လယ်တောအပြန်ဟင်းတစ်ခွက် ရေထိကရုန်းချက်(သို့)ဒါဏ်ရာအကျက်မြန်တဲ့ ရေထိကရုန်း

    ရေထိကရုန်းချက်စားဖူးကြရဲ့လားရှင့်။ ခုလို မိုးရာသီမှာ လယ်ထဲကအပြန် ခူးလာတဲ့ ရေထိကရုန်းတွေက စားမြိန်တဲ့ ရာသီစာဟင်းတစ်ခွက်ဖြစ်သလို ကျန်းမာရေးရှု့ထောင့်ကနေကြည့်ရင်လည်း အကျိုးများတဲ့ ဟင်းတစ်ခွက်ပါ အိမ်ရှင်မတို့ရေ…

    ရေထိကရုန်းက စိတ်ကျရောဂါတွေအတွက်ပါ ကောင်းပါသတဲ့နော်။ နောက်ထပ် ဘာတွေကောင်းလဲဆိုတောကိုတော့ ဆက်လက်ဖော်ပြပါမယ်။ ငွေကုန်ကြေးကျလည်း မများ၊ ကျန်းမာရေးနဲ့လည်း ညီညွတ်၊ စားလို့လည်းကောင်းမယ့် ရေထိကရုန်းချက်လေးကို ဟင်းအဖြစ်ချက်စားမယ်ဆိုရင်တော့ 

၁။ အူလမ်းကြောင်းရှင်းပေးတယ်

    ရေထိကရုန်းစေ့လေးတွေက ဗိုက်ထဲရောက်လို့ အူလမ်းကြောင်းထဲရောက်ပြီဆိုရင် ပွလာပြီး အူလမ်းကြောင်းနံရံမှာရှိတဲ့ မကောင်းတဲ့ ဘက်တီးရီးယားတွေကို သန့်ရှင်းပေးပါတယ်။ အူလမ်းကြောင်းမှာရှိတဲ့ မကြေညက်တဲ့အစာတွေကို သယ်သွားပေးပါတယ်။

၂။ ကပ်ပါးကောင်တွေကို သေစေတယ်

    သံကောင်တွေဖြစ်လာမယ့် သားလောင်းကပ်ပါးတွေရှိနေရင် ရေထိကရုန်းက ဖယ်ရှားပေးတယ်လို့ သိပ္ပံပညာရှင်တွေက ရှာဖွေတွေ့ရှိထားပါတယ်။

၃။ စိတ်ဝေဒနာတွေကို ကုသပေးတယ်

    လူငယ်လူရွယ်တွေမှာ အဖြစ်များတဲ့ စိတ်ဓာတ်ကျရောဂါ၊ စိတ်ခံစားချက်ပုံမှန်မဟုတ်တာ ဒီလို စိတ်နဲ့ဆိုင်တဲ့ရောဂါတွေအတွက်လည်း ရေထိကရုန်းက အထောက်အကူဖြစ်စေပါတယ်။ ဝမ်းတစ်လုံးကောင်း ခေါင်းမခဲ ဆိုသလိုပဲ အူရဲ့ကျန်းမာရေးက ကောင်းမွန်တဲ့အခါ စိတ်ပိုင်းဆိုင်ရာ ကျန်းမာရေးလည်း အဆင်ပြေလာပါတယ်။ အကယ်၍ သင်က ကိုယ့်ကိုကိုယ် စိတ်ကျရောဂါခံစားနေရတယ်လို့ထင်မိရင် ရေထိကရုန်းလေးချက်စားပေးပါနော်။

၄။ ဓာတ်တိုးဆန့်ကျင်ပစ္စည်းတွေကြွယ်ဝတယ်

    ခန္ဓာကိုယ်ထဲက အဆိပ်အတောက်တွေကိုဖယ်ရှားပေးတဲ့ antioxidant က ရေထိကရုန်းမှာလည်း ပါဝင်ပါတယ်။

၅။ အကြောအတွက်ကောင်းတယ်

    ကျောရိုးမကြီးကနေ တင်ပါးကိုဖြတ်ပြီး ခြေထောက်အဖျားထိသွားတဲ့ လူ့ခန္ဓာကိုယ်ထဲက အရှည်ဆုံးအကြောက ဒါဏ်တစ်ခုခုကြောင့် နာနေတယ်ဆိုရင် ရေထိကရုန်းမှာပါတဲ့ဓာတ်က အကြောတွေ ပြန်လည်အလုပ်လုပ်ဆောင်ဖို့ ကောင်းမွန်တဲ့ထောက်ပံ့မှုကို ပေးပါတယ်။ ဒီလိုအကြော ဒါဏ်ရာရနေတဲ့သူတွေကို ရေထိကရုန်းအရည်နဲ့ ကုသခဲ့ရပါတယ်။ တစ်လမှာ ၄ ရက် ၃ လ သောက်ခိုင်းတဲ့အခါ ရလာဒ် ၄၀ ရာခိုင်နှုန်း ပိုမိုကောင်းမွန်လာတယ်လို့ဆိုပါတယ်။

၆။ အသဲပျက်စီးမှုကို ကာကွယ်ပေးနိုင်ပါတယ်

    အသဲက လူ့ခန္ဓာကိုယ်အတွက် အရေးကြီး အစိတ်အပိုင်းတစ်ခုလည်းဖြစ်ပါတယ်။ ကိုယ့်မိသားစုတွေထဲမှာ အသဲနဲ့ပတ်သက်လို့ မကျန်းမာတဲ့သူရှိရင် ထိကရုန်းချက်လေး မကြာမကြာကျွေးပေးခြင်းက ဆေးကောင်းတစ်ခွက်ပါ။ အသဲကိုထိခိုက်စေတဲ့အဆီတွေကို ခြေဖျက်ပေးပါသတဲ့။

၇။ လူကိုထိခိုက်စေတဲ့ မိုက်ခရုပ်တွေကို သတ်ပေးတယ်

    မိုက်ခရုပ်ဆိုတာကတော့ မိုက်ခရိုစကုပ်နဲ့ကြည့်မှ မြင်နိုင်တဲ့ ဘက်တီးရီးယား၊ မှို၊ ဗိုင်းရပ်စ် သေးသေးလေးတွေပါ။ ခုလိုအချိန်မှာ ရေထိကရုန်းချက်စားပေးခြင်းက မမှားပါဘူးနော်။

၈။ ဒါဏ်ရာအမြန်ကျက်ဖို့လည်း သုံးတယ်

    ရေထိကရုန်းကို ရှေးယခင်တွေတည်းက သွေးထွက်နေတဲ့ဒါဏ်ရာပေါ်မှာ ပတ်တီးလို ငုံခဲ့ကြတာပါ။ သွေးတိတ်စေပြီး ဒါဏ်ရာကိုအကျက်မြန်စေပါတယ်။ ဒီအကြောင်းကို သိပ္ပံပညာရှင်တွေစမ်းသပ်ကြတဲ့အခါမှာလည်း ရေထိကရုန်းထဲမှာပါတဲ့ ဓာတ်တစ်မျိုးက ဒါဏ်ရာကို ဘာမှမလုပ်တဲ့ ပုံမှန်အခြေအနေထက် ၂.၅ ဆပိုပြီး အနာကျက်မြန်စေပါသတဲ့။

ထိကရုန်အရွက်မှာ အိုင်းရွန်း၊ ဇင့်၊ ကော့ပါးတွေပါတာကြောင့် အရေပြားကျန်းမာရေးအတွက်လည်းကောင်းပါသတဲ့။

၉။ ဝမ်းလျောခြင်းအတွက် အသုံးပြုနိုင်

    ပုံမှန်အားဖြင့် ဝမ်းလျောခြင်းကို သက်သာစေတဲ့ဆေးတွေ ရှာရခက်နေချိန်မှာ ရေထိကရုန်းကလည်း ဝမ်းသွားတဲ့အကြိမ်ရေကို လျော့ချပေးနိုင်ပါတယ်။ အူလမ်းကြောင်းမှာ အစာသွားနှုန်းကို လျော့ချလိုက်တာဖြစ်လို့ သွားနေတဲ့ဝမ်းကို တန့်စေပါတယ်။ ဒါ့အပြင် ရေထိကရုန်းက အူလမ်းကြောင်းကျန်းမာရေးအတွက်လည်း ကောင်းမွန်စေပါတယ်။

၁၀။ ဝမ်းတွင်းပြည်တည်နာတွေကို သက်သာစေ

    အစာအိမ်နဲ့ အူသိမ်အပေါ်ပိုင်းမှာဖြစ်တတ်တဲ့ ဝမ်းတွင်းပြည်တည်နာတွေကိုလည်း သက်သာစေပါတယ်။ အစာအိမ်အချဉ်ပေါက်မှုကို လျော့ကျစေပြီး အစာစုပ်ယူမှုကောင်းအောင် အားပေးပါတယ်။

    ရေထိကရုန်း အစေ့ ၊ အမြစ်၊ အရွက်နဲ့ ပင်စည်တွေက ဒါဏ်ရာတွေ အမြန်အနာဖေးတက်စေဖို့ အသုံးဝင်တဲ့ ဆေးပင်အဖြစ် ထင်ရှားပါတယ်။ အပေါ်မှာဖော်ပြခဲ့တဲ့ အချက်တွေကို သိပ္ပံပညာရှင်တစ်ချို့ကလည်း စမ်းသပ်တွေ့ရှိထားတာဖြစ်တာကြောင့် ဆေးဝါးအခက်အခဲဖြစ်နေချိန်၊ ဆေးဝါးနဲ့ အလှမ်းဝေးနေတဲ့ဒေသတွေမှာ ရေထိကရုန်းကို ဟင်းအဖြစ်သာမက ကောင်းကောင်း အသုံးချလို့ရကြောင်း ရေးသားဖော်ပြလိုက်ရပါတယ်။

Ref: https://microbeformulas.com/blogs/microbe-formulas/10-health-benefits-of-mimosa-pudica

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်