စေးကပ်ထောင်ချောက်များအား အကျိုးရှိရှိအသုံးပြုခြင်း

တောင်သူဦးကြီးများအနေဖြင့် သီးနှံစိုက်ခင်းများတွင် ဖျက်ပိုးများကာကွယ်နှိမ်နင်းရန် ဖျက်ပိုးကာကွယ်နည်းအမျိုးမျိုးတို့ကို အသုံးပြုလာကြပါသည်။ ပတ်ဝန်းကျင်ကိုထိခိုက်စေသော ပိုးသတ်ဆေးအသုံးပြုခြင်းကို လျော့နည်းစေရန် တစ်ခြားသော ကာကွယ်နည်းများကို အသုံးပြုလာကြသည်။ ကာကွယ်နှိမ်နင်းရာမှာ သီးနှံ၏အရည်အသွေး၊ လူသားတို့၏ ကျန်းမာရေးနှင့်လည်း ညီမျှစေရန် လိုအပ်လာပါသည်။ ယခုတင်ပြအပ်သော ဖျက်ပိုးကာကွယ်နှိမ်နင်းနည်းမှာ တောင်သူဦးကြီးများ အသုံးပြုနေသော စေးကပ်အင်းဆက် ဖျက်ပိုးကာကွယ်နည်း ဖြစ်ပါသည်။

ဖျက်ပိုးထောင်ချောက်များအသုံးပြုရာမှာ စိုက်ကွင်းအတွင်း ကျရောက်နေသော ဖျက်ပိုးများကို ပုံမှန်စောင့်ကြည့်ခြင်းအားဖြင့် အရေအတွက်လျော့ကျခြင်းဖြစ်သည်။ ထိုနည်းလမ်းကိုအသုံးပြုရခြင်းမှာ ဖျက်ပိုးများသည် စေးကပ်ထောင်ချောက်များကို ၎င်းတို့အစာအဖြစ် အသုံးပြုခြင်းကြောင့် ထောင်ချောက်အတွင်းပါရှိသော အဆိပ်များသည် ဖျက်ပိုးများကို သေစေပါသည်။ နဂျယ်များနှင့် တစ်ခြားသောပျံသန်းကောင်များသည်လည်း ထောင်ချောက်အတွင်းပါဝင်သော ကစီဓာတ်များကြောင့် ထိုဖျက်ပိုးများကို ကာကွယ်နှိမ်နင်းနိုင်သည်။ ခြင်နှင့် တစ်ခြားသောဖျက်ပိုးများကို တောက်ပသောအရောင်များဖြင့် ဆွဲဆောင်နှိမ်နင်းနိုင်သည်။

အမျိုးအစားများ

အဝါရောင်စေးကပ်ထောင်ချောက်
အနီရောင်စေးကပ်ထောင်ချောက်
အပြာရောင်စေးကပ်ထောင်ချောက်
အဝါရောင်စေးကပ်ထောင်ချောက်

အဝါရောင်စေးကပ်ထောင်ချောက်

များစွာသောဖျက်ပိုးများကို ကာကွယ်နှိမ်နင်းရန် အဝါရောင်စေးကပ်ထောင်ချောက်ကို အများဆုံးအသုံးပြုကြသည်။ ကန်ဇွန်းဥတွင်ကျရောက်သော ယင်ဖြူကို ၎င်းထောင်ချောက်ဖြင့် ကာကွယ်နိုင်သည်။ ၎င်းထောင်ချောက်သည် ယင်ဖြူ၏အကောင်ကြီးအဆင့်နှင့် အရွယ်ရောက်ကောင်များ၏ အရေအတွက်ကိုပါ ကာကွယ်နိုင်ပါသည်။ အဝါရောင်စေးကပ်ထောင်ချောက်သည် တစ်ခြားသောဖျက်ပိုးများကိုလည်းကာကွယ်နိုင်ပါသည်။ ၎င်းတို့မှာ -ပျများ၊ ခြင်များ၊ ရွက်ထွင်းယင်များ၊ နဂျယ်ကောင်များ၊ ရှုးယင်ကောင်များ၊ လှေပိုးများ၊ ယင်ဖြူများ စသည်တို့ဖြစ်ပါသည်။ အဝါရောင်စေးကပ် ထောင်ချောက်သည် အထူးသဖြင့် သရက်တွင်ကျရောက်သော သီးထိုးယင်ကို ကာကွယ်ရာတွင် အလွန်အသုံးဝင်ပါသည်။ ဖျက်ပိုးများသည် အခြားသော စေးကပ်ထောင်ချောက်များထက် အဝါရောင်စေးကပ်ထောင်ချောက်တွင် ပိုမိုကပ်တွယ်မှုများသည်။

အနီရောင်စေးကပ်ထောင်ချောက်

အနီရောင်စေးကပ်ထောင်ချောက်သည် လိပ်ပြာ၊ ဖလံနှင့် နဂျီကောင်များ ကျရောက်မှုကို ထိရောက်စွာ ကာကွယ်ဟန့်တားနိုင်ပါသည်။

အပြာရောင်စေးကပ်ထောင်ချောက်

အပြာရောင်စေးကပ်ထောင်ချောက်သည် အကျိုးပြုအင်းဆက်ပိုးများဟန့်တားရန် (သို့မဟုတ်) လှေးပိုးကျရောက်မှုကို စောင့်ကြည့်စစ်ဆေးရာတွင် အသုံးဝင်သည်။ ၎င်းကို ဖျက်ပိုးအရေအတွက်များပြားလာချိန်ကျမှ ကာကွယ်ခြင်းထက် အစောပိုင်းအချိန်များတွင် အသုံးပြုခြင်းသည် အကောင်းဆုံးဖြစ်ပါသည်။

အချုပ်အားဖြင့်ဆိုရသော် စေးကပ်ထောင်ချောက်များ အသုံးပြုခြင်းသည် တောင်သူဦးကြီးများအတွက် ပိုးသတ်ဆေးအသုံးပြုရန် ကုန်ကျစရိတ်ကို သက်သာစေပြီး ပတ်ဝန်းကျင်ထိခိုက်မှုကို လျော့နည်းစေပါသည်။ ထို့ပြင် တစ်ခြားသော ဖျက်ပိုးကာကွယ်နှိမ်နင်းနည်းများဖြင့်လည်း အတူတကွ တွဲဖက်၍ ကာကွယ်အသုံးပြုနိုင်သောကြောင့် အကျိုးကျေးဇူးများစွာကို ပိုမိုရရှိမည်ဖြစ်ပါသည်။

လင်းလင်းထွန်း

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ