ငှက်ပျောဖျက်ပိုးများနှင့်ကာကွယ်နှိမ်နင်းနည်းများ

ငှက်ပျောနှာတံရှည်ကျိုင်း၊ ပင်စည်ထိုးကျိုင်း

ဖျက်ပိုးအများအပြားကျရောက်ပါက မပြန့်ကားသေးသော အရွက်သည်သေကာ၊ ပိုးကျနေသော သားတက်ငယ်များသည် ညှိုးလာပြီး ဆက်လက်မဖွံ့ဖြိုးတော့ပါ။ ပိုးအများအပြားကျရောက်သော ငှက်ပျောခြံများသည် ထုတ်လုပ်မှုနည်းလာခြင်း၊ ငှက်ပျောခိုင်များ ပုံမှန်ထက်သေးငယ်ခြင်း စသည်တို့ဖြစ်ပေါ်ကြောင်း တွေ့ရသည်။

ကျိုင်းများသည် ငှက်ပျောပင်ကြီး၏ ပင်စည်ထဲတွင် ၉ လအထိ အသက်ရှင်နေထိုင်နိုင်သည်။ ထို့ကြောင့် ငှက်ပျောခြံများတွင် ကျိုင်းများ အသက်ရှင်နေထိုင်နိုင်သော အပင်အပျက်အစီး အပိုင်းအစများ မရှိစေရန် သန့်ရှင်းရေး ပြုလုပ်ခြင်းသည် အမှန်တကယ်လိုအပ်သော ကာကွယ်နှိမ်နင်းနည်းဖြစ်သည်။ ငှက်ပျောခိုင်များခုတ်သိမ်းပြီးနောက် ငှက်ပျော ပင်စည်များကို မြေကြီးနားကပ်၍ ဖြတ်ပေးသင့်သည်။ စိုက်စနစ်မကောင်းပါက နှာတံရှည်ကျိုင်းများ ဖျက်စီးရန်အတွက် အခြေအ‌နေကောင်းတစ်ခုဖြစ်စေပါသည်။ သားတက်များကို ပုံမှန်ဖြတ်ပေးခြင်း၊ ရေတက်များဖယ်ရှားပေးခြင်းနှင့် အင်းဆက်များခိုလှုံနိုင်သော အပင်၏ ဆွေးမြေ့ပျက်စီးနေသော အစိတ်အပိုင်းများ၊ အရွက်ခြောက်များကို အပင်ခြေ၌မရှိရန် ပြုလုပ်ခြင်းဖြင့် အင်းဆက်ဖျက်ပိုးကျရောက်မှုကို လျော့နည်းစေပါသည်။ ငှက်ပျောပင်စည်ရင်းပတ်လည်တွင် ပေါင်းရှင်းနေရန်နှင့် သန့်စင်သော စိုက်ပျိုးရေးကိရိယာများကို သုံးစွဲရန်အရေးကြီးပါသည်။

ဇီဝကာကွယ်နည်းအဖြစ် အကျိုးပြုကျိုင်းတစ်မျိုးဖြစ်သော Histerid beetle ဖြင့် ဤဖျက်ပိုးကို ထိရောက်စွာကာကွယ်နှိမ်နင်းနိုင်ပါသည်။ ၎င်းအင်းဆက်၏ အကောင်ကြီးနှင့် ပိုးလောက်နှစ်မျိုးလုံးသည် ဖျက်ပိုးများကို အဓိကကာကွယ်နိုင်သော အကျိုးပြုကျိုင်းကောင်များဖြစ်ပါသည်။

ဓါတုဆေးအသုံးပြုမည်ဆိုပါက (၁)ဆေးထောင်ခြောက်ဖြင့် ကာကွယ်နည်း၊(၂)အပင်သစ်များကို ဆေးရည်တွင် နှစ်၍ကာကွယ်နည်း၊(၃) ဖျက်ပိုးကျနေသော အပင်များကို စိုက်ခင်းတွင် ဆေးဖြန်း၍ နှိမ်နင်းနည်း စသည့်နည်း (၃) နည်းဖြင့် ကာကွယ်နိုင်ပါသည်။

ငှက်ပျောပင်စည်ထိုးကျိုင်း

ဤဖျက်ပိုးသည် အကောင်ကြီးအနေဖြင့် ပြန့်ကားနေသော အရွက်နုများ၊ငှက်ပျောပင်စည် များကို ကိုက်ဖျက်စားစသောက်သည်။ထို့ပြင် အသီးနုများ၏ အခွံကို စားသောက်ခြင်းဖြင့် အသီးခွံပေါ်တွင် အမာရွတ်ဖြစ်ကာ ရောင်းပန်းမလှဖြစ်စေသည်။

စိုက်ပျိုးပြုစုရာ၌ သန့်ရှင်းစေခြင်း၊ အထူးသဖြင့် ကျိုင်းကောင်အများအပြား ရှိတတ်သော မြက်ပင်များကို စိုက်ခင်းမှရှင်းလင်းပေးခြင်းဖြင့် ပိုးသတ်ဆေးဖျန်းရန်မလိုအပ်ပဲ ဖျက်ပိုးအရေအတွက်ကို ထိန်းပေးနိုင်ပါသည်။

ဖားများ၊ အိမ်မြှောင်များ၊ ပင့်ကူများသည် ကျိုင်းလောက်ကောင် အများအပြားကို စားသောက်ခြင်းဖြင့် ၎င်း၏ဖျက်ပိုး အရေအတွက်ကို ကျဆင်းစေပါသည်။ ကျိုင်းကောင်များ၏ ဖျက်ဆီးမှုသည် စီးပွားရေးကို များစွာ ထိခိုက်မှုမရှိပါက ပိုးသတ်ဆေးများကို အသုံးမပြုသင့်ပါ။

ငှက်ပျောသံချေးလှေးပိုး

လှေးပိုးများသည် ငှက်ပျောခိုင်အတွင်း ဝင်ရောက်ကာ ပွင့်ဖတ်များ ငှက်ပျောဖီးမှကွာသည်နှင့် အသီးနုများ၏ အခွံပျော့များပေါ်တက်ရောက်၍ စားသောက်ဖျက်စီးကြသည်။ လှေးပိုးများကြောင့် ပျက်စီးမှုသည် အသီး၏အရသာပေါ် သိသာစွာထိခိုက်မှုတော့ မရှိပေ။

ဖျက်ပိုးသည် ဖျက်စီးခံရသော သားတက်များမှပျံ့နှံ့သဖြင့် စိုက်ခင်းသစ်တွင် ပိုးမွှားကင်းသော သားတက်များကိုသာ စိုက်ပျိုးပါ။ ပိုးသတ်ဆေးကို ပြွန်တန်ရှည် တစ်ခုအတွင်း သို့မဟုတ် ပြွန်အတွင်းရှိ ဝါဂွမ်းစတွင် ထည့်ပေးကာ သားတက်ကိုနှစ်၍ စိုက်ပျိုးနိုင်ပါသည်။

Ref: စိုက်ပျိုးပညာပေးရေးနှင့် ကျေးလက်ဒေသဖွံ့ဖြိုးရေးသင်တန်းကျောင်းမှထုတ်ဝေသော သီးနှံ့စိုက်ပျိုးနည်းစနစ်များ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ငှက်ပျောဖျက်ပိုးများနှင့်ကာကွယ်နှိမ်နင်းနည်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ငှက်ပျောဖျက်ပိုးများနှင့်ကာကွယ်နှိမ်နင်းနည်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ရောဂါလေလား ပိုးလေလား

ပိုးသတ်ဆေးကို အန္တရာယ်ကင်းစွာ အသုံးပြုနည်း (Video)

တောင်သူများအတွက် အသုံးဝင်ပြီး ကုန်ကျစရိတ် သက်သာစေမည့် ဘော်ဒိုဆေးရည် ပြုလုပ်နည်း

{{ post.title }}