ခဝဲသီးစားခြင်းဖြင့် ဆီးကျိတ်ဖြစ်ပွားမှုလျော့ကျစေနိုင်သည်

ပါဝင်သောအာဟာရဓာတ်များအနေနှင့်လည်း ကျန်းမာရေးကို အထောက်အကူပြုစေသော ဟင်းသီးဟင်းရွက်မှာ ခဝဲသီးပင်ဖြစ်ပေသည်။ ခဝဲသီး၏ အရသာမှာချိုပြီး အနည်းငယ်ဖန်သည်။ နှစ်စဉ် မေလနှင့် ဇူလိုင်လတွင် လှိုင်လှိုင်ပေါများစွာ ဝယ်ယူရရှိနိုင်သည်။

အာဟာရဓာတ်နှင့်ပုံသဏ္ဍာန်

ခဝဲသီးမှာ နိုင်ငံအလိုက် ပုံသဏ္ဍာန်အမျိုးမျိုးကွဲပြားသော်လည်း ပါဝင်သောအာဟာရဓာတ်များမှာတူညီမှုရှိပါသည်။ အများအားဖြင့် ခဝဲသီးတွင်ပါဝင်သော ဓာတ်မှာ ကယ်လိုရီ၊ ဗီတာမင်စီ၊ မင်းဂနီးစ်၊ ပိုတက်ဆီယမ်၊ အမျှင်ဓာတ်၊ ဗီတာမင် B6 ပင်ဖြစ်ပေသည်။

အများဆုံးပါဝင်သည့် အာဟာရဓာတ်မှာ ဗီတာမင်စီ ၂၇ ရာခိုင်နှုန်း၊ ပိုတက်ဆီယမ် ၂၄ ရာခိုင်နှုန်း၊ မင်းဂနီးစ် ၂၃ ရာခိုင်နှုန်း၊ အမျှင်ဓာတ် ၂၃ ရာခိုင်နှုန်းတို့ပင်ဖြစ်ပေသည်။ ပေါင်းစပ်သော ဒြပ်စင်များသည် ထူးခြားသော ဂုဏ်သတ္တိကိုလည်း အသီးတွင်တွေ့ရှိရကြောင်းကို ၂၀၀၈ခုနှစ်တွင် ဗြိတိသျှသုတေသီများက ပြောကြားခဲ့ခြင်းပင်ဖြစ်ပေသည်။

နှလုံးရောဂါ၊ ဆီးကျိတ်ကင်ဆာ

ခဝဲသီးကို သီတင်းတစ်ပတ်လျှင် သုံးကြိမ်ခန့်ပုံမှန်စားသုံးသွားခြင်းဖြင့် ဆီးကျိတ်ကင်ဆာဖြစ်မှုကိုလျော့ကျစေနိုင်ပြီး နှလုံးရောဂါနှင့် လေဖြတ်မှုကိုလျော့နည်းစေသည့်အပြင် သွေးကြောပိတ်ဆို့မှုကိုလည်း မဖြစ်ပွားစေနိုင်ကြောင်းကို ဆက်လက်၍ ပြောကြားခဲ့ပေသည်။

ဟင်းလျာအဖြစ်

ခဝဲသီးသည် ချိုသောအရသာရှိပြီး နူးညံ့သဖြင့် ဆီပြန်ကြော်ချက်ပြီး အစိမ်းကြော်ခြင်း၊ ဟင်းချိုချက်ခြင်း၊ ခဝဲသီးကိုပြုတ်၍ တို့စရာအဖြစ်လည်း စားသုံးလေ့ရှိကြပေသည်။

ဆေးသိပ္ပံပညာရှင်များ၏ တွေ့ရှိထားသော ဗီတာမင်ဓာတ်များ သဘာဝသတ္တုဓာတ်များ ခဝဲသီးဂရမ် ၁၀၀ လျှင် အောက်ပါအတိုင်း ပါဝင်ပေသည်။

အစိုဓာတ် ၉၅.၂ ဂရမ်

အဆီဓာတ် ၀.၁၈ ဂရမ်

အမျှင်ဓာတ် ၀.၅ ဂရမ်

ကယ်လ်ဆီယမ်ဓာတ် ၄၀ မီလီဂရမ်

ဖော့စ်ဖရပ်စ် ၄၀ မီလီဂရမ်

အောက်ဇာလစ်အက်ဆစ် ၂၇ မီလီဂရမ်

ပိုတက်ဆီယမ် ၂ မီလီဂရမ်

ပြာဓာတ် ၅၀ မီလီဂရမ်

ဆာလ်ဖာဓာတ် ၁၃ မီလီဂရမ်

ဗီတာမင် အေ ၅၆ အိုင်ယူ

ရိုင်ဘိုဖလေဗင် ၀.၀၁ မီလီဂရမ်

ဗီတာမင် စီ ၅ မီလီဂရမ်

ပရိုတင်း ၆.၅ မီလီဂရမ်

သတ္တုဓာတ် ၀.၃ မီလီဂရမ်

ကယ်လ်ဆီယမ် ၃ မီလီဂရမ်

မဂ္ဂနီဆီယမ် ၁၁ မီလီဂရမ်

သံဓာတ် ၁.၆ မီလီဂရမ်

ဆိုဒီယမ် ၂.၆ မီလီဂရမ်

ကြေးနီ ၀.၆ မီလီဂရမ်

ကလိုရင်းဓာတ် ၇ မီလီဂရမ်

သိုင်ရာမင်းဓာတ် ၀.၀၇ မီလီဂရမ်

နီကိုတင်းနစ်အက်ဆစ် ၀.၂ မီလီဂရမ် စသည်တို့ ပါဝင်ကြပေသည်။

ကျော်တင့်ဆွေ "အံ့ဖွယ်ဆေးဖက်ဝင် သဘာဝဟင်းသီးဟင်းရွက်များ" စာအုပ်မှ ကောက်နုတ်ဖော်ပြပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more