ဖူးဗစ်အက်ဆစ် ပါဝင်မှုပိုများသည်။

ဘိုကာရှီကောက်ရိုးမြေဆွေး

ကောက်ရိုးမြေဆွေးတွင်ပါဝင်သောပစ္စည်းများ

အေအမ်အက်ဖ်မှို (Rhizophagus intraradices) ဇီဝမြေသြဇာနှင့် အော်ဂဲနစ်မြေသြဇာ ပူးတွဲသုံးခြင်း

စတီးဗီးယားပင်၏ အရွက်ခြောက်အလေးချိန် (ဂရမ်/တစ်ပင်)

တွေ့ရှိချက်

၁။ ဇီဝမြေသြဇာ အေအမ်အက်မှို (Rhizophagus intraradices) ကို အော်ဂဲနစ်မြေသြဇာဖြစ်သော ဘိုကာရှီ မြေဆွေးနှင့်ပူးတွဲသုံးခြင်းသည် စတီးဗီးယားပင်၏ အရွက်ခြောက်အလေးချိန် (ဂရမ်/တစ်ပင်) အများဆုံးဖြစ်သည်။

၂။ အေအမ်အက်မှိုသည် အော်ဂဲနစ်မြေသြဇာများနှင့် ပူးတွဲသုံးရန် ကောင်းသည်။

ဇီဝမြေသြဇာ အေအမ်အက်မှိုမပါဘဲ သိုးချေး၊ ဘိုကာရှီ၊ ကြက်ချေးစသည်ဖြင့် သီးခြားစီသုံးခြင်းသည် စတီးဗီးယားပင်၏ အရွက်ခြောက်အလေးချိန် (ဂရမ်/တစ်ပင်) နည်းသည်။

၄။ ဇီဝမြေသြဇာအေအမ်အက်မှိုနှင့် အော်ဂဲနစ်မြေသြဇာကို တစ်မျိုးတည်း(သို့မဟုတ်) ပူးတွဲသုံးပါက စတီးဗီးယားပင်၏ အပင်ထွက်ကောင်းသည်။

အော်ဂဲနစ်မြေသြဇာ၏ အကျိုးပြုဇီဝကမ္မဖြစ်စဥ်မှတစ်ဆင့် အပင်အတွက် လက်တွေ့အကျိုးပြုမှုနှင့် အသုံးချနိုင်မှု ဆက်စပ်သုံးသပ်ချက်

၁။ စတီးဗီယားပင်သာမက အခြားဥယျာဥ်ခြံသီးနှံပင်များပါ အသုံးပြုသင့်သော ကောက်ရိုးမြေဆွေး ထဲတွင် အဓိကသိသင့်သော နိုက်ထရိုဂျင်ကြွယ်ဝမှု၊ အကျိုးပြုဟူးမစ်အက်ဆစ်၊ ကာဗွန်နှင့် နိုက်ထရိုဂျင် အချိုး (< ၂၀)နှင့် ပီအိပ်ချ်ကို ဖော်ပြထားသည်။ တောင်သူများသည် မိမိတို့စိုက်ပျိုးနေသောသီးနှံစုံတွင် အသုံးပြုသင့်သော မြေဆွေးများ၏ အာဟာရတန်ဖိုးများကို ကြိုတင်နားလည်စေရန် စတီးဗီယားပင်တွင် အသုံးပြုမှုကို စံအဖြစ်ထားပြီး ဖော်ပြရှင်းလင်းထားပါသည်။
၂။ ကြီးထွားမီဒီယာတွင် ဇီဝနှိုးဆွတီမြေဆွေး၊ မှိုပုံဟောင်းအောက်ခံလွှာ၊ နွားချေးဆွေးများ၊ သဘာဝမြေသြဇာများနှင့် ဇီဝမြေသြဇာများကို ဖြည့်စွက်သုံးခြင်းဖြင့် စတီးဗီယားရွက်ချိုမှုန့်ပင် ဒြပ်ထု တိုးအောင် ဆောင်ရွက်သင့်သည်။ ၎င်းမှတဆင့် စတီးဗီရိုဆိုက်ပုံစံနှင့် စတီးဗီးယား စစ်ထုတ်ပစ္စည်းများ တိုးလာမည်ဖြစ်သည်။

ကိုးကား

Goyal S. and S.S. Sindhu, 2011. Composting of Rice Straw Using Different Inocula and Analysis of Compost Quality. Microbiology Journal, 1: 126-138.DOI: 10.3923/mj.2011.126.138

Lozano-Contreras, M.G., Ramírez-Jaramillo, G. and RamírezSilva, J.H. (2021) Interaction Effects between Organic Fertilizers and Biofertilizers on the Growth of Stevia rebaudiana Bertoni. Open Access Library Journal, 8: e8065. https://doi.org/10.4236/oalib.1108065

ဒေါ်မြမြ၊ ပါမောက္ခ (ငြိမ်း)၊ ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

အော်ဂဲနစ်မြေဆွေးနှင့် ဇီဝမြေသြဇာများ ပူးတွဲသုံးခြင်းဖြင့် သီးနှံ အရည်အသွေးတိုးစေခြင်း (၂)

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

အော်ဂဲနစ်မြေဆွေးနှင့် ဇီဝမြေသြဇာများ ပူးတွဲသုံးခြင်းဖြင့် သီးနှံ အရည်အသွေးတိုးစေခြင်း (၂)

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

အပင်အတွက် မရှိမဖြစ်လိုအပ်သော အဟာရများ

မြေသြဇာကျွေးနည်းများ

အချဉ်ဖောက်ထားသော အရွက်ရည် Fermented Plant Juice (FPJ)

{{ post.title }}