အစိမ်းရောင်လမ်းမြန်မာနိုင်ငံတွင်ရှိသော မြေအမျိုးအစားများအလိုက် တွေ့ရှိနိုင်သော တိုင်းနှင့်ပြည်နယ်များနှင့် စိုက်ပျိုးနိုင်သော သီးနှံအမျိုးအစားများကို ဖော်ပြပေးလိုက်ပါသည်။
(၁) နုန်းမြေ
နုန်းမြေကို ဧရာဝတီတိုင်းဒေသကြီး နှင့် ပဲခူးတိုင်းဒေသကြီးတို့တွင် အများဆုံး တွေ့ရပါသည်။ နုန်းမြေ တွင် မြေပဲ၊ နှမ်း၊ ဆေး၊ ငရုတ်၊ ပြောင်း၊ ကြံ၊ ပဲမျိုးစုံ နှင့် ဟင်းသီးဟင်းရွက် စသည့်သီးနှံများ စိုက်ပျိုး နိုင်ပါသည်။
(၂) လယ်မြေ
လယ်မြေကို ပြည်နယ်နှင့် တိုင်းဒေသကြီး အားလုံးတို့တွင် တွေ့ရပါသည်။ လယ်မြေတွင် စပါး၊ မြေပဲ၊ နှမ်း၊ ပြောင်း၊ ဝါ၊ ဂုန်လျှော်၊ ကြံ၊ ငရုတ် နှင့် ဟင်းသီးဟင်းရွက် စသည့်သီးနှံများ စိုက်ပျိုး နိုင်ပါသည်။
(၃) ဂဝံမြေ
ဂဝံမြေကို ကရင်၊ မွန်၊ ရခိုင်ပြည်နယ်နှင့် တနင်္သာရီ၊ ပဲခူး၊ ဧရာဝတီတိုင်းဒေသကြီးတို့ တွင် တွေ့ရပါသည်။ ဂဝံမြေတွင် ရာဘာ၊ ဆီအုန်း၊ ဒူးရင်း၊ နာနတ်၊ သီဟိုဠ်သရက်၊ ငှက်ပျော၊ အုန်း၊ စသည့်သီးနှံများ စိုက်ပျိုးနိုင်ပါသည်။
(၄) ဝါညိုတောမြေ
ဝါညိုတောမြေကို ကရင်၊ မွန်၊ ရှမ်း ပြည်နယ် နှင့် တနင်္သာရီ၊ မကွေး၊ မန္တလေး၊ ရန်ကုန်၊ ဧရာဝတီတိုင်းဒေသကြီးတို့တွင် တွေ့ရပါသည်။ ဝါညိုတောမြေတွင် ရာဘာ၊ နာနတ်၊ လက်ဖက်၊ နှင့် ဥယျာဉ်ခြံသီးနှံများစသည့် သီးနှံများ စိုက်ပျိုးနိုင်ပါသည်။
(၅) မြေနီ
မြေနီကို ရှမ်းပြည်နယ်၊ ကယားပြည်နယ် နှင့် မန္တလေးတိုင်းဒေသကြီးတို့တွင် တွေ့ရပါသည်။ မြေနီတွင် ယာစပါး၊ ပဲပုပ်၊ မြေပဲ၊ လက်ဖက်၊ နှမ်း၊ ကော်ဖီ၊ ဟင်းသီးဟင်းရွက် နှင့် ဥယျာဉ်ခြံသီးနှံ စသည့်သီးနှံများ စိုက်ပျိုးနိုင်ပါသည်။
(၆) နီညိုတောမြေ
နီညိုတောမြေကို ကယားပြည်နယ် နှင့် ရန်ကုန်တိုင်းဒေသကြီးတို့မှအပ ကျန်ပြည်နယ်နှင့် တိုင်းဒေသကြီးအားလုံးတွင် တွေ့ရပါသည်။ နီညိုတောမြေတွင် ရာဘာ၊ သရက်၊ နာနတ်၊ လက်ဖက်၊ ကော်ဖီ၊ ဥယျာဉ်ခြံသီးနှံများနှင့် သစ်တောများကို စိုက်ပျိုးနိုင်ပါသည်။
(၇) မြေနီသဲဝန်း
မြေနီသဲဝန်းမြေအမျိုးအစားကို စစ်ကိုင်း၊ မကွေး၊ မန္တလေးတိုင်းဒေသကြီးတို့တွင် တွေ့ရပါသည်။ ဤမြေမျိုးတွင် စပါး၊ မြေပဲ၊ နှမ်း၊ နေကြာ၊ ပဲမျိုးစုံ၊ ဝါ၊ ကြံ၊ ငရုတ်၊ နှံစားကပြ ာင်း နှင့် ဟင်းသီးဟင်းရွက် စသည့် သီးနှံများ စိုက်ပျိုးနိုင်ပါသည်။
(၈) စနယ်မြေစေး
စနယ်မြေအမျိုးအစားကို စစ်ကိုင်း၊ မန္တလေးနှင့် မကွေးတိုင်းဒေသကြီးတို့တွင် တွေ့ရပါသည်။ ဤမြေ မျိုးတွင် စပါး၊ မြေပဲ၊ နှမ်း၊ နေကြာ၊ ဝါ၊ ကြံ၊ ပဲမျိုးစုံ၊ ငရုတ် နှင့် နှံစားပြောင်းစသည့် သီးနှံတို့ကို စိုက်ပျိုး နိုင်ပါသည်။
Crd#ရေဆင်းစိုက်ပျိုးရေးတက္ကသိုလ်
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}