မြေနေရာလွတ်မရှိလဲ ကိုယ်ပိုင်ဥယျာဉ်လေးတစ်ခု ဖန်တီးကြမယ်!

     ဒီနေ့ခေတ်အခါမှာတော့ ကျေးလက်ဒေသမှာထက် မြို့ပြဒေသမှာနေထိုင်သူပိုများလာပြီး ကျေးလက်နေပြည်သူများကလည်း စားဝတ်နေရေးအတွက် မြို့ပြဆီသို့ရွှေ့ပြောင်းပြီး အလုပ်လုပ်ကိုင်လာကြတယ်။ လူဦးရေထူထပ်လာပြီး ခြံနဲ့ဝန်းနဲ့နေရတာထက် တိုက်ခန်း၊ အဆောင်တွေမှာ နေရသူတွေက ပိုများလာတယ်။ အခုဆောင်းပါးလေးကတော့ စိုက်တာပျိုးတာတွေကို စိတ်ပါဝင်စားပေမဲ့လည်း စိုက်ပျိုးဖို့ မြေနေရာမရှိပါဘူးဆိုတဲ့ ဝါသနာရှင်လေးတွေအတွက် အသုံးဝင်မယ်လို့ထင်မိပါတယ်။ 

     မိမိတို့နေထိုင်တဲ့နေရာမှာ ဝရံတာလိုမျိုး နေရာလွတ်လေးတော့ ရှိကြမှာပါ။ နေရာလွတ်လေး နည်းနည်းရှိရင် ဥယျာဉ်ခြံလေးတစ်ခု ဖန်တီးရတာမခက်ပါဘူး။ သီးပင်စားပင်လေးတွေလည်း စိုက်နိုင်သလို စိတ်အပန်းဖြေဖို့ ပန်းအလှပင်တေလည်း စိုက်ထားလို့ရပါတယ်။ သီးပင် စားပင်လေးတွေ စိုက်ထားရင် အရာရာဈေးခေါင်ခိုက်တဲ့ မြို့ပြမှာ ဝင်ငွေကို ချွေတာနိုင်သလို ပန်းပင်လေးတွေ စိုက်ထားရင်လည်း စိတ်ဖိစီးမှုတွေကို လျှော့ချနိုင်တာပေါ့။ ခရမ်းချဉ်သီး၊ခရမ်းသီး၊ ငရုတ်ပင်၊ ကြက်သွန်နီ၊ ကြက်သွန်ဖြူ၊ မုန်လာဥ နဲ့ ပဲအမျိုးမျိုးစတဲ့ ဟင်းချက်ရာမှာ မပါမဖြစ်သုံးတဲ့ အပင်လေးတွေရော၊ ဟင်းသီးဟင်းရွက်တွေကိုပါ သင့်တော်တဲ့နေရာမှာ စိုက်ပျိုးနိုင်ပါတယ်။

     စိုက်ပျိုးရာမှာလည်း မြေအိုး၊ ပလတ်စတစ်အိတ်၊ ပလတ်စတစ်ဗန်းစသဖြင့် မိမိအဆင်ပြေသလိုသုံးပြီး ဥယျာဉ်လေးကို မိမိနှစ်သက်သလို ဖန်တီးနိုင်ပါတယ်။ ဒါပေမဲ့သတိပြုရမှာက မိမိထည့်စိုက်မဲ့ အိုး သို့မဟုတ် အိတ်၊ ဗန်း ကတော့ ရေဆင်းအားကောင်းဖို့တော့ လိုပါလိမ့်မယ်။ ရေဆင်းမဲ့အပေါက်က အိုး သို့မဟုတ် အိတ်ရဲ့ အောက်ခြေမှာရှိတာထက် ဘေးဘက်မှာရှိတာက ပိုအဆင်ပြေပါလိမ့်မယ်။

     တကယ်လို့ စိုက်ပျိုးဖို့ သင့်မှာမြေမရှိရင် မြေကြီးအစား သစ်ဖြတ်စ၊ လွှစာမှုန့်၊ ရေညှိမှုန့်၊ တီကျစ်မြေစတာတွေကို အစားထိုးအသုံးပြုလို့ရပါတယ်။ မြေမထည့်ခင် အောက်ခြေမှာ ခဲလုံးများ တစ်လွှာခန့်ထည့်ပေးမယ်ဆိုရင် ရေဆင်းအားပိုကောင်းစေမှာပါ။ ကိုယ်ရေလောင်းဖို့ မမေ့လောက်တဲ့နေရာမှာလည်း ထားဖို့လိုပါမယ်။ စိုက်ပြီးရင်လည်း ရေမကြာမကြာ လောင်းပေးဖို့တော့ လိုမယ်နော်။ အပင်လေးတေက ကိုယ်ရေလောင်းဖို့ မမေ့လောက်တဲ့နေရာလည်းဖြစ်ဖို့လိုပါမယ်။ တစ်နေ့တစ်ခါတော့ ရေပုံမှန်လောင်းဖို့လိုပြီး ရေအရမ်းမများပါစေနဲ့ဦး။ နေရောင်တိုက်ရိုက်ရပြီး မိုးရေလည်း ရနိုင်ရင် ပြုစုရသက်သာပြီး ပမာဏများများထွက်နိုင်ပါတယ်။ 

     ရှိတဲ့နေရာလွတ်လေးမှာ တစ်နိုင်တစ်ပိုင်ဥယျာဉ်ငယ်လေးတစ်ခု ဖန်တီးထားမယ်ဆိုရင် မိမိတို့ရဲ့မီးဖိုချောင်အတွက် ထွက်ငွေလျှော့ချနိုင်သလို စိတ်အပန်းဖြေစရာနေရာလေးတစ်ခုလည်း ရတာပေါ့။ တကယ်လို့ မိမိမှာစိုက်တာပျိုးတာဝါသနာပါတယ် အမှန်တကယ်စိုက်ချင်ပါတယ်ဆိုရင် မြေနေရာရှိတာမရှိတာအပထား ရှိတဲ့နေရာလွတ်လေးမှာ ရအောင်စိုက်ပျိုးကြည့်လိုက်ပါလို့ တိုက်တွန်းရင်း ဒီမှာပဲရပ်ပါရစေ!!!!!!

နန္ဒာအိလှိုင်

https://www.gardeningknowhow.com/special/urban/balcony-vegetable-garden.htm

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်