စာအုပ်စင်ကဏ္ဍ

အဆင့်(၁) ပထမဦးစွာ Greenway ဖုန်းဆော့ဝဲလ်ကို Play store မှ Download ရယူပါ။ သို့မဟုတ် Greenway ဆော့ဝဲလ်ရှိထားသော ဖုန်းမှ Zapya ဖြင့် ကူးယူပါ။ ထို့နောက် ဖုန်းဆော့ဝဲလ်ကို အသုံးပြုရန်အတွက် အင်တာနက်လိုင်း ဖွင့်ထားပါ။

အဆင့်(၂)မှတ်ပုံတင်ခြင်း(Registration) လုပ်ငန်းစဉ်ကို ဆောင်ရွက်ပါ။

အဆင့်(၃) ထို့နောက် Greenway ဆော့ဝဲလ်ထဲသို့ ဝင်ရောက်ပါ။ ပုံတွင် ပြထားသည့်အတိုင်း ပင်မစာမျက်နှာတွင် စာအုပ်စင်ဟူသော ကဏ္ဍအားဝင်ရောက်ရန်  “စာအုပ်စင်”ဟူသော အဝိုင်းလေးကို နှိပ်ပေးပါ။

အဆင့်(၄)ပုံတွင်ပြထားသည့်အတိုင်း စာအုပ်များကိုတွေ့ရပါမည်။

အဆင့်(၅) စာအုပ်အမျိုးအစားကိုနှိပ်၍ မိမိဖတ်ရှုလိုသော စာအုပ်အမျိုးအစားများကိုရွေးချယ်နိုင်ပေသည်။

အဆင့်(၆) စာရေးဆရာများကိုလည်းရွေးချယ်၍ ဖတ်ရှုနိုင်သည်။

အဆင့်(၇) ပုံတွင်တွေ့ရသကဲ့သို့ မိမိဖတ်ရှုလိုသည်ကို ရွေးချယ်ပြီးပါကFacebookတွင်ဝေမျှနိုင်သည်။ စာအုပ်အရွယ်အစားများ(MB,KB)ကိုလဲဖော်ပြထားသည့်အတွက် စာအုပ်အရွယ်အစားကို သိရှိနိုင်ပြီး အောက်တွင်စာအုပ်နှင့်ပတ်သက်သော အကြောင်းအရာအချို့လဲဖော်ပြထားပါသည်။ မိမိဖတ်ရှုရန်အတွက် (Download)ဆွဲလိုပါက “စာအုပ်ရယူမည်"ကိုနှိပ်ပါ။

အဆင့်(၈) “စာအုပ်ရယူမည်"ကိုနှိပ်ပြီးပါက ပုံတွင်တွေ့ရသကဲ့သို့ အဝါရောင်အတန်းလေး ပြီးဆုံးသည့်အထိ ‌ခေတ္တစောင့်ရပါမည်။ 

အဆင့်(၉)မိမိဖတ်ရှုလိုသော စာအုပ်အားရယူပြီးဖြစ်ပါက  "စာအုပ်ဖတ်မည်" ဟူသော ခလုတ်အားနှိပ်ရပါမည်။ ထိုအခါ မိမိဖုန်းတွင်ရှိသော စာအုပ်ဖတ်နိုင်သည့် ဆော့ဝဲလ်ကို ရွေးချယ်၍ဖတ်ရှုရမည်ဖြစ်ပါသည်။

 သတိပြုရမည်မှာ စာအုပ်ဖတ်ရန်အတွက်

၁.PDF viewer

၂.Google PDF view

၃.PDF Reader 

၄.WPSoffice စသော ဆော့ဝဲလ်များ ရှိရန်လိုအပ်ပါသည်။ စာအုပ်များကို တစ်ခါရယူပြီးပါက မိမိဖုန်းထဲတွင်အချိန်မရွေးပြန်လည် ဖတ်ရှုနိုင်ပေသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်