ပြောင်းတွင်ကျရောက်သော ဖောငမြှောင်တောင်အား ကြိုတင်ကာကွယ်နှိမ်နင်းနည်း

မြန်မာအမည် - ဖောငမြှောင်တောင်

ကျရောက်ဖျက်စီးတတ်သည့် အဆင့်များ - အပင်ပေါက်နှင့် ပင်ပိုင်းကြီးထွားမှုအဆင့်၊ ကတော့ထိုးအဆင့်၊ အနှံထွက်အဆင့်၊ ပြောင်းဖူးသားကပ်အဆင့်။

လောက်ကောင်အဆင့် - လောက်ကောင်၏ မျက်လုံးနှစ်ခုကြား ဦးခေါင်းခွံသည် “Y” အက္ခရာပြောင်းပြန် အနေအထားပုံစံဖြစ်သည်။ ခန္ဓာကိုယ်အဆစ်များ၏ ဒုတိယနောက်ဆုံးအဆစ်တွင် ပါရှိသော အစက်အပြောက် (၄)ခုသည် စတုရန်းသဏ္ဍာန် ဖြစ်သည်။ ပန်းရောင်မှ အညိုရောင်ရင့်ရင့်ရှိကြပြီး ၄၀ မီလီမီတာထိ ကြီးထွားကြသည်။

ရုပ်ဖုံးအဆင့် - တောက်ပသည့် အညိုရောင်ရှိပြီး ၁၃-၁၇ မီလီမီတာ ရှည်လျားသည်။ လက်ခံပင်ဝန်းကျင်ရှိ မြေကြီးအတွင်း ရှိကြသည်။

အကောင်ကြီးဖလံအဆင့် - ညအချိန်မှ လှုပ်ရှားလေ့ရှိပြီး အတောင်အရှည် ၃၂-၄၀ မီလီမီတာခန့် ရှိသည်။ အရှေ့အတောင်-မီးခိုးညိုရောင် နှင့် အနောက်အတောင်-မိတ်ကပ်ရောင် ရှိသည်။ အထီးတို့တွင် အရှေ့အတောင် ထိပ်ဖျား၌ အဖြူရောင်အစက် ပါရှိသည်။

ဖောငမြှောင်တောင် ကြိုက်နှစ်သက်သော အခြေအနေများ -

အပူချိန် - ၂၈ ဒီဂရီတွင် အကောင်းဆုံး ဖွံ့ဖြိုးသည်။ ၁၁ ဒီဂရီနှင့် ၃၀ ဒီဂရီအတွင်း ရှင်သန်ကြသည်။ ရာသီဥတုအေးလျှင် သားဆက်အရေအတွက် နည်းသွားသည်။

မိုးရွာသွန်းမှု - မကြာခဏ မိုးရွာသွန်းခြင်းသည် ပြောင်းခင်းများအား စိမ်းလန်းစေပြီး ငမြှောင်တောင်များအား ဥ အုချရန်နှင့် လောက်ကောင်များ အသက်ရှင်သန်ရန် အခြေအနေပေးသည်။

တိမ်ထူထပ်ခြင်း - ဖောငမြှောင်တောင် ဦးရေ လျှင်မြန်စွာ တိုးပွားမှုအား သက်ရောက်သည်။

မြေသားအစိုဓာတ် - ဥ အုချခြင်းဖြစ်စဥ်အား လွယ်ကူစေသည်။

ကာကွယ်နှိမ်နင်းနည်း

မျိုးစေ့လူးနှယ်စိုက်ပျိုးခြင်း၊ ပိုးသတ်ဆေးဖျန်းခြင်း၊ အစာအဆိပ်အသုံးပြုခြင်း၊ လက်ဖြင့်ကောက်ယူခြင်း၊ စိုက်ပျိုးပြုစုခြင်းနည်းစနစ်များ၊ ဇီဝနည်းဖြင့် ကာကွယ်နှိမ်နင်းခြင်း၊ ရေရှည်တည်တံ့သည့် စိုက်ပျိုးရေးနည်းစနစ်များ၊ ခံနိုင်ရည်မျိုးများဖြင့် ကာကွယ်နှိမ်နင်းနိုင်ပါသည်။

သဘာဝပိုးသတ်ဆေးဖြင့် ကာကွယ်နည်း

တမာပိုးသတ်ဆေးဆီနှင့် ဆေးရွက်ကြီးပိုးသတ်ဆေးရည်တို့အား ပြောင်းပင်၏ ကတော့အတွင်း ထည့်သွင်းအသုံးပြုခြင်း၊ တမာဆီနှင့် ဆပ်ပြာရည်အား ရောစပ်ပက်ဖျန်းခြင်း၊ ကြက်သွန်ဖြူပိုးသတ်ဆေးရည် အသုံးပြုခြင်း၊ ပြာနှင့် ငရုတ်သီးမှုန့် ရောစပ်အသုံးပြုခြင်း၊ ဥမြုံများနှင့် လောက်ကောင်များအား လက်ဖြင့် ကောက်ယူစွန့်ပစ်ခြင်း၊ Bacillus thuringiensis အခြေခံ ဇီဝပိုးသတ်ဆေး၊ စိုက်ချိန်မညီညာခြင်းနှင့် နောက်ကျစိုက်ပျိုးခြင်းတို့အား ရှောင်ခြင်း၊ သီးညှပ်စိုက်ပျိုးခြင်း၊ ထယ်ရေးနက်နက် ထွန်ယက်ခြင်း၊ သီးနှံအကြွင်းအကျန် များအား မီးရှို့ဖျက်ဆီးခြင်းစသည့် နည်းလမ်းများအားအသုံးပြုနိုင်သည်။

ဓာတုနည်းဖြင့် နှိမ်နင်းရာတွင် ရွေးချယ်အာနိသင်ရှိ ပိုးသတ်ဆေးများဖြစ်သည့် စပီနိုဆန်၊ အီမာမက်တင်ဘန်ဇိုရိတ်၊ ကလိုရန်ထရန်နီလီပရိုးလ် တို့အား အသုံးပြုနိုင်သည်။ အာနိသင်ကောင်းမွန်စေရန် နံနက်စောစော သို့မဟုတ် ညနေခင်းအချိန်များတွင် ပက်ဖျန်းပါ။

ကာကွယ်မှုအနေဖြင့် ကင်းထောက်စစ်ဆေးခြင်း၊ စောစောစိုက်ပျိုးခြင်း၊ လက်ဖြင့်ကောက်ယူခြင်း၊ ထယ်ရေးနက်နက် ထွန်ယက်ခြင်းကို ပြုလုပ်ရမည်။

ငမြှောင်တောင်ကျရောက်တတ်သော သီးနှံများ - ပြောင်း၊ စပါး၊ နှံစားပြောင်း၊ ကြံ၊ ဂေါ်ဖီ၊ ကြက်သွန်၊ ခရမ်းချဥ်၊ အာလူး၊ မြေပဲ၊ ပဲပုပ်၊ ဝါနှင့် စားကျက်များ။

အသုံးပြုနိုင်သော ဆေးAI များမှာ - Lambda cyhalothrin၊ Carbaryl Spinetoram၊ Chlorantraniliprole၊ Emamectin benzoate နှင့် Flubendiamide တို့ဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...