ခိုစာကျွေးသူများကို ဒဏ်ငွေအပြင် ထောင်ဒဏ်ပါချမှတ်နိုင်ပြီ

ရန်ကုန်၊ စက်တင်ဘာ ၂၃ ရက်။

ခိုစာကျွေးသူများကို ဒဏ်ငွေအပြင် ထောင်ဒဏ်ပါချမှတ်နိုင်ပြီး တိရိစ္ဆာန်များ အစားအစာကျွေးမွေးခြင်းအတွက် ပြစ်ဒဏ်အနေဖြင့် ငွေဒဏ် ၅သောင်းကျပ်မှ ကျပ်တစ်သိန်းထိဖြစ်စေ၊ ထောင်ဒဏ် ၃ လအထိဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ကြောင်း ရန်ကုန်မြို့တော် စည်ပင်သာယာရေးကော်မတီ၊ တိရစ္ဆာန်ဆေးကုနှင့် အသားထုတ်လုပ်ရေးများဌာနမှ သိရသည်။

ရန်ကုန်မြို့တွင်းရှိ ခိုစာရောင်းချနေသူများနှင့် ခိုစာကျွေးသူများကို ပပျောက်အောင် ဆောင်ရွက်သွားမည်ဖြစ်ကြောင်း စက်တင်ဘာလ၂၃ ရက်တွင် ရန်ကုန်မြို့တော်ခန်းမ၌ ပြုလုပ်သည့် စည်ပင်သတင်းစာရှင်းလင်းပွဲမှ သိရသည်။

"အခုဆို မြို့လယ်ခေါင်မှာ အစာတွေကျွေးနေတယ်။ အဲ့နေရာမှာ မကျွေးပါနဲ့ မကျွေးရင် ဒီခိုမရှိတော့ပါဘူး။ တချို့နေရာတွေမှာ ခိုစာကျွေးလို့သာ ခိုတွေက အဲ့နေရာမှာ စုပြီးတော့နေနေတာပါ။ ကျန်းမာရေး အတွက်ပါ။ ဒါကြောင့် မြို့နယ်တိုင်းမှာ ခိုစာရောင်းတဲ့သူတွေ ပျောက်ကွယ်သွားအောင် ဆောင်ရွက်မယ်။ နောက်ခိုစာကျွေးတဲ့သူတွေ ပပျောက်သွားအောင် လုပ်မယ်"ဟု ရန်ကုန်မြို့တော် စည်ပင်သာယာရေးကော်မတီ၊ တိရစ္ဆာန်ဆေးကုနှင့် အသားထုတ်လုပ်ရေးများဌာနမှ ဌာနမှူး ဦးမင်းအောင်က ပြောသည်။

လာမည့်ပတ်မှစ၍ ရန်ကုန်မြို့ရှိ မြို့နယ်တိုင်းတွင် ခိုစာမကျွေးရန် ဗီနိုင်းများကပ်သွားမည်ဖြစ်ပြီး ပထမအဆင့်အနေဖြင့် စည်းရုံးခြင်း၊ ဒုတိယအနေဖြင့် သတိပေးခြင်းနှင့် နောက်ဆုံးအဆင့်အနေဖြင့် ဒဏ်ရိုက်ခြင်းများကို လုပ်ဆောင်မည်ဖြစ်ကြောင်း သိရသည်။

"စာကပ်ဖို့က အမိန့်ရပါပြီ။ လာမယ့်အပတ်လောက်ကျရင် မြို့နယ်တွေမှာ ဗီနိုင်းတွေကို ချိတ်ဆွဲကပ်ပါမယ်။ ပြစ်ဒဏ်ထဲမှာတော့ ထောင်ဒဏ်ဆိုတာ ပါပါတယ်။ သို့သော် ယနေ့အချိန်ထိ ကျွန်တော်တို့ ပြည်သူလူထုကို ထောင်ချတာတို့ မလုပ်ပါဘူး ။ စည်းရုံးတဲ့ နည်းလမ်းနဲ့ပဲ ဆောင်ရွက်နေပါတယ်။ ခိုရဲ့သဘောသဘာဝကိုက ခိုဟာ ဖမ်းရခက်ပါတယ်။ လူမြင်ကွင်းမှာ ဖမ်းမယ်ဆို လွယ်ပါတယ်။ ပိုက်ကွန်နဲ့ အုပ်လိုက်ရင်ရပါတယ်။ ဒါပေမယ့် ဒီခိုကို ဘယ်ကိုသွားပို့မလဲ ခိုစာမကျွေးရင် ဒီခိုဟာမရှိပါဘူး။ ခိုစာလာမကျွေးရင် သူ့အစာရှိတဲ့ နေရာကို ပျံသွားပါလိမ့်မယ်။" ဟု ဦးမင်းအောင်က ဆိုသည်။

ခိုများကြောင့် ကြက်ငှက်တုပ်ကွေးရောဖြစ်ပြီး ရောဂါများ တစ်နေရာမှ တစ်နေရာသို့ သယ်ဆောင်ရာတွင်လည်း လွန်စွာဆိုးဝါးကြောင်းသိရသည်။

ရန်ကုန်မြို့တော် စည်ပင်သာယာအနေဖြင့် ကျန်းမာရေးအတွက် ဖယ်ရှားရှင်းလင်းသုတ်သင်ခွင့်ရှိသည့် တိရိစ္ဆာန် ၃ မျိုးရှိပြီး ယင်းတို့မှာ ခွေး၊ ကြွက်နှင့် ကျီးတို့ဖြစ်သည်။

ခိုစာရောင်းသူများကို ဥပဒေအရ အရေးယူ၍ရပြီး ကျန်းမာရေးဥပဒေအရ ပတ်ဝန်းကျင် ညစ်ညမ်းအောင်လုပ်ခြင်းကြောင့် ခိုများကို အစာမကျွေးရဟူ၍ ဥပဒေထဲတွင် ပါရှိကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...