ခဲမြေအစားထိုးအဖြစ်သုံးသင့်သော ကြီးထွားမီဒီယာများ

မြေညံ့ကိုပြောင်းပေးပြီး သီးနှံဖြစ်ထွန်း စေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာ မှို အပိုင်း (၉၂)

စားမှို စိုက်ပြီးပွားစာဆွေးများကို မိုက်ခရိုဂရင်း ပျိုးပင်ပေါက်ခင်းများတွင် သုံးစွဲခြင်း (၁၃)

ခဲမြေအစားထိုး ကြီးထွားမီဒီယာအဖြစ် ကုန်ကျစရိတ်သက်သာသော ဒေသထွက် အော်ဂဲနစ်ပစ္စည်းများကို  သုံးနိုင်သည်။

မိုက်ခရိုဂရင်းအထွက်ကောင်းစေရန် လွှမ်းမိုးနေသော အချက်များစွာရှိသည်။ ဘေဘီဂရင်းသည် ရက်၃ဝသားသာရှိသဖြင့် ပြန်လည်အသုံးချနိုင်သော ပလပ်စတစ်ဘူးများ၊ဖော့ဘူးများဖြင် တပိုင်တနိုင် စိုက်ပျိုးကြသည်။ အသုံးပြုသော ကြီးထွားမီဒီယာ ရွေးချယ်မှုမှန်ရန် အရေးကြီးသည်။ ပတ်ဝန်းကျင် ညစ်ညမ်းမှုမဖြစ်စေရ၊ ကုန်ကျစရိတ်သက်သာရမည်။ စျေးကွက်တွင် လုံလုံလောက်လောက်   ဝယ်ယူနိုင်ရမည်၊ ခဲမြေ ကြီးထွားမီဒီယာသည် အာဟာရပိုင်းဆိုင်ရာ အရည် အသွေး ကောင်းသဖြင့် အသုံးပြုများသည်။ ခဲမြေများသည် ရုပ်ပိုင်း ဓာတုပိုင်းဆိုင်ရာအရည် အသွေးကောင်းသည်။ ပေါပေါများများ ရသည်။ မိုက်ခရိုဂရင်းကြီးထွားရန်အတွက် လိုအပ်သော အာဟာရကို လုံလုံလောက်လောက်ပေးစွမ်းသည်။ ခဲမြေကို ကျယ်ကျယ်ပြန့်ပြန့် အသုံးပြုလာခြင်းသည် မိုက်ခရိုဂရင်း စိုက်ပျိုးရေးအတွက် ရေရှည်တည်တံ့သော ပတ်ဝန်းကျင်နှင့် ပတ်သက်ပြီး မေးခွန်းများထွက်ပေါ်လာသည်။ အကြောင်းရင်းကတော့ ခဲမြေသည် ပြန်လည်အသုံးပြု မရပါ။ ခဲမြေတူးဖော်သော နေရာသည် ကာဗွန်ထုတ်မှုများသည်။ ကြီးထွားမီဒီယာအဖြစ် ခဲမြေအစားထိုးခြင်းသည် ကုန်ကျစရိတ် သက်သာသော ဒေသထွက် အော်ဂဲနစ်ပစ္စည်းများကို  အစားထိုး သို့မဟုတ် ဖြည်စွက်သုံးပါက ခဲမြေထုတ်သည့် နေရာအတွက်  ကာဗွန်ထုတ်မှုများကို လျှော့ချသည်။ နိုင်ငံအလိုက် ကာဗွန်ထုတ်လုပ်မှုများကို လျှော့ချရန် ဥပဒေများ ထုတ်လာသည့်အတွက် ခဲမြေထုတ်သည့် နေရာသည် သတ်မှတ်ချက်များလာကာ စျေးသည်လည်း အစစမြင့်တက်လာသည်။ 

ရေရှည်တည်တံ့သော ပတ်ဝန်းကျင်ဖြစ်စေသည့် ကြီးထွားမီဒီယာများ လိုအပ်လာသည်။ ပြန်လည်အသုံးချနိုင်သော သဘာဝ အော်ဂဲနစ်ပစ္စည်းများသည် ကုန်ကျစရိတ်သက်သာစွာဖြင့် စျေးကွက်တွင် လုံလုံလောက်လောက်ရသည်။ ခဲမြေကြီး အစားထိုးအဖြစ် စျေးကွက်တွင် ရနိုင်သော ပစ္စည်းတစ်မျိုးမှာ မြေမဲ့မီဒီယာအုန်းခွံမျှင်ဖတ်ဖြစ်သည်။ ၁ဝဝ% အော်ဂဲနစ် ပစ္စည်းဖြစ်သည့်အတွက် အုန်းခွံမျှင်သည်ပေါ့သည်။ လေဝင်လေထွက် ကောင်းသည်။ ရေထိန်းသည်။ အုန်းခွံမျှင်ဖတ်သည် ခဲမြေပွနှင့် တွဲသုံးလျှင် ပိုကောင်းသည်။ မြေကြီးနှင့် မြေမဲ့မီဒီယာအုန်းခွံမျှင်ဖတ် သုံးခြင်းသည် မိုက်ခရိုဂရင်း အပင်ရှင်သန်ကြီးထွားမှု အကောင်းဆုံးဖြစ်သည်။ သို့ဖြစ်၍ မြေ (ခဲမြေ) နှင် အအော်ဂဲနစ် ပစ္စည်းအရောသည် အာဟာရဓာတ် ထိန်းသိမ်းနိုင်ပြီး ကုန်ကျစရိတ်ကို လျှော့ချနိုင်သည်။ အိမ်ဝန်းခြံများတွင်  တပိုင်တနိုင်စိုက်သူများ၊ ဝါသနာရှင်များ၊ ကျောင်းနေကလေးများအတွက် သင်ကြားရေး အထောက်အကူပြု သင်တန်းဆရာဆရာမများ၊ စီးပွားဖြစ်စိုက်သူများက စိတ်ဝင်စားလာသည့်အတွက် ပိုမိုလွယ်ကူပြီး ကုန်ကျစရိတ် သက်သာသော မီဒီယာများသာသုံးစွဲကြသည်။

ခဲမြေနှင် အုန်းခွံမျှင်ဖတ် အခြေခံထားသော အုန်းခွံခဲမြေ

အာရူဂူလာ (မုန်ညင်း)

ပတ်ချွိုင်

မုံလာထုတ်

ပဲ နှင့် မုံလာဥ

နေကြာ

ခဲမြေနှင့် ပြန်လည်အသုံးချနိုင်သော အော်ဂဲနစ်ပစ္စည်းများ

ကြီးထွားမီဒီယာ (မြေအခြေခံ) သည် မိုက်ခရို ဂရင်း အထွက်၊ အာဟာရပိုင်းဆိုင်ရာ အရည်အသွေး ကောင်းသဖြင့် အသုံးပြုများသည်။ စက်ရုံ ထုတ်ကုန်ကြမ်း၊ ထွက်ဘေးထွက်ပစ္စည်းများမှ ပြန်လည်အသုံးချနိုင်သော သဘာဝ အော်ဂဲနစ်ပစ္စည်းများသည် ကုန်ကျစရိတ်သက်သာစွာနှင့် စျေးကွက်တွင် လုံလုံလောက်လောက်  ရသည်။  ကြီးထွားမီဒီယာ အမျိုးမျိုးသည်  မိုက်ခရိုဂရင်းများအတွက် အဏုဇီဝ သက်ရှိ ညစ်ညမ်းမှု အရင်းအမြစ်ဖြစ်သည်။ ကြီးထွားမီဒီယာ ရွေးချယ်မှုသည် အရေးကြီးသည်။ သို့ဖြစ်၍ အိမ်ဝင်းခြံများတွင်  တပိုင်တနိုင်စိုက်သူများ၊ ဝါသနာရှင်များ ၊ ကျောင်းနေကလေးများအတွက်သင်ကြားရေး အထောက်အကူပြု သင်တန်းဆရာဆရာမများ၊ စီးပွားဖြစ်စိုက်သူများက စိတ်ဝင်စားသည်။ ပိုမိုလွယ်ကူပြီး ကုန်ကျစရိတ်သက်သာသော မီဒီယာများသာသုံးစွဲကြရန် ကြံပြုပါသည်၊

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။